Бжыгъэр зи лъабжьэ Iуэхутхьэбзэхэм зрагъэужь

«Урысейм и Мэкъумэшбанкым» «Своё Жильё» интернет платформэм щригъэкIуэкIащ япэ ипотекэ зэгурыIуэныгъэхэр. Абы къыщагъэсэбэпащ Къэрал Iуэхутхьэбзэхэм хыхьэ «Госключ» гуэдзэным  и электроннэ IэщIэдзыр, сыт   и лъэныкъуэкIи нэхъ шына­гъуэншэ ящIар. Апхуэдэ ипотекэ зэгурыIуэныгъэ зэщIы­лIэкIэр къэралым япэу къы­щызэзыгъэпэщар «Урысейм и Мэкъумэшбанкырщ», Урысейм Бжыгъэхэр зи лъабжьэ зыужьыныгъэмкIэ, связым-рэ цIыхубэ коммуникацэ­хэмкIэ и министерствэр щIыгъуу.

«Урысейм и Мэкъумэш­бан­кым» цIыхухэм унэ къащэху-ным хуэгъэзауэ яхуищIэ Iуэхутхьэбзэхэр кIуэ пэтми нэхъ йофIакIуэ: зэгурыIуэныгъэм и Iыхьэ нэхъыбэр электроннэу зэфIэбгъэкIыфынущ, зэманри къарури къыдебгъэдзэфы-нущ, абы и фIыгъэкIи, куэдрэ зыпэплъа псэупIэм нэхъ псынщIэу щIэтIысхьэфынущ. Ипотекэ программэм хыхьэ ­пакет куэдым дэтхэнэми къы­хихыфынущ езым нэхъ къищ-тэ фэтэрыр е унэр къызэрищэ­хуну Iэмалыр», - къыхигъэщащ «Урысейм и Мэкъумэшбанкым» розницэ продуктхэм къахэгъэхъуэнымкIэ, Iуэхутхьэбзэхэм зегъэужьынымкIэ         и департаментым и унафэщI Волосевич Еленэ.
Япэ ипотекэ зэгурыIуэныгъэр банкым Калугэ щиIэ къудамэм щызэращIылIауэ щытащ. ЦIыхум щIы Iыхьэ и гъусэу унэ къищэхуащ. Абы щэн-къэщэхуным теухуа зэгуры­Iуэныгъэри, щIыхуэ къызэрищтэмкIэ тхылъри, псэупIэр ей зэ­рыхъум и щыхьэт къэрал до­кументыр къызэрыратыну лъэIури банкым и «Госключ» гуэдзэнымкIэ зэфIигъэкIащ. А псом къадэкIуэу, зэгурыIуэ­ныгъэм хэтхэм «Урысейм и Мэкъумэшбанкым» и «Своё Жильё» порталым зыщ­рагъэтхащ, «Госключ» гуэ­дзэныр къагъэсэбэпын папщIэ.
«Урысейм и Мэкъумэшбанкым» шэщIауэ зрегъэужь ­бжыгъэр зи лъабжьэ и Iуэ­ху­тхьэбзэхэм. «Своё Жильё» платформэр абыхэм ящыщщ. Системэм IэмалыщIэхэр хы­­догъэхьэ. Абыхэм я фIыгъэкIэ ипотекэр къэщтэным ехьэлIауэ зэфIэгъэкIыпхъэ Iуэхугъуэхэр нэхъ тынш мэхъу. «Своё ­Жильё» платформэр адэкIи ­едгъэфIэкIуэнущ», - жиIащ «Урысейм и Мэкъумэшбанкым» Финанс технологиехэм зегъэужьынымкIэ и центрым и унафэщI Батуровэ Еленэ.
«Госключ»-р юридическэ ­мы­хьэнэ зиIэ электроннэ документхэм Iэ зэрытрадзэ гуэ­дзэнщ. Абы пщIэншэу сертификатрэ электроннэ Iэ щIэдзрэ къущатыфынущ. Нэхъ зэпкъ­рыхауэ технологием зыщыбгъэгъуазэ хъунущ Къэрал Iуэхутхьэбзэхэм я порталым: gosuslugi.ru/goskey.
«Своё Жильё» платформэм къызэщIеубыдэ псэупIэ къэ­щэхунымрэ ар зыхуей хуэгъэ­зэнымрэ ехьэлIа Iуэхутхьэбзэ псори. Абы цIыхухэм къыща­гъуэтынущ псэупIэщIэ ми­нитIым щIигъурэ нэхъ пасэу яухуа, цIыху щыпсэуа унэу  минрэ ныкъуэрэ. Ар пыщIащ псэупIэ къэлъыхъуэнымкIэ ­ЦИАН платформэм. Къищы­­-нэ­мыщIауэ, мыбы къыщы­- гъэ­лъэгъуащ ипотекэм ехьэлIауэ «Урысейм и Мэкъу­мэшбанкым» иIэ Iуэхутхьэбзэ псори.
Урысей Федерацэм и мэк­ъу­мэш-промышленнэ IэнатIэм епха IуэхущIапIэхэм кредит-финанс Iуэхутхьэбзэ яхуэ­щIэным и лэжьыгъэр теухуащ «Урысейм и Мэкъумэшбанк» АО-м. Ар къызэрагъэпэщащ 2000 гъэм икIи нобэ ­къалъытэ АПК-м и кредитор ­нэхъыщхьэу. «Урысейм и Мэ­къумэшбанкыр» ди къэралым щылажьэхэм ящыщу нэхъ лъэщхэм, зи Iуэхухэр зэпIэ­зэрытхэм, мылъку хъарзыни зыбгъэдэлъхэм хабжэ.