НОБЭ

ЩэкIуэгъуэм и 2, гъубж
Журналистхэм щIэпхъаджагъэ якIэлъезызыхьахэр жэуапым емышэлIэныр къызэпыудыным и дунейпсо махуэщ
1721 гъэм Пётр Езанэр Урысейм и император хъуащ.
1894 гъэм къэрал унафэр IэщIалъхьащ Урысейм и иужьрей император Николай ЕтIуанэм.
1937 гъэм, Октябрь революцэшхуэр илъэс тIощI щрикъум ирихьэлIэу, Кремлым и чэщанитхум щыщIагъэнащ налкъут плъыжьым (рубиным) къыхэщIыкIа вагъуэхэр.
1938 гъэм СССР-м щыяпэу цIыхубзхэм «Совет Союзым и ЛIыхъужь» цIэр фIащащ. Кхъухьлъатэзехуэхэу Гризодубовэ Валентинэ, Расковэ Маринэ, Осипенкэ Полинэ сымэ Москва щежьэри, къемытIысэхыу КъуэкIыпIэ Жыжьэм нэс лъэтауэ щытащ. Абы папщIэ хуагъэфэщауэ щытауэ арат а цIэ лъапIэр.
1942 гъэм Къэбэрдей-Балъкъэр партизан гупыр Хьэбэз щыIэ нэмыцэ быдапIэм теуащ икIи хэщIыныгъэшхуэ иратащ.
1942 гъэм Къэбэрдей бгылъэ заповедникыр къызэрагъэпэщащ.
2004 гъэм США-м и президенту етIуанэу хахащ Буш Джордж (нэхъыщIэр).
1940 гъэм къалъхуащ композитор, УФ-м гъуазджэмкIэ щIыхь зиIэ и лэжьакIуэ, КъБР-м и Къэрал саугъэтым и лауреат Молэ Владимир.
1947 гъэм къалъхуащ тхыдэ щIэныгъэхэмкIэ доктор, КъБКъУ-м и профессор, ЩIДАА-м и академик Бгъэжьнокъуэ Барэсбий.
1951 гъэм къалъхуащ геолого-минералогие щIэныгъэхэмкIэ доктор, ЩIДАА-м и академик, Тыркумэнымрэ УФ-мрэ щIэныгъэхэмкIэ щIыхь зиIэ я лэжьакIуэ Абыкъу Лейлэ.
1957 гъэм къалъхуащ усакIуэ, «Адыгэ псалъэ» газетым и корреспондент Лъостэн Музэ.
1965 гъэм къалъхуащ усакIуэ, зэдзэкIакIуэ Къармэ Iэсият.
1981 гъэм къалъхуащ урысей фигуристкэ, УФ-м спортымкIэ щIыхь зиIэ и мастер, урысейпсо зэпеуэхэм щэнейрэ, европэ зэхьэзэхуэхэм тхуэнейрэ, дунейм тIэунейрэ щытекIуа, Олимп Джэгухэм я чемпионкэ Тотьмянинэ Татьянэ.
1984 гъэм къалъхуащ «Адыгэ псалъэ» газетым и оператор-верстальщик Къуэдзокъуэ Анжелэ.
Дунейм и щытыкIэнур
«pogoda.yandex.ru сайтым зэритымкIэ, Налшык пшэр-техьэ-текIыу щыщытынущ. Хуабэр махуэм градуси 9-II, жэщым градуси 5-I6 щыхъунущ.

Лъэпкъ Iущыгъэ:
Бзаджэм уи кIэ иубыдмэ, пыупщIи блэкI.