Къэбэрдей-Балъкъэр Республикэм и Iэтащхьэ КIуэкIуэ Казбек ЦIыхубэм я зэкъуэтыныгъэм и махуэм теухуа и хъуэхъу

Къэбэрдей-Балъкъэрым пщIэ зыхуэсщI и цIыхухэ!
Си лъахэгъу лъапIэхэ!
ЦIыхубэм я зэкъуэтыныгъэм и махуэмкIэ сыныво­хъуэхъу!
А махуэр и дамыгъэщ Урысейм лъэпкъ куэду зэхэт и цIыхубэм, лIэщIыгъуэкIэрэ ди къэралым и къарумрэ щхьэхуитыныгъэмрэ я лъабжьэ быдэу къекIуэкIахэм, я зэкъуэтыныгъэмрэ зэхэщIыкIымрэ и лъэщагъым.
Апхуэдэу ар и щыхьэтщ ди цIыхухэм я Хэкум хуаIэ лъагъуныгъэм, я адэжьхэм хуащI пщIэм, нэхъыжьхэм зауэми лэжьыгъэми щызэрахьа лIыхъужьыгъэшхуэм хуэфащэу, езыхэм я щIыналъэм хуэпэжу, ар хъумэным хуэ­хьэзыру зэрыщытым икIи хэкум и къарумрэ зэ­фIэкIымрэ гъэбэгъуэным, цIыхухэм я псэукIэр егъэфIэкIуэным я гур зэретам.
ГъащIэм гъэунэхуныгъэ мытыншхэр къыщытхуихьа мы зэманым апхуэдэ фIыгъуэхэм я мыхьэнэм псом хуэ­мыдэу хохъуэ. Дэ ди къалэнщ абыхэм дахуэсакъыну, ди тхыдэ хъугъуэфIыгъуэхэр, лъэпкъ зэкъуэтыныгъэр дгъэ­быдэну, къэралым и цIыху нэсу, абы и къэкIуэнум ды­те­ла­жьэу дыщытыну.
Ди зэфIэкIхэр зэщIэдгъэуIуэрэ дызэкъуэту икIи дызэ-акъылэгъуу дызэдэлажьэмэ, гугъуехь псори къызэры-зэднэкIынум, дыщалъхуа Къэбэрдей-Балъкъэрыр, ди Хэкур егъэфIэкIуэным хуэгъэза ди хъуэпсапIэ псори къызэрыдэхъулIэнум шэч къытесхьэркъым.
 Псоми си гуапэу сынывохъуэхъу узыншагъэ, фIыгъуэ, ефIэкIуэныгъэ фиIэну.