УФСБ-м къетМелуани 2-м щIигъу хэщIыныгъэ КъБР-м щыIэ УФСБ-м экономикэм ехьэлIа щIэпхъаджагъэхэм пэщIэт Iуэхухэр щригъэкIуэкIым къызэпиудащ КъБР-м и Тэрч районым и щIыпIэ администрацэм финансхэмкIэ и управленэм и унафэщIым и къуэдзэу щыта Дыкъуэ А. А. илэжьа хабзэншагъэр. НаIуэ къызэрыхъуащи, абы и къулыкъур къигъэсэбэпурэ къэралым Iуэху пыухыкIахэм яхухиха ахъшэр и банк счётхэм игъэкIуащ икIи щIыпIэ бюджетым сом мелуани 2-м щIигъу хэщIыныгъэ иритащ. Налшык къалэ судым и унафэ къару зыгъуэтам ипкъ иткIэ Дыкъуэ А. А. къуаншэу къалъытащ икIи условнэу илъэси 2-рэ мази 9-рэ тралъхьащ. НаркотикхэкIхэр иригъэкIырт ХабзэншагъэкIэ наркотикхэкIхэр игъэкIыным пэщIэт Iуэхухэр КъБР-м щыIэ УФСБ-мрэ МВД-мрэ я лэжьакIуэхэм ирагъэкIуэкIыу къыщIагъэщащ хуит ямыщI пкъыгъуэхэр республикэм и щIыналъэм щигъэкIыным Прохладнэ районым щыпсэу цIыхубзыр зэрыпыщIар. Езыри и хэщIапIэри къыщащым Мэзло Д.Х. къытрахащ «мефедрон» наркотикхэкI грамм 21,19-рэ. Прохладнэ район судым Мэзлор къуаншэу къилъытащ. Абы илъэсибл тралъхьащи, а зэманыр къызэрыгуэкI колонием щигъэкIуэнущ.
Поделиться:
Читать также:
25.04.2024 - 16:00 →
ЩIэщхъуитI
25.04.2024 - 14:33 →
Iус зэхэлъым къыщIэупщIэм хохъуэ
25.04.2024 - 13:00 →
Хэкур фIыуэ лъагъуным хуаущий
25.04.2024 - 11:30 →
IэнатIэм зеужь
25.04.2024 - 10:04 →
Зэныбжьэгъугъэм и щыхьэт
|