Жылагъуэ

Индие къэралыгъуэм и теплъэм налкъутыр уигу къегъэкI жаIэ IэщIагъэлIхэм. Абы и кIыхьагъыр километр мини 3-м щIегъу, и бгъуагъри апхуэдиз дыдэ мэхъу. Нэхъапэм Индием хэту щытащ иджырей Пакистанымрэ Бангладешымрэ. Иджыпстуи зэпэIэщIэ хъуа щхьэкIэ, щэнхабзэ и лъэныкъуэкIэ хуабжьу зэгъунэгъущ. Индием къэралыбзэу къыщалъытэ бзэ 22-рэ: хинди, урду, санскрит, синдхи, бенгальскэ, маратхи, гужарати, ория, майтхили, сантали, догри, панджаби (пенджаби), ассамскэ, бодо, манипури, непальскэ, кашмири, малаялам, конкани, каннада (каннара), тамильскэ, телугу.

Налшык къалэм и уэрамхэм сабии балигъи ягъэшынэу дэт хьэ хьэулейхэм унафэ ягъуэтащ. Къалэ уэрамыщхьэхэм хьэ куэд зэрытетым иригузавэу цIыхухэр куэдрэ къалэ администрацэм тхащ, ауэ иджыщ а гукъеуэм кIэ щигъуэтар.

Налшык къалэ округым и администрацэм и лэжьакIуэ АфэщIагъуэ Руслан зэрыжиIэмкIэ, хьэхэр щаIыгъ, щагъэхъуж IуэхущIапIэр Къэбэрдей уэрамыр щиухыу Прохладнэм хуэкIуэ гъуэгур щыщIидзэм деж тетщ. Къэрал хабзэхэм къызэрагъэувым тету, а IуэхущIапIэм псэущхьэхэм щакIэлъоплъ, щоIэзэ, щаIыгъ.

Бойцы бригады героически освобождали Попасную, Соледар, Лисичанск. В настоящее время эффективно уничтожают врага на Северском направлении.

При заключении контракта гарантированы высокие выплаты, а также полное социальное обеспечение, обязательное государственное страхование жизни и здоровья, вещевое и котловое довольствие.

Добровольцы-контрактники приобретают статус ветерана боевых действий.

Подробности по телефонам:

Бахъсэн муниципальнэ районым хыхьэ Ислъэмей къуажэм и щIыпIэ администрацэм и Iэтащхьэ Ахъы Аслъэнбэч хэтащ ухуэныгъэмрэ псэупIэ-коммунальнэ Iуэхухэмрэ теухуауэ ЩIыпIэ унафэ зехьэкIэм зегъэужьынымрэ урысейпсо зэгухьэныгъэм (ВАРМСУ-м) Москва къалэм щригъэкIуэкIа «Муниципальный диалог» зэхуэсым.

Республикэм узыншагъэр хъумэнымкIэ и IэнатIэхэм щрагъэкIуэкI медицинэ Iуэхутхьэбзэхэм я шынагъуэншагъэр «Росздравнадзор»-м и жыпхъэ щхьэхуэхэмкIэ къапщытэ. Апхуэдэу цIыхухэм фIагъ лъагэ зиIэ медицинэ дэIэпыкъуныгъэхэр зэрыхуащIэм щыхьэт техъуэ къэрал тхылъхэр къаIэрыхьэжащ Перинатальнэ центрым, Лъы щат станцым, Налшык дэт къалэ клиникэ сымаджэщ №1-м, №2-м, Прохладнэ район сымаджэщым, Нарткъалэ щыIэ, ЩIыналъэхэм зэдай, узыфэ зэмылIэужьыгъуэхэр зыпкърытхэм щеIэзэ сымаджэщым, Бахъсэн, Тэрч къалэхэм щылажьэ стоматологие поликлиникэхэм.

