Демократием и дунейпсо махуэщ. ООН-м и Ассамблее Нэхъыщхьэм къищта унафэм ипкъ иткIэ ягъэуващ, 2007 гъэ лъандэрэ ягъэлъапIэ.
УФ-м и санитар-эпидемиологие къулыкъум и лэжьакIуэхэм я махуэщ
Дагъыстэным щыпсэу лъэпкъхэм я зэкъуэтыныгъэм и махуэщ
Беларусь Республикэм и библиотекэхэм я махуэщ
Азербайджаным щагъэлъапIэ щIэныгъэхэм я махуэр
Японием щагъэлъапIэ нэхъыжьхэм пщIэ яхуэщIыным и махуэр
1821 гъэм Испание империем къыхэкIащ Гватемалэ, Гондурас, Коста-Рикэ, Никарагуа, Эль-Сальвадор республикэхэр. ФокIадэм и I5-м а къэралхэм щагъэлъапIэ я щхьэхуитыныгъэм и махуэр.
1830 гъэм Инджылызым къыщызэIуахащ Ливерпуль, Манчестер къалэхэр зэпызыщIэ, бахъэкIэ лажьэ мафIэгухэр зытетыну япэ гъущI гъуэгур.
1916 гъэм, Япэ дунейпсо зауэр екIуэкIыу, Франджым щыIэ Соммэ псым деж инджылызыдзэхэм япэ дыдэу танкхэр къыщагъэсэбэпащ.
1921 гъэм ЦIыхубэ комиссархэм я советым къищтащ сабийхэм я узыншагъэр хъумэным теухуа унафэ.
1932 гъэм Къэбэрдей-Балъкъэр къэрал пединститутыр къызэIуахащ.
1946 гъэм Болгариер ЦIыхубэ республикэ хъуащ
1956 гъэм Аэрофлотым къигъэсэбэпу щIидзащ цIыхухэр къызэрырашэкI «Ту-I04» кхъухьлъатэ лъэщыр.
1971 гъэм къызэрагъэпэщащ щIыуэпсыр хъумэным хуэлажьэ «Гринпис» зэгухьэныгъэр.
2000 гъэм Австралием и къалэ Сидней къыщызэIуахащ ХХУII гъэмахуэ Олимп джэгухэр. Адыгэ лъэпкъым тхуэмэхуащ ар – алыдж-урым бэнэкIэмкIэ абы чемпион щыхъуауэ щытащ Къардэн Мурат.
1890 гъэм къалъхуащ инджылыз тхакIуэ, детектив роман куэд зи къалэмыпэм къыщIэкIа Кристи Агатэ.
1911 гъэм къалъхуащ философие щIэныгъэхэмкIэ доктор, профессор, КъБР-м щIэныгъэмкIэ щIыхь зиIэ и лэжьакIуэ, «Кабардино-Балкарская правда» газетым и редактор нэхъыщхьэу щыта ЦокIыл Борис.
1919 гъэм къалъхуащ Совет Союзым и ЛIыхъужь Яхэгуауэ Михаил.
1923 гъэм къалъхуащ усакIуэ-уэрэдус, УФ-м и цIыхубэ артист Танич Михаил.
1925 гъэм къалъхуащ театрымрэ киномрэ я актёр, СССР-м и цIыхубэ артист Лавров Кирилл.
1938 гъэм къалъхуащ усакIуэ, критик, литературовед, КъБКъУ-м и доценту щыта Къэжэр Хьэмид.
1946 гъэм къалъхуащ егъэджакIуэ, зэдзэкIакIуэ, жылагъуэ лэжьакIуэ Хъуажь Фахъри.
1949 гъэм къалъхуащ шэрджэс усакIуэ, журналист Пхъэш МуIэед.
1952 гъэм къалъхуащ КъШР-м и къэрал къулыкъущIэ Дохъушокъуэ Зураб.
1959 гъэм къалъхуащ усакIуэ, тхакIуэ, драматург Лыкъуэжь Нелли.
1960 гъэм къалъхуащ КъШР-м и Правительствэм и УнафэщIу щыта Къардэн Мурат.
Дунейм и щытыкIэнур
«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус I7 – I8, жэщым градус I2 – I3 щыхъунущ.
Лъэпкъ Iущыгъэ:
Щхьэщытхъу псори пцIыупсщ.
