ЗэдэлэжьэкIэр яубзыху

19 ноября, 2022 - 11:41

КъБР-м и Iэтащхьэ КIуэ­кIуэ Казбек IущIащ «Россети Северный Кавказ» IуэхущIапIэм и унафэщI Левченкэ Роман.

зэIущIэр  нэхъыщхьэу зытеухуауэ щытар КъБР-м и электрокомплексым зегъэу­жьынырщ. Псалъэм пап- щIэ, тепсэлъыхьащ респуб­ли­кэм и къалэхэмрэ жыла­гъуэхэмрэ уэздыгъэкIэ гу­къеуэ щымыIэн папщIэ, зэщIыгъуу егъэкIуэкIын хуей лэ­жьыгъэхэм.
2022 - 2023 гъэхэм я бжьыхьэ - щIымахуэ лъэхъэнэм зыхуагъэхьэзыру зы­хуей хуагъэзащ трасформатор 251-рэ, электрокъару зэ­ры­зекIуэ кIапсэ километри 100. Къыхэгъэщыпхъэщ ар мы  гъэм ялэжьыну я гугъам нэхърэ зэрынэхъыбэр. А псоми текIуэдащ сом мелуан 274-рэ икIи а Iуэху дыдэм нэгъабэ хуаутIыпщауэ щытам нэхърэ нэхъыбэ ихьащ.
Гулъытэ хэха хуащIынущ псэу­пIэхэмрэ ухуэныгъэ­щIэ­хэмрэ уэздыгъэр тыншу ­ирашалIэу Iуэхур зэтрауб­лэным. Мы гъэм и мазибгъу блэкIам къриубыдэу уэздыгъэ щIэшэнымкIэ Россетым зэгурыIуэныгъэ 1700-рэ ди ­щIыналъэм щращIылIащ.

  • 16 просмотров
Поделиться: