|
|
Жылагъуэ
6 мая, 2025 - 09:05
Урысей Федерацэм и Президентым къидигъэкIа унафэм къызэрыщыгъэлъэгъуамкIэ, 2030 гъэм ирихьэлIэу ди къэралым хыхьэ щIыналъэхэм я районхэм я къалащхьэхэм ущыпсэун щхьэкIэ щыIэ Iэмалхэмрэ инфраструктурэмрэ процент 30-кIэ, 2036 гъэм – процент 60-кIэ ирагъэфIэкIуэн хуейщ.
6 мая, 2025 - 08:03
Налшык дэт поликлиникэ №1-м илъэс куэд щIауэ щолажьэ эндокринолог КIуащ Майе Михаил и пхъур. Иджыблагъэ къытIэрыхьащ дохутырым хуэгъэза фIыщIэ псалъэ.
5 мая, 2025 - 14:17
Кавказ Ищхъэрэм СтатистикэмкIэ и управленэм къызэритамкIэ, дызэрыт илъэсым и щIышылэм - мазаем къриубыдэу Къэбэрдей-Балъкъэрым и цIыхухэм сом мелард 13,2-рэ и уасэ Iуэхутхьэбзэ хуащIащ. Нэгъабэ и апхуэдэ пIалъэм щыIа бжыгъэхэм нэхърэ ар проценти 117,1-кIэ нэхъыбэщ.
А пIалъэм къриубыдэу унагъуэ Iуэхухэм пыщIа, цIыхум хуащIэ Iуэхутхьэбзэхэм псори зэхэту сом меларди 2,2-рэ къыпэкIуащ икIи 2024 гъэм и апхуэдэ пIалъэм щыIа бжыгъэхэм нэхърэ ар процент 34,7-кIэ нэхъыбэщ.
5 мая, 2025 - 12:14
Россельхознадзорым и управленэу Кавказ Ищхъэрэм щыIэм къызэритамкIэ, 2025 гъэм и мэлыжьыхьым абы и IэщIагъэлIхэм къапщытащ Къэбэрдей-Балъкъэрым и хуабэщхэм къыщагъэхъуауэ Белоруссием хурагъэшэну ягъэхьэзыра бэдрэжанхэм я фIагъыр.
А хадэхэкIым щыщу тонн 24-рэ Минск, Брест къалэхэм иджыблагъэ яшащ. Бэдрэжанхэм ехьэлIауэ фитосанитар и лъэныкъуэкIэ Белоруссием къигъэув мардэхэм ахэр хуокIуэ икIи щыIэ хабзэхэр къызэпаудыркъым. Къыхэдгъэщынщи, ди республикэм и хуабэщхэм къыщагъэкIа бэдрэжанхэр ди къэралым япэу ирашауэ аращ.
5 мая, 2025 - 11:30
Урысей Федерацэми хамэ къэралхэми я инвесторхэр Къэбэрдей-Балъкъэрым къешэлIэным ехьэлIауэ ди щIыналъэм IэмалыфIхэр къыщызэрагъэпэщ зэпытщ. Апхуэдэ Iуэху бгъэдыхьэкIэм ипкъ иткIэ инвестицэм щхьэкIэ щыIэ хабзэхэри ирагъэфIакIуэ.
5 мая, 2025 - 10:15
Гъэмахуэм Къэбэрдей-Балъкъэрым зыгъэпсэхуакIуэ къакIуэ туристхэм я бжыгъэм, нэгъабэ щыIахэм елъытауэ, процент 15 - 17-кIэ мы гъэм хагъэхъуэну я мурадщ, щыжаIащ КъБР-м Курортхэмрэ туризмэмкIэ и министерствэм.
Абы къызэритамкIэ, республикэм и хьэщIэщхэм я пэшхэм я процент 40-р зэпэубыдакIащ икIи абыхэм я нэхъыбэм мазищ ипэкIэ зыщрагъэтх хабзэщ.
5 мая, 2025 - 09:26
Фашистхэм НэщIэпыджэхэ я унэ-лъапсэр зэрапхъуауэ щыпсэурт, зыхуейр ящIэу, зыхуейр яшхыу. Зэгуэрым Муса и къуэ нэхъыжь Ибрэхьим и адэм и шыр фашистхэм къафIидыгъужыну иужь ихьащ. Жэщыбгым шэщым щIыхьэри, шыр къыщIихуащ, абы шэсри пщIантIэм щыдихум, зы нэмыцэр кIэлъыуэри и тхьэкIумэм техуауэ щытащ. Абы щхьэкIэ къэмыувыIэу Ибрэхьим шыр Шэрэдж псыжьым зэприхури, Псыгуэнсу дэс я благъэм, Мызхэ щигъэпщкIуауэ щытыгъащ.
4 мая, 2025 - 09:34
Хьэщэ Артур Аруан къуа-жэм къыщалъхуащ 1983 гъэм. Курыт еджапIэр къиуха нэ-ужь, юрист IэщIагъэм хуеджащ, итIанэ пIалъэкIэ хэтащ ОМОН-м.
4 мая, 2025 - 07:32
ТекIуэныгъэ Иныр илъэс 80 зэрырикъум и щIыхькIэ къызэрагъэпэща шу зекIуэ щекIуэкIащ Лашынкъей - ХьэтIохъущыкъуейм и «910-нэ лъагапIэ» гъуэгуанэм тету.
3 мая, 2025 - 08:00
Ди къэралым и щыхьэр Москва дэт ТекIуэныгъэм и музейм иджыблагъэ зэIущIэ купщIафIэ къыщызэрагъэпэщащ. 2025 гъэр Хэкум и хъумакIуэм хухахауэ зэрыщытымрэ ТекIуэныгъэ Иныр илъэс 80 зэрырикъумрэ къалъытэри, абы щагъэлъэпIащ ныбжьыщIэ гуп. Iуэхугъуэр жэрдэм ищIащ УФ-м и Федеральнэ Зэхуэсым ФедерацэмкIэ и Советым и нэIэм щIэту лажьэ «Гу пщтыр» урысейпсо къэрал-жылагъуэ зэгухьэныгъэм (унафэщIыр Медведевэ Светланэщ).
Страницы
|
