Жылагъуэ

Зэи мыкIуэдыжыну лэжьыгъэ инрэ IуэхущIафэ дахэрэ дуней псом къытринэри, езыр тхэкIыжащ «Иджырей зэманым и дирижёр щэджащэ», «Макъамэбзэм и пащтыхь», «Термоядернэ Темыркъан», «Дуней псом щыцIэрыIуэ дирижёр», «Дирижёр Iуэхум и тхьэ» зыхужаIэ музыкант цIэрыIуэ Темыркъан Юрэ Хьэту и къуэр. Илэжьам и куэдагъым хуэдизи фIыкIэ тепсэлъыхьащ икIи тетхыхьащ ди хэкуэгъу щэджащэм. Абы теухуа япэ дыдэ тхылъыр къыдэзыгъэкIар журналист, публицист цIэрыIуэ ХьэфIыцIэ Мухьэмэдщ. Фи пащхьэ идолъхьэ Мухьэмэд и Iэдакъэ къыщIэкIауэ а тхылъым ихуа тхыгъэхэм ящыщ зы, гъэкIэщIауэ.

Къэхъуа

Зи гугъу сщIыж хъыбарыр къыщыхъуар зауэ нэужь лъэхъэнэхэрщ. Гундэлэн жылэм дэса балъкъэрхэр Азием, Къэзахъстаным яша иужь, Зеикъуэм и къуажапщэм унагъуэ щитIым щIигъу къыпаудри, абы залымыгъэкIэ ягъэIэпхъуауэ щытат. Ахэр къуажэкум кIуэцIрыкI гъуэгум етIысэкIащ. ЩIапIэ куэд нэщIу къэнат, Iэ зэмыIусэж унэхэр иуэжри, зеиншафэ къатеуат. Къуажэм къегъэщIылIа щIыр абы дэс цIыху мащIэм зыхуей хуагъэзэфыртэкъыми, жылэм и хъуреягъым, дэнэ къуакIэ удыхьами, шу зэтесыр къыхэмыщу пабжьэ кIырыр щызэщIэкIат. 

Сальвадор Республикэм иджыблагъэ щекIуэкIа «Дунейпсо тхьэIухуд 2023» 72-нэ зэпеуэм щытекIуащ Никарагуа щыщ, илъэс 23-рэ зи ныбжь Паласиос Шейннис. 

КъБР-м и Правительствэм и УнафэщI Му­суков Алий къулыкъущIэхэм я пащхьэ кърихьащ республикэм и щIыналъэхэм щыщыIэ щытыкIэр. Къалэхэмрэ районхэмрэ щекIуэкI ухуэныгъэхэр къипщыта нэужь, КъБР-м и Iэтащхьэ КIуэкIуэ Казбек ухуэныгъэхэр зи пщэ дэлъхэм къалэн ящищIащ нэхъ щIагъэхуабжьэу, и чэзум псори яухын хуейуэ.
 

Дыгъуасэ цIыхухэм яхуэзащ КъБР-м и Парламентым и Уна­фэщI Егоровэ Татьянэ. Респуб­ликэм и хабзэубзыху орган нэхъыщхьэм и унафэщIым зы­хуагъэзэну къекIуэлIат Прохладнэ, Бахъсэн, Май районхэм, Налшык къалэм щыщхэр. Абы­хэм я лъэIур теухуат кхъахэ хъуа унэхэм къызэрыщIагъэIэпхъукI программэм хыхьэн папщIэ дэфтэрхэр зэрагъэпэщынымкIэ зыкъыщIагъэкъуэну. Украинэм щекIуэкI дзэ Iуэху хэхам хэтхэм я унагъуэхэм щыщхэр щIэупщIащ уIэгъэ хъуам ират ахъшэм, сымаджэщым дэIэпыкъуныгъэ зэ­рыщагъуэтым, сабийхэр курато­рым я нэIэм щIэгъэувэным, нэгъуэщIхэми. 

Iуащхьэмахуэ лъапэ къытрилъ­хьэ уэсым мэзхэр зэуэ щыщIиуфэ щыIэщ, мэз псэущхьэхэмрэ щIымахуэр ди щIыпIэм щизых къуалэбзухэмрэ цIыхухэм я гулъытэ хуэныкъуэу. Ар къызыгурыIуэ мэз лэжьакIуэхэр абы­хэм шхынкIэ яхуосакъ; гъатхэм щыщIадзэри жыгей тхьэмпэхэр, мэкъур, шыпсыранэр, Iусыпхъэхэр ягъэтIылъ, мэз бжэнхэр, бланэхэр, кхъуэпIащэхэр щы­хъуакIуэ щIыпIэхэр уэс куум щыщIихъумэм деж абыхэм ирагъэшхын хуэдэу.

Италием и Неаполь къалэм щыIэ Къуэ­кIыпIэ университетым иджыблагъэ зэIущIэ ще­кIуэ­кIащ.  Профессор Гуидо Капелли къызэригъэпэщащ «Адыгэхэм я бзэмрэ щэнхабзэмрэ» зи фIэ­щыгъэцIэ семинарыр. 

УафэхъуэпскIым идза щыблэр IэубыдыпIэншэу щIылъэм къохуэхри, зылъэIэсыр еущыкъуей. Кавказым щыпсэу лъэпкъхэм апхуэдэу къатехуат Урыс-Кавказ зауэр. Ди адыгэ лъэпкъри дунеижьым и дурэшхэм дикъухьат. Зы адэ-анэм къалъхуахэр зэлъэмыIэсыжыфу хамэ къэралхэм игуэша хъуауэ, лъэпкъ къуэпсхэр зэпычауэ нобэр къыздэсым йокIуэкI. Я щхьэ хуимыту хэкур зрагъэбгына ди адэжьхэр куэд щIащ дунейм зэрехыжрэ. Анэ бгъафэм щIача сабийуэ, хэкум къыхуэпабгъэу я дунейр яхьащ.

«Кавказ Ищхъэрэм и Урысей сетхэр» зэгухьэныгъэм и пресс-IуэхущIапIэм къызэритамкIэ, Къэбэрдей-Балъкъэрым псэупIэхэмрэ коммунальнэ хозяйствэмкIэ и IуэхущIапIэхэм псы щIыIэу, псы хуабэу, электрокъарууэ къагъэсэбэпам пэкIуэу ятын хуеяуэ яхузэтрихьар 2023 гъэм и щэкIуэгъуэ мазэм ирихьэлIэу сом мелард 1,8-м щIигъуащ.

Дызэрыт илъэсым электрокъарууэ къагъэсэбэпам и уасэр ямытурэ щIыхуэу къатехуар сом мелуан 655,3-кIэ  хэхъуащ. Республикэм псэупIэмрэ коммунальнэ хозяйствэмкIэ и IуэхущIапIэхэм ящыщу хуащIа Iуэхутхьэбзэхэм пэкIуэ пщIэр зытыр абыхэм я процент 32,3-рщ.