Къэбэрдей-Балъкъэр Республикэм и Iэтащхьэм 2022 гъэм шыщхьэуIум и 30-м къыдигъэкIа Указ №81-УГ-мкIэ къищтащ

 Къэбэрдей-Балъкъэр Республикэм и Iэтащхьэм 2022 гъэм шыщхьэуIум и 30-м къыдигъэкIа

Указ №81-УГ-мкIэ къищтащ

Сату IуэхущIапIэхэр (щIыналъэхэр) террорым и шынагъуэм щыхъумэнымкIэ категориехэр зыхуагъэувын хуей сату IуэхущIапIэу (щIыналъэу) Къэбэрдей-Балъкъэр Республикэм хиубыдэу щыIэхэм я спискэм хагъэхьэн папщIэ хуагъэувхэр
1. Сату IуэхущIапIэхэр (щIыналъэхэр) террорым и шынагъуэм щыхъумэнымкIэ категориехэр зыхуагъэувын хуей сату IуэхущIапIэу (щIыналъэу) Къэбэрдей-Балъкъэр Республикэм хиубыдэу щыIэхэм я спискэм хагъэхьэн папщIэ хуагъэувхэм ящыщщ:
сату IуэхущIапIэм (щIыналъэм) терроризмэм и щIэпхъэджагъэ щалэжьмэ, абы хэкIуэдэнухэр е фэбжь щызыгъуэтынухэр цIыху 51-рэ, нэхъыбэ зэрыхъункIэ хъунур;
сату IуэхущIапIэр (щIыналъэр) псори зэхэту метр зэбгъузэнатIэ 300 нэхърэ зэрымынэхъ мащIэр.
2. Сату IуэхущIапIэхэр (щIыналъэхэр) а спискэм къыхагъэкIыжынымкIэ тегъэщIапIэхэр:
сату IуэхущIапIэр (щIыналъэр) зэрымылэжьэжыр;
сату IуэхущIапIэм (щIыналъэм) иригъэкIуэкI лэжьыгъэ лIэужьыгъуэ нэхъыщхьэр зэрихъуэжар икIи абы щыхьэт техъуэ документхэр зэриIэр;
сату IуэхущIапIэм (щIыналъэм) и инагъыр мы гуэдзэным и ещанэ абзацым и 1-нэ пунктым къыщыгъэлъэгъуам нэхърэ нэхъ мащIэ зэрищIар;
 сату IуэхущIапIэр (щIыналъэр) категориехэр гъэувынымкIэ комиссэм къызэрипщытам ипкъ иткIэ сату IуэхущIапIэхэр (щIыналъэхэр) террорым и шынагъуэм щыхъумауэ щытынымкIэ хуагъэувхэм, «Террорым и шынагъуэм щыхъумауэ зэрыщытын хуеймкIэ хуагъэувхэмрэ сату IуэхущIапIэм (щIыналъэм) шынагъуэншагъэмкIэ и паспортым и теплъэмрэ къэщтэным и IуэхукIэ» Урысей Федерацэм и Правительствэм 2017 гъэм жэпуэгъуэм и 19-м къыдигъэкIа унафэмкIэ къищтам ипкъ иткIэ сату IуэхущIапIэр (щIыналъэр) 12-нэ пунктым къыщыгъэлъэгъуахэм ящыщу зыми зэрыхимыубыдэр.