Тхылъ гъэлъэгъуэныгъэАдыгэ усакIуэ, тхакIуэ, драматург, «Горянка» газетым и редактор нэхъыщхьэ Къаныкъуэ Заринэ хэтщ Нью-Дели (Индие) щекIуэкI международнэ тхылъ выставкэм. Iуэху дахэр къызэрагъэпэщащ япэу а зэхыхьэр зэрызэхашэрэ 2023 гъэм илъэс 50 зэрырикъум и щIыхькIэ. Урысейм и лъэпкъ стендыр къызэIузыхахэм яхэтащ хамэ къэрал литературэр зэдзэкIыным хэхауэ щелэжь Институтым и унафэщI Резниченкэ Евгение, Индие Республикэм УФ-м и Посольствэу щыIэм и япэ секретарь Аряевэ Юлэ, Индие Республикэм УФ-м и Посольствэу щыIэм и атташе Анциферов Михаил, Нью-Дели щыIэ Урыс унэм и лIыкIуэхэр, нэгъуэщIхэри. Выставкэм Урысейм программэ гъэщIэгъуэн хуигъэхьэзырам. Абы хыхьэу утыку кърахьэнущ «Программа поддержки национальных литератур народов Российской Федерации» Iуэхур, УФ-м и Президентым и унафэкIэ 20I6 гъэм ягъэхьэзырар. Урысейм и блыным увыпIэ ин щаубыд Урысейм ис лъэпкъхэм я усэ, прозэ, драматургие тхыгъэхэр щызэхуэхьэса антологиехэм. КъыдэкIыгъуэхэм хагъэхьащ Къаныкъуэ Заринэ и IэдакъэщIэкIхэри. КъыжыIапхъэщ, иджыблагъэ Гаванэ щекIуэкIа апхуэдэ зэхыхьэ гуапэми Къаныкъуэр зэрыхэтар. Дели щекIуэкI зэхыхьэм Заринэ утыку къыщрихьащ и усэ тхылъхэр, «Сыринэ» адыгэ щIалэгъуалэ театрыр, игъэзащIэ и пьесэр. Выставкэм Урысейм щыхухаха, метр зэбгъузэнатIэ 50 хъу дапхъэм тхылъ 500 щагъэлъагъуэ, художественнэ, сабий, тхыдэ, жылагъуэ-политикэ къыдэкIыгъуэхэр, альбом щхъуэкIэплъыкIэхэр къызэщIаубыдэу.
Поделиться:
Читать также:
13.04.2024 - 15:23 →
Махуэшхуэм зыхуагъэхьэзыр
13.04.2024 - 13:44 →
ЩытыкIэр я нэIэ щIэтщ
13.04.2024 - 11:18 →
Дзэм ираджэнухэр
13.04.2024 - 10:08 →
Зэгухьэныгъэм зэфIигъэкIар
06.04.2024 - 10:26 →
Театрхэм я ехъулIэныгъэ, я гугъуехь
|