Жылагъуэ

ЦIыхубэ хозяйствэмрэ къэрал къулыкъумкIэ Урысей академием Кавказ Ищхъэрэм щиIэ къудамэм и студент Мэремщауэ Хъызыр «Непокорённые» дунейпсо проектым хэтынухэм ящыщщ. А Iуэхум хагъэхьащ къэрал 14-м (Беларусием, Къыргъызстаным, Абхъазым, Таджикистаным, Узбекистаным, Тыркуменистаным, Приднестровьем, Молдовэм, Луганск, Донецк цIыхубэ республикэхэм, Венгрием, Сербием, Китайм) щыщ щIалэгъуалэ жыджэри 100. Ахэр Москва щыщIэдзауэ Брест нэс кIуэнущ, къалэ щIыхьыцIэ зыфIаща къалэ-лIыхъужь 11-р къызэщIиубыдэу. 

Къэбэрдей-Балъкъэрым и къэралыгъуэр илъэси I00 зэрырикъум и щIыхькIэ, мы гъэм и шыщхьэуIум Урысейм и щIыналъэхэм щыщ альпинисти I00 Iуащхьэмахуэ дэкIынущ, «Эльбрусиада-I022» проектым хыхьэу. Ар къызэригъэпэщащ Урысейм альпинизмымкIэ и Федерацэм, КъБР-м и Правительствэр и дэIэпыкъуэгъуу.

Бгым дэкIыну альпинистхэр къыхахынущ ахэр Iуэхум зэрыхуэхьэзырыр тещIыхьауэ. КъищынэмыщIауэ, абыхэм медицинэ тхылъ къыIахынущ, спортым хэтыну хуит  зэращIым теухуауэ.  

 КIарэ Галинэ «Экология - жизнь» щIыналъэ зэхуаку жылагъуэ  зэщIэхъееныгъэм и унафэщIым и къуэдзэщ. Бзылъхугъэр ирагъэкIуэкI лэжьыгъэр зыхуэдэм тедгъэпсэлъыхьащи, ди гуапэу фыщыдогъэгъуазэ къыджиIам.  

ЕгъэджакIуэ, дохутыр, щIэныгъэлI телъыджэу щыта Iэщнокъуэ Исуф Хьэсэн и къуэр 1937 гъэм мэлыжьыхьым и 25-м Старэ Урыху къуажэм къыщалъхуащ. I960 гъэм Дагъыстэн къэрал медицинэ институтыр къиуха нэужь, Iуащхьэмахуэ районым щыIэ Гундэлэн участкэ сымаджэщым и дохутыр нэхъыщхьэу илъэсищкIэ лэжьащ.

Iэщнокъуэм къызэгъэпэщакIуэ Iэзагъ зэрыхэлъыр и щIалэгъуэм наIуэ къэхъуат. Терапие, хирургие, уз зэрыцIалэхэм щеIэзэ къудамэхэм папщIэ ухуэныгъэщIэхэр, сымаджэщым и лэжьакIуэхэм щхьэкIэ къатитIу зытет унэ зэрыхуэныкъуэр пхигъэкIыфат абы.

УФ-м и Къэрал Думэм Промышленностымрэ сату хуэIухуэщIэхэмкIэ и комитетым и КъэпщытакIуэ гупым иджыблагъэ иригъэкIуэкIа зэIущIэм хэтащ КъБКъУ-м щIэныгъэ-къэхутэныгъэ лэжьыгъэмкIэ и проректор Хьэшыр Светланэ.

Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым и лIыкIуэхэр «ЕджапIэ нэхъыщхьэм и къэкIуэнур» зи фIэщыгъэ, щIэныгъэ нэхъыщхьэ щрагъэгъуэт IуэхущIапIэхэм я X зэхуэсым и лэжьыгъэм иджыблагъэ хэтащ.

Хьэлэмэтыр матэм илъщ, гъэщIэгъуэныр гъуанэм исщ, жытIэу щытащ дыщысабийм щыгъуэ. А псалъэхэм къарыкIыр и кIэм нэсу къыщыбгурыIуэр хьэлэмэтым е гъэщIэгъуэным урихьэлIа иужьщ, дауи. Матэм илъыр къипхыфынущ, и лъащIэми улъэIэсыфынущ, ауэ гъуанэм лъабжьэ имыIэнкIи хъунущ… 

КъытщIэхъуэ щIэблэм яхэлъыпхъэ хьэл-щэнымрэ я дуней еплъыкIэм лъабжьэ хуэхъумрэ я щIэдзапIэщ ар къызыхэкIа и унагъуэр. Сэ сыкъыщыхъуа унагъуэр хабзэрэ нэмысрэ, зэгурыIуэрэ зэдэIуэжрэ зэлът. Ди адэ-анэм дызэрыцIыкIурэ дыщIапIыкIащ езыхэм нэхъыжьхэм я щIэину къахуэна лъэпкъ фIыгъуэм: адыгэ хабзэм, пщIэм, нэмысым. 

Урысейм и махуэр щагъэлъэпIащ Дзэлыкъуэ щIыналъэм. Дзэлыкъуэкъуажэ шахмат зэпеуэ къыщызэрагъэпэщащ, щIыналъэм ЩэнхабзэмкIэ и унэм концерт щекIуэкIащ. 

Урысей ФСИН-м и Управленэу Къэбэрдей-Балъкъэрым щыIэм и лэжьакIуэхэм я бынхэр хэтщ республикэм и хабзэхъумэ IуэхущIапIэхэм сабийхэм папщIэ щIэх-щIэхыурэ къызэрагъэпэщ творческэ зэпеуэ зэмылIэужьыгъуэхэм икIи абыхэм къыхожаныкI.