Жылагъуэ

Адыгэ бзылъхугъэ гуакIуэ, анэ гумащIэ Мэз Каринэ КъБР-м и Жылагъуэ палатэм политикэмкIэ, спортымрэ хэкупсэ гъэсэныгъэмкIэ комиссэм хэтщ. Ар зэфIэкI, къару ин зыбгъэдэлъ, спортымкIэ ехъулIэныгъэфIхэр зыIэрызыгъэхьэ бзылъхугъэщ. Кавказ Ищхъэ­рэм цIыхубзхэм ящыщу тIэунейрэ Эверест и щыгум дэкIауэ диIэр Каринэ и закъуэщ. Абы къыщымынэу Хан-Тенгри (6637 м), Килиманджарэ (5895 м), ­Ма­наслу (8156 м), Охос-дель-Саладэ ­(6893 м), нэ­гъуэщI щыгу мыцIыху куэдми и лъэр нихьэсащ Мэзым. Iуащхьэмахуэ и за­къуэ къапщтэмэ, 150-рэ дэ­кIуеящ.

Егъэджэныгъэм къы­щагъэсэбэп иджырей Iэмалхэр утыку къыщрахьэ республикэ семинархэр мазитI ипэ курыт еджапIэхэм щекIуэкIащ. Апхуэдэу Къэрэгъэш къуажэм дэт 2-нэ курыт школым къы­щызэрагъэпэщащ ады­гэ­хэм я псэкупсэ лъа­пIэ­ны­гъэхэр, щэнхабзэ-тхы-дэ хъугъуэфIыгъуэхэр, адыгэ хабзэр гъэсэныгъэмрэ зыужьыныгъэмрэ къызэрыщагъэсэбэпым, ахэр зи лъабжьэ цIыху хэтыкIэмрэ шыIэныгъэм­рэ ныбжьыщIэхэм зэрыбгъэдалъхьэм теухуа дерс зэIухахэр.

Дунейпсо Адыгэ Хасэм и жэрдэмкIэ «Тетраграф» тхылъ тедзапIэм «Адыгэ хэхэсхэр: щэнхабзэ гъащIэм и теплъэгъуэхэр» зи фIэщыгъэ тхылъыщIэ къы­щыдэкIащ.

А цIэр зэрехьэ хы ФIыцIэ Iуфэм къеуалIэ Сочэ, Шахэ, Бзыч псыхъуэхэм я къежьапIэхэр зэхэзыгуэшыкI шытхымрэ ар зэрызэхэт Iуащхьэхэм я нэхъ уардэмрэ (метр 1918-рэ и лъагагъщ).

Бахъсэн щІыналъэм и Оперативнэ штабым къищта унафэм ипкъ иткІэ, абы хыхьэ Жанхъуэтекъуэ, Зеикъуэ, ХьэтІохъущыкъуей, ПсыкІэху, Къубэ-Тэбэ къуажэхэм коронавирус уз зэрыцІалэр къыщымыгъэхъуным икІи зыщемыгъэубгъуным теухуауэ къат куэду зэтет унэхэм я щІыхьэпІэ-щІэкІыпІэхэр, бжэкъухэр, дэкІуеипІэ убыдыпІэхэр, блынхэр ягъэкъабзэ, дезинфекцэ ящІ.

«Европэм нэхъ лъагэ дыдэу щыIэ Iуащхьэм илъэс къэс фIокIуэд мы­лым и зы процент», - жеIэ КъБР-м и ВГИ-м и унафэщI Беккиев Мухътар. ЩIэныгъэхэмкIэ урысей академием географиемкIэ и институтым къызэритымкIэ, 1997 гъэм къыщыщIэдзауэ 2017 гъэ пщIондэ Iуащхьэмахуэ телъ мылым и процент 20-р ткIуащ. Ар цIыхум къы­хуэмыгъэувыIэн Iуэху­гъуэщ икIи 2050 гъэхэм ирихьэлIэу Iуащхьэмахуэ зыгъэдахэ мылым и зэхуэдитIыр къэвыну хуагъэфащэ.

ТекIуэныгъэ Иныр илъэс
75-рэ щрикъум ирихьэлIэу

Урысей Федерацэм 2020 гъэр щагъэуващ Фэеплъымрэ щIыхьымрэ я илъэсу. Абы ехьэлIа дауэдапщэхэр къэралым щегъэкIуэкIыным хыхьэу къызэрагъэпэщащ «ЛIыхъужьхэм я фэеплъу» къэралпсо проектыр.

Зэратх Iэмэпсымэхэм къызэрагъэлъэгъуамкIэ, гъатхэпэм и 14 - 20-хэм къриубыдэу гъуэгум зэрыщызекIуэ хабзэр 13838-рэ къызэпаудащ. Хабзэр къызэпызыудахэм псори зэхэту къуэдыуэ тралъхьащ сом мелуани 8-рэ мин 292-м щIигъу.

Урысей гвардием и управленэу КъБР-м щыIэм и ОМОН-м пэрыуващ СПИД-мрэ уз зэрыцIалэхэм ебэнынымкIэ республикэ центрым и щIыпIэм жылагъуэ хабзэр щыхъумэным.

Республикэм и Прокуратурэм и лэжьакIуэхэм КъБР-м щыIэ УФСИН-м и следственнэ изолятор-1-м и библиотекэм иратащ тхылъ зэмылIэужьыгъуэ 200-м щIигъу.