|
|
Жылагъуэ
12 июля, 2023 - 14:12
1941 - 1945 гъэхэм екIуэкIа Хэку зауэшхуэр ди къэралым и ТекIуэныгъэ инкIэ зэриухрэ илъэс 80-м нэсащ. А мафIае илъэсхэр зи нэгу щIэкIа куэди бгъуэтыжынукъым иджы: илъэс 80-р цIыху гъащIэ псо мэхъу, иджыри усабий дыдэу а зауэжьым урихьэлIами… Апхуэдэу щытми, жылагъуэм щахъумэ а цIыхубэпсо фIыгъуэр, ТекIуэныгъэшхуэр, къытхуэзыхьахэм я фэеплъхэр.
12 июля, 2023 - 12:27
Унагъуэм, лъагъуныгъэм, зэхуэпэжыным и махуэм теухуа зэIущIэ щекIуэкIащ КъБР-ми щыIэ МВД-м икIи зэгурыIуэрэ зэдэIуэжу псэу унагъуэхэм псалъэ гуапэхэр хужаIащ.
Махуэшхуэм ирихьэлIэу Къэрал кIуэцI IуэхухэмкIэ министерствэу КъБР-м щыIэм и актовэ пэшым щызэхуэсат ведомствэм, IэнатIэхэмрэ къудамэхэмрэ я унафэщIхэр, жылагъуэ зэгухьэныгъэхэм я тхьэмадэхэр, бын зиIэ унагъуэхэм махуэшхуэмкIэ егуэпэну.
Къызэхуэсахэм ехъуэхъуащ къэрал кIуэцI IуэхухэмкIэ министру КъБР-м щыIэ Павлов Василий.
12 июля, 2023 - 12:08
Шинкубэ Бэгърат абхъаз тхакIуэ, усакIуэ, жылагъуэ лэжьакIуэ цIэрыIуэщ, нобэрей абхъаз литературэм и пщIэмрэ и щIыхьымрэ къэрал псом я пащхьэ лъагэ щызыщIахэм ящыщ зыщ. ТхакIуэ къалэмыр къызэрищтам, литературэм щыпхиша гъуэгуанэм ятеухуа и гукъэкIыжхэр абы итхыжауэ щытащ 1959 гъэм:
12 июля, 2023 - 11:01
Дуней псом къумым щеубыд процентитI. Ахэр зэщхьэщокI пшахъуалъэ, мывалъэ, ятIалъэ, шыгъулъэу. Къумхэм я нэхъ абрагъуэхэм я гугъу тщIынщ.
Антарктикэ къумым къызэщIеубыдэ щIыпIэу километр зэбгъузэнатIэI3 829-рэ. Ар щIы хъурейм щынэхъ инырщ. Антарктидэр континент нэхъ гъущэ икIи нэхъ щIыIэ дыдэщ. Абы и процент 98-р щIэуфащ километриI,6-рэ зи Iувагъ мылкIэ. ЩIымахуэм деж Антарктикэ къумым хьэуар щоупщIыIу градус – 65-кIэ, гъэмахуэм абы иIыгъщ щIыIагъыу – градус 40. Антарктидэм щыпсэухэр щIэныгъэ, лэжьыгъэ IуэхукIэ станцэм тесхэр аркъудейщ.
12 июля, 2023 - 09:33
«Нэхъ дуней зэIубзи пхуэухуэнут» фIэщыгъэм щIэту иджыблагъэ дунейм къытехьащ Тырку къэралым и Iэтащхьэ Эрдоган Реджеп Тайип и тхылъ.
11 июля, 2023 - 15:09
Налшык къалэм Тэрчокъуэм и цIэр зезыхьэ и уэрамыр зыхуей хуагъазэ.
Къалэм и гъунэм хуэзэ а уэрам щэхур, Кировым и цIэр зезыхьэ уэрамым пыхьэху, захуэу кIуэцIрокI, фэтэр куэду зэхэту абы тет унэхэри зэщхьрэ лъэс зекIуапIэхэри захуэу лъэныкъуитIымкIи щыкIуэцIрыкIыу. А лъагъуэхэр зэрытелэжьыкIрэ фIыуэ щIащ. Зэгуэр телъа асфальтыр щIыпIэ куэдым деж щылъалъэри техупащ, кумблъэмбхэр щымащIэкъым, бдыжкIи мыхьэнэ зэримыIэнур нэрылъагъуу. Апхуэдэ щытыкIэм куэд щIауэ уэрамыр фаджэ ищIырт.
