Жылагъуэ

«Урысей зэкъуэт» политикэ партым и «ЩIалэгъуэ гвардие» урысейпсо жылагъуэ зэгухьэныгъэм Къэбэрдей-Балъкъэрым щиIэ къудамэм хэтхэм зэIузэпэщ ящIащ Налшык къалэм дэт курыт школ № 10-м къедзылIа щIыпIэр. Ар къызэIуахащ бадзэуэгъуэм и 23-м.

«Каникулы с Общественным советом» Урысейпсо акцэм хыхьэу «Вершина» санаторэм къыщызэIухащ «Лидер» сменэм и етIуанэ Iыхьэр. Хабзэ зэрыхъуауэ, загъэпсэхуну, гъэ еджэгъуэщIэм щищIидзэжым ирихьэлIэу къару зрагъэгъуэтыну мыбы къэкIуащ республикэм и куей зэмылIэужьыгъуэхэм къикIа школакIуэ 50. 

ЩIэныгъэлIхэм илъэс куэдкIэ ирагъэкIуэкIа къэхутэныгъэхэм къызэрагъэлъэгъуащи, бжьэхэри, хьэхэм хуэдэ дыдэу, пхуегъэсэнущ, афиянхэкIхэмрэ къагъауэ Iэмэпсымэхэмрэ къалъыхъуэу.

Гундэлэндэсхэр хуабжьу щогуфIыкI я жылэм щекIуэкI ухуэныгъэ-зэгъэпэщыжыныгъэ лэжьыгъэхэм. Ахэр ухуакIуэхэм зэфIахащ, къыхуагъэува пIалъэр къэмысу.

Илъэс мини 4,5-рэ ипэкIэ дунейм къытехьащ Хеопс и пирамидэр. Ар Пасэрей Мысырым и ухуэныгъэ нэхъ ин дыдэхэм хабжэ. Абы метри 139-рэ и лъагагъщ.

Тэрч районым и щIыпIэ администрацэм и Iэтащхьэ Дадэ МуIэед иджыблагъэ ЩIыхь тхылъкIэ игъэлъэпIащ зи ныбжьыр илъэс 80 ирикъуа, Лэжьыгъэм и ветеран Щомахуэ Бесэ Мухьэжир и къуэр. Iэтащхьэм къыхигъэщащ ар илъэс куэдкIэ и гуащIэ емыблэжу зэрылэжьам, Тэрч щIыналъэм ветеринарнэ IэнатIэм зегъэужьыным хэлъхьэныгъэшхуэ зэрыхуищIам къызэрыпэкIуар.

Къэбэрдей-Балъкъэр Республикэм ЦIыхум и хуитыныгъэмкIэ и уполномоченнэ Зумакулов ­Борис щыIащ Советскэ къуажэм дэт КъБР-м щы­Iэ УФСИН-м и КП-5-м и УФИЦ-м икIи щыгъуазэ зищIащ лъэщыгъэкIэ ягъэ­лажьэу тезырыр езы­хьэкIхэр щаIыгъхэр къызэрызэгъэпэщам.

Мы гъэм япэу къызэрагъэпэща Лъэпкъ видеонэтынхэмкIэ «МЫ» урысейпсо зэпеуэм фрагъэблагъэ.

«Курорт - 2021» фIэщыгъэм щIэту Прохладнэ гъущI гъуэгу станцым Iуэху щхьэпэ щекIуэкIащ.

Урысейм и «Мэкъумэшбанк» акционер обществэм Къэбэрдей-­Балъкъэрым щиIэ и къудамэм 2021 гъэм бадзэуэгъуэм и 1-м ирихьэлIэу кърикIуахэр щызэхалъхьэжым, наIуэ къэхъуащ ди цIыхухэм абдежым щахъумэ ахъшэр сом меларди 7,4-м зэрынэблэгъар.