Адыгэ гупсысэкIэм къызэрищтэмкIэ, псэущхьэ псори, языныкъуэхэр зэрану къалъытэми, къызыхуигъэщIа Iуэху хэха щыIэщ, дэтхэнэми пщэрылъ пыухыкIа иIэу дунейм къытохьэ. Хэти шынагъуэщ, ауэ зэран хъу псэущхьэ щхьэхуэхэр мыбэгъуэнымкIэ егъэлеяуэ щхьэпэщ. Хэти гурыхьщ, уеплъ пэтми защыбгъэнщIыркъым, уеIусэну икIи зыхэпщIэну ухуейуэ гукъыдэж къыуат. Иужьрей псэущхьэ лIэужьыгъуэхэм ящыщщ, псалъэм папщIэ, хьэндырабгъуэр. УеплъынкIэ гуапэщ, укIэлъыплъынкIэ щIагъуэщ. Адыгэхэм зэрыжаIэмкIэ, гъэмахуэ жэщ псом уэсэпсыр къызэрехым укIэлъыплъыным нэхъ гухэхъуэ щыIэкъым.

ЩIыуэпсым хузэфIокI цIыхур зыхуэныкъуэ псомкIи игъэнщIыну. Абы гъащIэ къегъэщI, деIыгъ, зэтрекъутэж и чэзур къыщысым деж. Пэжщ, цIыхум ехъулIэныгъэшхуэхэр зригъэгъуэтащ щIэныгъэ и лъэныкъуэкIэ, ауэ щIыуэпсым пэщIэтыну, ебэныну хузэфIэкIыркъым. Дэ зыри тхуещIэркъым щIыхъейм, къэбэкъауэм, псыдзэм. ЦIыхур жыжьэ дыдэ Iэбауэ, куэд къихутауэ къыщыхъужми, укъэзыгъэуIэбжьыр щыгъунэжщ дыкъэзыухъуреихь дунейм.

Къэбэрдей-Балъкъэрымрэ Кувейтымрэ кхъухьлъатэхэмкIэ иджыблагъэ зэпыщIа хъуащ. Тхьэмахуэ блэкIам Налшык къалэм и аэропортым япэу телъэтыкIри, а хьэрып къэралым кIуащ Мэчэрэ Мэдинэрэ хьэж цIыкIу щащIыну ежьа цIыхуи 170-рэ зэрыса кхъухьлъатэр.

«Къэбэрдей-Балъкъэрым и транспорт IэнатIэм зегъэужьын» къэрал программэм хыхьэ «Гъуэгу хозяйствэр» программэ гуэдзэным ипкъ иткIэ КъБР-м Транспортымрэ гъуэгу хозяйствэмкIэ и министерствэм къыбгъэдэкIыу Бахъсэн къалэм и Парковэ уэрамыр зэрызэрагъэпэщыжын субсидие щIыпIэ администрацэм хуаутIыпщащ.

«Коммунальнэ инфраструктурэр егъэфIэкIуэн» къэрал пэхуэщIэр мы гъэм хагъэхьащ «ГъащIэм хуэщIа инфраструктурэ» къэрал пэхуэщIэм икIи абы и къалэн нэхъыщхьэхэм ящыщщ цIыхухэр псы къабзэкIэ къызэгъэпэщынымрэ псы къагъэсэбэпар зэрыIуаш системэхэр гъэувынымрэ.

ГъащIэр зэрылъапIэр, упсэуну зэрынасыпыр фIы дыдэу ящIэрт Хэку зауэшхуэм хахуэу щызэуа, Лъахэм и щхьэхуитыныгъэм папщIэ зи псэр зыта кхъухьлъатэзехуэхэм. А гъащIэр фIэIэфIт икIи игъэлъапIэрт лIэн-къэнэну бийм пэщIэта Къуэныкъуей Назири. Дагъэгъэсыныр иухарэ и кхъухьлъатэри ныкъуэкъутэ хъуауэ ар къыщелаи къэхъуащ.

УнагъуэщIэхэм зыщIагъакъуэ

УнагъуэщIэхэр псэупIэхэмкIэ къызэгъэпэщыным хуэунэтIауэ «УнагъуэщIэ» къэрал программэм къыщыгъэлъэгъуа Iуэхугъуэхэр Бахъсэн щIыналъэ администрацэм жыджэру щагъэзащIэ. 

Ар хохьэ «ПсэупIэмрэ къалэ щыIэкIэмрэ» лъэпкъ пэхуэщIэмрэ «Урысей Федерацэм и цIыхухэр псэупIэ тыншхэмкIэ къызэгъэпэщынымрэ коммунальнэ Iуэхутхьэбзэхэр яхуэщIэнымрэ» къэрал программэмрэ.

Гъатхэмрэ бжьыхьэмрэ, дызэрыщыгъуазэщи, уэшхыр мэятэ. АтIэ, сыт ар къыщIешхыр, дэнэ къыздикIыр? Илъэсым и кIуэцIкIэ дунейм плIэ зызредзэкI: дэтхэнэ зыми и мыхьэнэ иIэжщ, къалэн егъэзащIэ. Гъатхэм дунейр мэгъагъэ, гъэмахуэм мэбагъуэ, бжьыхьэм хугъуэфIыгъуэр кърахьэлIэжри, щIымахуэм зегъэпсэху, къаруущIэ щIэлъу аргуэрым гъатхэм къызэщIэгъэгъэн хуэдэу.  Уэлбанэрилэр цIыхухэм яфIэфIкъым.

Кавказ Ищхъэрэм статистикэмкIэ и управленэм къызэритамкIэ, 2025 гъэм и мазибгъум къриубыдэу Къэбэрдей-Балъкъэрым ерыскъыхэкIхэмкIэ и промышленнэ индексыр проценти 102,2-рэ хъуащ. Псом хуэмыдэу хэхъуэ щыIэщ IэфIыкIэмкIэ, тхъуцIынэмкIэ, шэ зэфэмкIэ, шатащхъэмкIэ, кхъуеймрэ кхъуейлъалъэмкIэ, щIакхъуэмрэ щIакхъуэхэкIымкIэ, пхьэщхьэмыщхьэ консервхэмкIэ, IусыпхъэхэмкIэ.

Къапщытэж пIалъэм къриубыдэу псыхэкIыу къыщIагъэкIам и куэдагъым проценти 118,1-кIэ хэхъуащ. Абы хохьэ спиртыр, фадэ лIэужьыгъуэхэр, шагъырыр, псыIэфIыр.

Къэрал кIуэцI IуэхухэмкIэ министру КъБР-м щыIэ, полицэм и генерал-лейтенант    Крючков Вячеслав  иригъэблагъэри, Къэбэрдей-Балъкъэр гуманитар-техникэ колледжым «Хабзэхъумэ лэжьыгъэ» программэмкIэ щрагъаджэ   студентхэр щыIащ  МВД-м и  Кинолог цент­рым.

ЦКС-м и лэжьакIуэхэр  тепсэлъыхьащ  я лэжьыгъэр зыхуэдэм, хьэхэр ящIыгъуу щIэпхъаджагъэхэр къызэрыщIагъэщым, административнэ хабзэншагъэхэр къызэрызэпаудым, жылагъуэ хабзэр зэрахъумэм.