|
|
ЩIалэгъуэ
20 февраля, 2026 - 09:26
Къэбэрдей-Балъкъэр къэрал университетым ПедагогикэмкIэ и колледжым IуэхущIэ къыщыхалъхьащ. Куэд мыщIэу абы лэжьэн щыщIидзэнущ анэмрэ сабиймрэ я пэшым. Абы еджапIэ нэхъыщхьэм и студентхэмрэ лэжьакIуэхэмрэ я сабийхэр къашэурэ езыхэр еджэху, лэжьэху щагъэIэ хъунущ. Илъэс I-7 зи ныбжь цIыкIухэм якIэлъыплъынущ гъэсакIуэ Iэзэхэр.
ЗэманкIэ къапщтэмэ, махуэм сабийр сыхьэтиплI мынэхъыбэкIэ щагъэIэну аращ, гупым цIыкIу I5-м нэс яшэ хъунущ. Ар адэ-анэ ныбжьыщIэхэм я дежкIэ IуэхуфIщ я еджэныр е лэжьыгъэр зэпамыгъэууэ пащэн папщIэ.
17 февраля, 2026 - 12:55
ЩIалэгъуалэм я унэу Налшык дэтым щекIуэкIащ интернационалист – зауэлIхэм я махуэм теухуа зэIущIэ. Абы кърагъэблэгъащ Венгрием щызэуа Беслъэней Борис, Куба щекIуэкIа дзэ Iуэхухэм хэта Алиев Вячеслав, Афганистаным щызэуа Габоев Азрет - Алий.
16 февраля, 2026 - 09:28
Лъэпкъ щэнхабзэмкIэ «ЩIэин» студент зэгухьэныгъэщIэ къыщызэIуахащ КъБКъУ-м ЩэнхабзэмкIэ и центрым, Темыркъан Хьэту и цIэр зезыхьэм. Абы хэт щIалэгъуалэм зыкъыщагъэлъэгъуащ пшыхьым икIи дэтхэнэми и лъэпкъ щэнхабзэмрэ фащэмрэ утыку кърихьащ.
ЗэгухьэныгъэщIэм и мурад нэхъыщхьэр зыхуэунэтIар студент щIалэгъуалэм лъэпкъ хабзэхэм фIыуэ хащIыкIынырщ, ар хэIущIыIу щIынырщ, щэнхабзэ щIэиныр хъумэнырщ.
Пшыхьым республикэм ис лъэпкъхэм я хабзэхэм, щэнхабзэ щхьэхуэныгъэхэм ятеухуа упщIэхэм жэуап щратащ. Абы дэтхэнэми Iэмал къритащ и щIэныгъэр къипщытэну, щIэ куэд къащIэну.
15 февраля, 2026 - 07:41
Къэбэрдей-Балъкъэрым и Iэтащхьэм и саугъэтхэр илъэс бжыгъэ хъуауэ хуагъэфащэ щIэныгъэм и унэтIыныгъэ зэмылIэужьыгъуэхэм къэхутэныгъэхэр щезыгъэкIуэкI ныбжьыщIэхэм.
14 февраля, 2026 - 10:11
Къэбэрдей-Балъкъэрым дызэрыт илъэсым агротехнологие классыщIэу 10 къыщызэрагъэпэщынущ школакIуэхэм папщIэ.
11 февраля, 2026 - 09:19
Дзэлыкъуэ районым и курыт еджапIэхэм щекIуэкIащ дзэ Iуэху хэхам хэкIуэда лIыхъужьхэм я фэеплъ зэIущIэхэр. Зи цIэр тхыдэм къыхэзына щIалэ хахуэхэм я щIыхьыр мыкIуэдыжын папщIэ фэеплъ пхъэбгъухэр къыхузэIуахащ. Дзэ Iуэху хэхар щекIуэкIым я къалэныр ягъэзащIэу хэкIуэда ди лъахэгъухэм я фэеплъхэр иджы районым и еджапIийм щыIэнущ. Ахэр я щапхъэщ хэкупсагъэм, лIыгъэм, гъэсэныгъэ екIум.
10 февраля, 2026 - 10:34
Аруан щIыналъэм щыIэ ЩIалэгъуалэ IуэхущIапIэм мазаем и 3-м щызэхалъхьэжащ блэкIа илъэсым кърикIуахэр, я ехъулIэныгъэхэм щытепсэлъыхьащ, къапэщыт къалэнхэр щызэпкърахащ. ЗэIущIэм хэтащ КъБР-м щIалэгъуалэм я IуэхухэмкIэ и министр Лу Азэмэт, Аруан районым и администрацэм и Iэтащхьэ ЛIыжьыкъуэ Хьэзрит, Нарткъалэ, абы къедза къуажэхэм щыщ щIалэгъуалэр.
9 февраля, 2026 - 08:26
«Шпильки» жыхуаIэ лъэдакъэ псыгъуэр къигупсысауэ нэхъ хуагъэфащэ итальян Феррагамо Сальваторе. Ауэ модэр зыджхэм иджыри унэцIитI къраIуэ: Вивье Роже, Массаро Раймоне.
6 февраля, 2026 - 08:57
ЩIышылэм и кIэух махуэхэм КъБКъУ-м щекIуэкIащ «ЮНПРЕСС» егъэджэныгъэ-хэзыгъэгъуазэ программэр.
30 января, 2026 - 09:29
ЩIы Хъурейм къыщхьэщыт уафэм телескопкIэ кIэлъыплъахэм 2026 гъэм щIышылэм и 22 - 26-м къыщалъэгъуар зищIысым дытепсэлъыхьын ипэ, Iуэхум щIэдзапIэ хуэхъуам и гугъу тщIынщ.
Страницы
|
