Жылагъуэ

Къэбэрдей-Балъкъэрым иужьрей илъэсхэм щрагъэкIуэкI зэIузэпэщыныгъэ лэжьыгъэхэм хыхьэу Тэрч къалэм Лермонтовым и цIэкIэ щыIэ и уэрамыр къызыхуэтыншэу зэрагъэпэщыж мы махуэхэм. НобэкIэ гъуэгум и лъэныкъуитIымкIи лъэс лъагъуэхэр щагъэтэмэмащ, мывэхэмкIи кърагъэбыдэкIыжащ, уэрамым зэ ирикIуэгъуэу асфальтрэ бетонрэ зэхэщIауэ тралъхьащ. Абыхэм къадэкIуэу, уэздыгъэхэр зыпадзэну пкъохэр ягъэув.

ЦIыхум къыдалъху къыщIэкIынщ адрейхэм нэхърэ нэхъыфIу зибжыжын хьэлыр. Ар псэм зэрызихъумэж къарухэм язу щытми, гъэсэныгъэм, зыужьыныгъэм, щэнхабзэм, псэкупсэ лъапIэныгъэхэм я фIыгъэкIэ, Алыхьым къигъэщIа псори езым зэрещхьыр къыгуроIуэ, апщIондэху «цIыху» мэхъу.

Къэбэрдей-Балъкъэрым и автоинспекторхэм зи гур къы­зэ­Iыхьа цIыхубзыр икIэщIыпIэкIэ сымаджэщым нагъэсащ. 

ГъэсакIуэхэмрэ сабий садым и лэжьа­кIуэ­хэмрэ я махуэм ирихьэлIэу Бахъсэн къалэм ще­кIуэкIащ «Сабийхэр фIыуэ ялъагъуу. Я IэщIагъэм хуэIэижьу» гуфIэгъуэ пшыхьыр. А зэIущIэм щызэхуэсат мы лэжьыгъэ мытыншыр къы­хэзыхахэмрэ абыхэм я гъэсэнхэмрэ. 

Жэпуэгъуэм и 4-р Псэущхьэхэр хъумэным и дунейпсо ­махуэщ. Ар зыхуэгъэзар дэ, цIыхухэр, дыкъэзыухъуреихь дунейм и хъугъуэфIыгъуэхэм къыгуэхыпIэ зимыIэу къалъытэ псэущхьэхэмрэ къэкIыгъэхэмрэ Iущагъэ ин тхэлъу къызэрыдгъэсэбэпыным ди гупсысэр хуэдгъэкIуэнырщ. 

ФокIадэм и 30-р иджырей урысей тхыдэм и махуэгъэп-сым хэт махуэ хэхащ. А махуэм, 2022 гъэм, Iэ щIадзащ Донецк, Луганск цIыхубэ республикэхэр, Запорожскэ, Херсон областхэр Урысей Федерацэм къы­зэрыхагъэхьэжам теухуа тхыдэ дэфтэрхэм. Абы и щIыхь­кIэ Бэрбэч ХьэтIутIэ и цIэр зе­зыхьэ Къэбэрдей-Балъкъэр къэрал университетым къы-­щы­зэIуахащ «Урысейм и щIыналъэщIэхэр» гъэлъэгъуэ­ны­гъэр.

УФ-м и ТхакIуэхэм, Журналистхэм я зэгухьэ­ныгъэхэм хэт, адыгэм къытхэкIа усакIуэ, журналист ныбжьыщIэ Чэнджэщауэ Артур иджы­благъэ къыдигъэкIащ урысыбзэкIи адыгэбзэ-кIи итха усэхэр щызэхуэхьэса «На стыке веков» тхылъыщIэр. Ар и щхьэусыгъуэу «Черкес хэку» газетым и корреспондент Лыхь Тимур щIалэ-щIэм щепсэлъам къыжриIам фыщыдогъэ­гъуазэ. 

КъБР-м и Iэтащхьэ КIуэкIуэ Казбек хэтащ КИФЩI-м шынагъуэншагъэр къы­щызэгъэпэщынымкIэ, коррупцэм щыпэ­щIэтынымкIэ, хабзэр къызыхуэ­тыншэу щыгъэлэжьэнымкIэ зэзыгъэуIу зэIущIэм. Ар иригъэкIуэкIащ УФ-м и Пре­зи­дентым и полномочнэ лIыкIуэу ­КИФЩI-м щыIэ Чайкэ Юрий. 

«Урысей зэкъуэт» политикэ партым Налшык щиIэ и къудамэм щагъэлъэпIащ зи ныбжь хэкIуэтахэм я махуэр - нэхъыжьхэр кърагъэблагъэри ерыскъы IэнэкIэ ягъэхьэ-щIащ, макъамэкIэ, уэрэдкIэ, къафэкIэ я нэгу зрагъэужьащ.

Ди республикэм и къалащхьэ Налшык къыщызэIуахащ Урысей МВД-м и Къэбэрдей-Балъкъэр институт. Iуэхугъуэм иращIэкIа гуфIэгъуэ дауэдапщэм хэтащ КъБР-м и Iэтащхьэ КIуэкIуэ Казбек. Зэ­хуэсым кърихьэлIа хьэщIэ лъа­пIэхэм ящыщщ УФ-м къэ­рал кIуэцI IуэхухэмкIэ и министрым и къуэдзэ Кубышкэ Владимиррэ Урысейм и ­МВД-м Кавказ Ищхъэрэ фе-деральнэ щIыналъэмкIэ и Уп­рав­ленэ нэхъыщхьэм и уна­фэщI Бачурин Сергейрэ.