11 июля, 2023 - 14:57
Бадзэуэгъуэм и пэщIэдзэм ди къэралым щагъэлъапIэ махуэшхуэр зыхуэмыгъэза цIыху щымыIэми ярейщ. Зи гугъу сщIыр илъэс 15-м щIигъуауэ Урысей Федерацэм щагъэлъапIэ Унагъуэм, лъагъуныгъэм, зэхуэпэжыным я махуэращ. «Унагъуэр быдэмэ, къэралыр лъэщщ», - жыIэгъуэ пэжым къегъэлъагъуэ ар къэралым и зы Iыхьэу, жылагъуэм и быдапIэу зэрыщытыр.
Зи щхьэ пщIэ хуэзыщIыж дэтхэнэ къэралми хуэдэу, ди хэкуми гулъытэ ин щагъуэт унагъуэм, анагъэм, сабиигъуэм ехьэлIа Iуэхугъуэ псоми. А унэтIыныгъэм зиужь зэпыту йокIуэкI.
11 июля, 2023 - 14:38
Урысей Федерацэм мы гъэм етхуанэу щокIуэкI егъэджэныгъэ-гъэсэныгъэ IэнатIэм щызыIэрагъэхьа ехъулIэныгъэ лъагэхэм папщIэ IэщIагъэлIхэр гъэпэжэным, саугъэт щхьэхуэхэр етыным теухуа еплъыныгъэ-зэпеуэхэр. УФ-м и Президент Путин Владимир егъэджакIуэ нэхъыфIхэм я зэпеуэр къэралым хыхыэ щIыналъэ псоми зэрыщегъэкIуэкIын хуейм тещIыхьа унафэ 2018 гъэм къыдигъэкIауэ щытащ.
11 июля, 2023 - 13:32
Сирием и дамыгъэ нэхъ лъапIэу щыт «Республикэм и ЛIыхъужь» орденыр зыхуагъэфэща генерал Чэпай Алаудин жеIэ: «СхузэфIэкIыху, Хэкум сыкъэкIуэжынущ». Абы мы гъэм мазитIым нэблагъэкIэ Налшык зыщигъэпсэхуащ.
Нэхъыжьым зэрыжиIэмкIэ, къэбэрдейхэр щхьэхуэу зы лъахэм щыпсэумэ, адыгейхэр Мейкъуапэ щыIэмэ, Сирием щыIэхэр псори сыт щыгъуи зэхэтащ: бжьэдыгъури, къэбэрдейри, абазэхэри. Абы къыхэкIыу дэтхэнэри фIыуэ къыгуроIуэ. Абы и гъащIэр зэпхауэ щытар дзэ Iуэхурщ. Сирием и Дзэ-хьэуа къарухэм хэтащ, кхъухьлъатэзехуэу лэжьащ.
10 июля, 2023 - 12:54
Журналист лэжьыгъэм фIыщIэ ин хузощI цIыху хьэлэмэт куэд, щIыналъэ телъыджэ мымащIэ къызэрызигъэцIыхуам папщIэ. Зэман дэкIыжащ абы лъандэрэ, ауэ си гукъэкIыжхэм хэт цIыхухэм къытебгъэзэжу уатепсэлъыхькIи лей хъунукъым. Абыхэм я псалъэ къудейм уигъэгушхуэрт, лъэщ уищIырт, фIым ущигъэгугъырт, дапхуэдиз зэманкIэ уадэуэршэрами, защыбгъэнщIыртэкъым пщIей гъэхэм, си насып къихьу къэсцIыхуауэ щыта, адыгэ лъэпкъым и бын пэжхэу дунейм тета, акъылыфIэу, щIэныгъэрэ зэф1эк1кIэ Алыхьыр зыхуэупса, цIыху телъыджэхэу дунейм тетахэр.
Страницы
|
