|
ЩIалэгъуэ
25 февраля, 2022 - 07:00
NASA зэгухьэныгъэм (США) хуэлажьэ щIэныгъэлIхэм уахэ жыжьэм и зы плIанэпэм къыщалъэгъуащ вагъуэ гуэрэнышхуэрэ абрагъуэу абдежым щызэхэт къэщIыгъэхэм (галактикэхэм) ящыщу тIум гъунэгъу дыдэ зэрыщызэхуащIар. ЯфIэтелъыджэ хъуа а Iуэхугъуэр зэрекIуэкIым астрономхэр лъыгъуэзащ ЩIым и хъуреягъыр езыр-езыру къэзылъэтыхь спутникым хэт обсерваторэм хащIыхьа Хаббл телескопымкIэ.
24 февраля, 2022 - 11:14
ЩIымахуэу умыщIэну, хуабэт дыгъэгъазэ мазэр. Уеблэмэ, вакъэ хуабэ лъамыгъагъыжыфу, туфлъэкIэ къыдэкIахэми уащрихьэлIэрт уэрамхэм. Уэсыр сфIэфIыщэуи жысIэфынутэкъым, ауэ, а гъэм сэр дыдэри сызыхуигъэзэшат!
17 февраля, 2022 - 07:55
Астрофизикхэм гу зэрылъатамкIэ, 2017 гъэм фокIадэм и 22-м ЩIы Хъурейм пхылъэтыкIащ къаруушхуэ зиIэ нейтринэ цIыкIу.
15 февраля, 2022 - 10:00
Астрономхэм иджыблагъэ хьэршым къыщалъэгъуащ дыщыпсэу ЩIы Хъурейм ирагъэщхь планетэ. Ар, зэрыгурыIуэгъуэщи, ящыщкъым ди Дыгъэм и хъуреягъыр къэзылъэтыхьхэм. Апхуэдэхэм щIэныгъэлIхэр зэреджэр экзопланетэщ («экзо» псалъэр «и щIыбкIэ щыIэ» мыхьэнэр къикIыу пасэрей алыджыбзэм къыхэкIащ).
Тхыдэ мыжыжьэм дриплъэжмэ, экзопланетэ зэрыщыIэм астрофизикхэр япэу щыхьэт щытехъуар 1992 гъэращ.
15 февраля, 2022 - 09:42
Псэмахуэрэ Нэхунэрэ зэрышагъащІэт. НысащІэмрэ щауэщІэмрэ я унэм нэху къыщекІа япэ жэщым и пщэдджыжьым япэрей пщэдджыжьышхэ щызэдащІынут.
Щауэр жьыуэ къэушати, еплъмэ, щхьэгъусэр тхъэжу мэжей. Къимыгъэушыну хуэсакъыпэурэ къэтэджри, нысащІэм пщэдджыжьышхэ хуигъэхьэзырыну иужь ихьащ.
Япэрауэ, хадэм и щІыпІэ нэхъ дахапІэм Іэнэ зэгъэпэща дахэ щиухуащ. Мэ ІэфІ къызыпих гъагъэ хъуэпсэгъуэ дахащэхэм хэту иухуа Іэнэм къытригъэуващ унэм щІэлъу хъуар: кхъуей, щІакхъуэ, фо, тхъу, шатэ, джэдыкІэт, нащэ…
15 февраля, 2022 - 08:37
Мы усэхэр зи къалэмыпэм къыпыкIа Абэнокъуэ (Табыхъу) Ленэ Лэскэн Ипщэ къуажэм къыщалъхуащ. Курыт школыр къиуха нэужь, Налшык дэт технологие техникумым щеджащ икIи ар 1973 гъэм ехъулIэныгъэкIэ къиухащ.
14 февраля, 2022 - 15:30
Сыту псалъэ дахэ «зэгуэкІуэныр»! Гур гум хуэкІуэныр, гурэ гурэ зэхуэкІуэныр!.. Гурэ гурэ лъагъуэ зэхуащIыныр!.. Псэрэ псэрэ зэпсэгъуныр!.. Абы нэхъыфІуу, нэхъ тхъэгъуэу сыт щыІэ?!
ЦІыхум и гуащІэ зыхэлъым нэхърэ нэхъ ІэфІрэ нэхъ тхъэгъуэрэ щыІэкъым. Уи къару, уи гуащІэ хомылъхьауэ лъагъуныгъэри тІыгъуэркъым.
Девгъэгупсысыт: и къэшэгъуэр къэсыху щІалэм гъунэгъуми, къуажэгъуми, къыдеджами, къыдэлажьэми хъыджэбз щэ бжыгъэ илъагъуу, ицІыхуу щыт пэтми, абыхэм ящыщу зыращ зэгуакІуэр. Апхуэдабзэу щІалэ къудан куэдым щыщу хъыджэбзыр зэхъуапсэр а къегуэкІуа закъуэращ.
11 февраля, 2022 - 12:30
Апхуэдэ цIэр зэрехьэ Геленджик («Хъулъыжъый», «ХъупIэжьий» - «хъулъэ»-хъупIэ, «жъый»-цIыкIу) къалэм къуэкIыпIэ лъэныкъуэмкIэ къыщхьэщыт Къуацэгъур тхыцIэу Кавказ Шытх Нэхъыщхьэм и зы къудамэу къалъытэм хыхьэ лъагапIэу Пшъадэ (Пшадэ) псыр зи къежьапIэм.
11 февраля, 2022 - 11:44
Кёльн къалэм (Германие) щыIэ Нэмыцэ аэрокосмос центрым уафэщIхэр щызыдж геофизикхэмрэ а хэкум и Мюнстер къалэм дэт университетым и къэхутакIуэхэмрэ математикэ щIэныгъэм и IэмалыщIэу щыгъуазэ зыхуэхъуам ипкъ иткIэ, ЩIы Хъурейм къыдэгъуэгурыкIуэ Мазэм и ныбжьыр алъандэрэ къызэралъытэу щытам нэхърэ илъэс мелуан 85-кIэ нэхъ мащIэу къыщIрагъэдзыжащ. Абы теухуа тхыгъи къытрырагъэдзащ Science Advances щIэныгъэ журналым.
10 февраля, 2022 - 09:00
Махуэ зыбжанэ ипэкIэ Перу и хы Iуфэм щаIэщIэкIащ щIы дагъэу баррел мини 6 –м щIигъу.
ЩIэщхъур къэхъуащ хы Iуфэм къекIуэлIауэ яунэщI кхъухьышхуэхэм арыххэу къызэрехьэжьа толъкъун абрагъуэхэр къащыкIэщIэуэм. ЩIыуэпсыр хъумэнымкIэ Перу и министерствэм къызэритымкIэ, псы Iуфэ метр зэбгъузэнатIэу мин 18 Iисраф хъуащ. КъызэрапщытамкIэ, щIы дагъэр мазищкIэ яхузэщIэкъуэжынуми аращ икIи абы хухэха IуэхущIапIэр а лэжьыгъэ хьэлъэм пэмылъщу, цIыхубэри ядэIэпыкъуу ягъэкъабзэ хы Iуфэр.
Страницы
|