Къэбэрдей-Балъкъэрым экономикэ зыужьыныгъэмкIэ и министрым и къуэдзэ Белецкая Ольгэ иджыблагъэ иригъэкIуэкIащ республикэм хьэрычэт щыщIэн Iуэхум теухуа зэIущIэ. Абы и лэжьыгъэм хэтащ Урысей Федерацэм и Налог къулыкъум и щIыналъэ къудамэу КъБР-м щыIэм, КъБР-м ФинансхэмкIэ и министерствэм, КъБР-м и ШэсыпIэ фонды» я лIыкIуэхэр, унафэщIхэр.

ЩэкIуэгъуэр уэфIу зэрекIуэкIам и фIыгъэкIэ, Iуащхьэмахуэ и лыжэ къэжыхьыпIэхэр зы мазэкIэ нэхъ пасэу къызэIуахащ. Апхуэдэу мы махуэхэм Къэрэшей-Шэрджэсым щаутIыпщащ «Архъыз» кIапсэ гъуэгухэри. Iуэхум кIэлъыплъ щIэныгъэлIхэм къызэрыхагъэщамкIэ, Кавказ Ищхъэрэм зыгъэпсэхуакIуэ къакIуэхэм я бжыгъэм проценти 10-кIэ хэхъуэну хуагъэфащэ икIи ар куэдкIэ и фIыгъэщ, «Туризмэмрэ гъэхьэщIэкIэмрэ» къэрал пэхуэщIэм хиубыдэу, Кавказ Ищхъэрэм и курортхэм зегъэужьыжыным халъхьэ инвестицэхэр хуэдищкIэ нэхъыбэ зэрыхъуам.

XVIII лIэщIыгъуэм къэунэхуащ япэрей лотереехэр. Ар къэрал мылъкум папщIи хэхъуэт, псапэ ирипщIэнуи кърагъэзэгъырт. 1829 гъэм сом 500 нэхъыбэ тыгъэу къыщахь лотереехэр ирагъэкIуэкIын папщIэ пащтыхьым хуит зыкърагъэщIын хуейт. Мылъкур нэхъ мащIэмэ, министрым и арэзыныгъэ хилъхьэрт.

ЗэрыхуагъэфащэмкIэ, Пасэрей Мысырым щIакхъуэ щагъажьэу щIадзащ ди эрэм и пэкIэ 5-нэ лIэщIыгъуэм. Зыгуэрым зэрымыщIэкIэ хьэку дакъэм къытринат псыкIэ зэхэщIа хьэжыгъэр – ар игу къыщыкIыжам хупцIынэр дахэу тэджат. Абдежым къыщыгурыIащ хупцIынэ гъэтэджакIэ гъэжьар зэрыкъэуатым. Пасэрей Мысырым щIакхъуэм пщIэшхуэ щыхуащIырт. Тхыгъэм деж ар дыгъэр къызэрагъэлъагъуэ иероглифымкIэ къыщагъэлъагъуэрт - хъурейм и кум зы IэпапIэ иIэу.

Американ щIэныгъэлI Либбрехт Кеннет уэс налъэхэм я тхыпхъэ 35-рэ къибжащ. Японием щыщ профессор Никайя Укихиро тхыпхъэ 4-рэ щыIэу жеIэ. Метеорологхэу Магоно Чожирэ Ву-Ли Чунгрэ уэс налъэхэр зэтепщIыкIыу жаIэ тхыпхъэ 81-уэ. Тхыпхъэхэм я щIыкIэр нэхъыбэу елъытащ температурэм. Псом нэхъ дахэу тхыпхъэ къищIу жаIэ градус 15 щIыIагъ щыщыIэм деж. Уэс налъэ гъущэр, уэс псыфым къыщхьэщокI, абыхэм языхэзми и кум сабэ зэрырищIэмкIэ. ЩIылъэм щехуэхкIэ а сабэ цIыкIум и хъуреягъкIэ мыл къещI. А мыл къищIым и теплъэрэ и тхыпхъэрэ хъунур елъытыжащ хьэуам иIыгъ щIыIагъымрэ псыIагъымрэ, жьым и хуабжьагъым. Уэс налъэхэр щIым къох хуэму - сыхьэтым къриубыдэу километр иримыкъу хуэдизкIэ.