НОБЭ

ЩэкIуэгъуэм и 3, махуэку

 
Щэхур хъумэным и дунейпсо махуэщ
Белоруссием и граждан авиацэм и лэжьакIуэхэм я махуэщ
Японием щагъэлъапIэ щэнхабзэм и махуэр
1562 гъэм Къэбэрдейм и пщы уэлий Идар Темрыкъуэ и щIалэ Думэныкъуэ и гъусэу Астрахань хъаным и деж кIуащ.
1903 гъэм Голландием щыщ физиолог Эйнтховен Виллем гум и лэжьэкIэм зэрыкIэлъыплъ электрокардиограф Iэмэпсымэ зэрызэпкърилъхьар хэIущIыIу ищIащ. И къэхутэныгъэхэм папщIэ абы 1924 гъэм Нобель и саугъэтыр хуагъэфэщауэ щытащ.
1906 гъэм Берлин Iэ зыщыщIадза Дунейпсо Радиотелеграф конвенцэмкIэ къащтащ тенджызым гузэвэгъуэ щыхэхуа кхъухьым адрейхэм хъыбар зэраригъэщIэн хуей щIыкIэр - SOS сигналыр.
1907 гъэм дунейм щыяпэу Франджым вертолёт щагъэлъэтащ.
1918 гъэм Польшэм и къэралыгъуэр зэфIагъэувэжащ.
1928 гъэм Тыркур хьэрып алфавитым къытекIри, латин графикэм техьащ.
1931 гъэм Къэбэрдей-Балъкъэрым къратащ ВЦИК-м и щIыхь тхылъыр.
1941 гъэм нэмыцэдзэхэм Курск къалэр яубыдащ. Фашистхэм ар илъэсым щIигъукIэ - 1943 гъэм мазаем и 8-м советыдзэхэм хуит къыщIыжыхукIэ яIыгъащ.
1957 гъэм СССР-м хьэршым игъэлъэтащ «Спутник-2» кхъухьыр. Абы исащ Лайкэ хьэр.
1958 гъэм Париж къыщызэIуахащ ЮНЕСКО-м и IуэхущIапIэр.
2003 гъэм дунейм ехыжащ совет усакIуэ цIэрыIуэ, Дагъыстаным и цIыхубэ усакIуэ, Социалист Лэжьыгъэм и ЛIыхъужь, СССР-м и Къэрал саугъэтым и лауреат Гамзатов Расул.
1887 гъэм къалъхуащ совет, усакIуэ, зэдзэкIакIуэ, тхакIуэ, критик Маршак Самуил.
 
1949 гъэм къалъхуащ шэрджэс тхакIуэ, драматург, зэдзэкIакIуэ, КъШР-м гъуазджэхэмкIэ щIыхь зиIэ и лэжьакIуэ Шыд Юрэ.
1949 гъэм къалъхуащ уэрэджыIакIуэ, уэрэдус, композитор цIэрыIуэ, УФ-м и цIыхубэ артист Градский Александр.
1982 гъэм къалъхуащ урысей фигурист, зэхьэзэхуэ зэмылIэужьыгъуэхэм 70-м щIигъурэ щытекIуа, абыхэм ящыщу - Олимп Джэгухэм тIэунейрэ, дунейм щэнейрэ, Европэм блэнейрэ, Урысейм пщIэнейрэ я чемпион хъуа Плющенкэ Евгений.
 
Дунейм и щытыкIэнур
 
«pogoda.yandex.ru сайтым зэритымкIэ, Налшык уэшх къыщешхынущ. Хуабэр махуэм градуси 9 - 11, жэщым градуси 6 - 8 щыхъунущ.
 

Лъэпкъ Iущыгъэ:

 Гур кIуэдмэ, лъэр щIэкIыркъым.

 
 
 
 
 
Зыгъэхьэзырар ЩхьэщэмыщI Изэщ.
Поделиться:

Читать также:

27.03.2024 - 15:00 НОБЭ
26.03.2024 - 08:01 НОБЭ
25.03.2024 - 12:07 НОБЭ
22.03.2024 - 15:54 Псым и махуэ