|
Жылагъуэ
28 ноября, 2023 - 10:44
Совет, урысей композитор, РСФСР-м и цIыхубэ артист, Къэбэрдей-Балъкъэр Республикэм и Гимныр зытха Къардэн Хьэсэн Екъуб и къуэр къызэралъхурэ мазаем и 23-м илъэси 100 ирокъу.
Къардэн Хьэсэн Къэбэрдей-Балъкъэр автономнэ областым и Шэджэм Езанэ къуажэм 1923 гъэм къыщалъхуащ.
28 ноября, 2023 - 08:00
Мы фхуэсIуэтэжыну хъыбарыр къэхъупа Iуэхугъуэщ. Зэман мымащIэ абы лъандэрэ дэкIами, къызыщыщIам и цIэр къидмыIуэмэ нэхъыфIщ.
Си зы цIыхугъэ щIалэ къызэлъэIуащ ди зы къуажэ пхыдза и зы хозяйствэ зэпэщ си машинэмкIэ сшэну. Сэри щIалэр куэд щIауэ сцIыхут, и унагъуи мызэ-мытIу сихьати, схуэгъэщIэхъуакъым.
27 ноября, 2023 - 14:30
Иджы хуэдэ бжьыхьэкIэм псыхъуэ лъэгухэм, мэзылъэ щIыпIэхэм фыщрихьэлIэнущ къазмакъым. IэфIри гуащIагъри щызэхэт а пхъэщхьэмыщхьэ гуакIуэм хущхъуэгъуэу хэмылъ къэгъуэтыгъуейщ. Псом хуэмыдэу ар сэбэпышхуэщ щыгъупщэх хъуахэмкIэ, артрит узым гугъу иригъэхьхэмкIэ. А пхъэщхьэмыщхьэ телъыджэм и лIэужьыгъуэ куэдым ущрохьэлIэ Сыбыр щIыналъэми, сыту жыпIэмэ, ар къол щIыIэр градус 45- м щынэсми. Ди республикэр къэтщтэнщи, ар къыщымыкI щIыпIэ диIэкъым.
27 ноября, 2023 - 14:00
Мыгъэрей щэкIуэгъуэ мазэр и кIэм нэблэгъащ. Лъэсу къалэм къыщызыкIухьхэри нэхъыбэ хъуащ, пщэдей зызыхъуэжынкIэ хъуну дунейм и дыгъэпс кIапэр яутIыпщыну ягу пымыкI хуэдэ. ЦIыху куэдым уащыхэплъэкIэ япэу нэм къыфIэнэр щыгъын щIыIутелъ щхъуэкIэплъыкIэхэрщ. Нэхъапэм иджы хуэдэ зэманым цIыхухэм щIэкIыу ящыгъыу щыта бжьыхьэ щыгъынхэр яжьафэ-гъуабжафэ зэфэзэщу щыщытар щыIэжкъым. А зэманым модэр зыубзыхухэм къалъытэрт дуней уэтIпсытIым щыгъыныгъуэхэм я плъыфэри техуэн хуейуэ.
27 ноября, 2023 - 13:30
Налшык къалэм Щоджэным и цIэр зезыхьэ уэрамым, километритI зи кIыхьагъым зэхъуэкIыныгъэ-зэгъэпэщыжыныгъэ лэжьыгъэхэр щызэфIагъэкIащ.
27 ноября, 2023 - 11:52
Къэбэрдей-Балъкъэрым курортхэмрэ туризмэмкIэ и министрым и къуэдзэ Щхьэгъэпсо Аслъэнбий иджыблагъэ къызэрыхигъэщамкIэ, Iуащхьэмахуэ лъапэ щыIэ курортхэр хуэхьэзырщ илъэсыщIэ зыгъэпсэхугъуэ махуэхэм.
27 ноября, 2023 - 11:50
«ФIагъ лъагэ зиIэ гъуэгу шынагъуэншэхэр» лъэпкъ проектымрэ гъуэгум ехьэлIауэ щIыналъэм щылажьэ программэхэмрэ япкъ иткIэ, 2023 гъэм Дзэлыкъуэ щIыналъэм щызэрагъэпэщыжащ псори зэхэту километр 20-м щIигъу зи кIыхьагъ автомобиль гъуэгухэр.
27 ноября, 2023 - 09:52
КъБР-м и профессиональнэ музыкэ гъуазджэм и лъабжьэр зыгъэтIылъахэм ящыщ, лъэпкъ макъамэм и классик Балэ Мухьэдин къызэралъхурэ илъэси 100 ирокъу.
26 ноября, 2023 - 12:22
КъБР-м и Iэтащхьэ КIуэкIуэ Казбек УФ-м и Президентым и егъэблэгъапIэм и къудамэу республикэм щыIэм цIыхухэм я щхьэ IуэхукIэ зыкъыщыхуагъэзащ.
Бын куэд зэрыс унагъуэхэм, медицинэ кIэлъыплъыныгъэ зэпымыууэ хуэныкъуэ, узыншагъэкIэ сэкъат зиIэ сабийхэм я адэ-анэхэм лъэIукIэ зыкъыхуагъэзащ республикэм и Iэтащхьэм. Дэтхэнэ зыми и лъэIур гъэзэщIа хъун щхьэкIэ, КIуэкIуэ Казбек унафэ пыухыкIахэр ищIащ.
26 ноября, 2023 - 09:01
ЩэкIуэгъуэм и 26-м Урысей псом щагъэлъапIэ Анэм и махуэр. Хуабагъэ нэрымылъагъу зыщIэлъ, цIыхупсэр зыгъэгуфIэ махуэщIыр илъэс къэс тохуэ дызэрыт мазэм и иужьрей тхьэмахуэ махуэм.
Страницы
|