ГъащIэ гъуэгуанэ

Ар и фIэщыгъэу Котляровхэ Викторрэ Мариерэ я тхылъ тедзапIэм къыщыдэкIащ Молэ Барэсбий (1933 - 2010) и тхылъ, Молэм ипхъухэм ягъэхьэзырауэ. 
- Тхылъыр зи Iэдакъэ къыщIэкIам и гъащIэмрэ гуащIэмрэ Бахъсэн районым пыщIауэ къекIуэкIащ: Бахъсэн мэкъумэш профтехучилищэм и егъэджакIуэу, МТС-м и механик нэхъыщхьэу, «Автозапчасть» заводым и цехым и мастеру, СПТУ-м и унафэщIым и къуэдзэу щытащ. 
Пенсэм кIуа нэужь, къуажэдэсхэм я лъэIукIэ, Молэ Барэсбий зыщыщ жылэм я молэ хъуащ, Бахъсэн районым и имамым и къалэнхэри игъэзэщIащ, хьэрыпыбзэр, диным епха дауэдапщэхэм фIыуэ хищIыкIырти. Ар республикэм и къалэ, къуажэ куэдым къыщацIыхурт лэжьыгъэ IуэхукIэ 
кIуэурэ ядэIэпыкъуу щытащ. Илъэс 13 дэкIыжащ ар дунейм зэрехыжрэ. Ар куэдым ягу къинащ жащ цIыху гуапэу, цIыхугъэрэ адыгагъэрэ хэлъу дунейм зэрытетамкIэ. 
Молэ Барэсбий куэдым зрипщыту, зэфIэкI иIэу къекIуэкIащ. И щIалэгъуэм ар спортым и мастер хъуат, и усэхэр республикэм къыщыдэкI газетхэмрэ журналхэмрэ къытехуэрт. «Къэбардэ Мурат» поэмэр итхащ абы. А поэмэмрэ и усэхэмрэ итщ Барэсбий и фэеплъу къыдагъэкIа тхылъым.