|
|
Спорт
10 декабря, 2025 - 15:20
«Кавказым и Кубокыр» зендокай каратемкIэ къэхьыным хуэунэтIа урсейпсо зэхьэзэхуэ япэу Къэбэрдей-Балъкъэрым щекIуэкIащ мы махуэхэм. Абы щызэпеуащ Урысей Ипщэм и спортсмен 200-м нэблагъэ.
Ди республикэм и командэм щыщу зыхэта гупхэм япэ увыпIэхэр къыщахьащ Ало Уэсмэн (кг 38-рэ), Кхъуэныхь Дамирлан (кг 50), Чыл Альберт (кг 73-рэ), Бэгъуэт Алан (кг 34-рэ), Чыл Ирнат (34-рэ), Семэн Тимур (кг 120-рэ), Бэгъуэт Марат (кг 90), Хъубий Амир (кг 55-рэ) сымэ.
Зэхьэзэхуэм етIуанэ щыхъуахэщ Алъхъэс Залым (66-рэ), КIыщ Ибрэхьим (кг 73-рэ), БищIо Артур (кг 38-рэ) сымэ.
8 декабря, 2025 - 08:00
Бахъсэн къалэ администрацэм и унафэщI Мамхэгъ Хьэчим иригушхуэу иджыблагъэ тепсэлъыхьащ бахъсэндэсхэм спортым щаIэ ехъулIэныгъэхэмрэ ахэр зыхэта зэхьэзэхуэхэмрэ.
ЖыпIэнурамэ, Урысейм и Кубокыр самбэмкIэ къэхьыным хуэунэтIауэ щэкIуэгъуэм и 24 - 28-хэм Новгород Ищхъэрэ областым и Кстовэ къалэм щекIуэкIа зэхьэзэхуэм килограмм 88-рэ зи хьэлъагъхэм я деж япэ увыпIэр Абазэ Аслъэн къыщихьащ. ЗэкIурей Къаплъэн ещанэ щыхъуащ килограмм 64-рэ зи хьэлъагъхэм я деж. ЩIалэхэр Щауэ Iэхьед и цIэр зэрихьэу къалэм дэт спорт еджапIэм и гъэсэнщ.
7 декабря, 2025 - 07:00
 Спортым ехъулIэныгъэфIхэр къыщызыгъэлъагъуэ щIалэщ Лэскэн районым хыхьэ Хьэтуей къуажэм щыщ ЩхьэщэмыщI Рэмэзан. Мы махуэхэм абы и текIуэныгъэхэм къахэхъуащ – Хьэрып Эмират Зэгуэтхэм я Эль-Фуджейрэ къалэм бгырыпх бэнэкIэмкIэ щекIуэкIа дунейпсо чемпионатым бжьыпэр щиубыдащ икIи Урысейм дыщэ медалыр къыхуихьащ. Зэхьэзэхуэм ЩхьэщэмыщIым наIуэ щищIащ а спорт унэтIыныгъэмкIэ дуней псом зэфIэкI нэхъ лъагэ дыдэ зэрыщиIэр.
6 декабря, 2025 - 08:00
Африкэ жыжьэм къикIыу, тхэквондомкIэ (ВТВ – Олимп джэгухэм хыхьэ лIэужьыгъуэмкIэ) УФ-м дунейпсо классымкIэ спортым и мастер Бекъул Миланэ теухуа хъыбар гуапэ аргуэру къытIэрыхьащ. Ар Кением и къалащхьэ Найроби дыгъэгъазэм и 3 - 6-хэм а спорт лIэужьыгъуэмкIэ щекIуэкI, зы ныбжьыр илъэс 21-м щIимыгъуахэм я дунейпсо чемпионатым щытекIуащ.
4 декабря, 2025 - 14:01
ДыщэкI Мурат и дыщэ медалыр
Саратов къалэм щекIуэкIащ дуней псом универсальнэ зэзауэмкIэ и чемпионатрэ пашэныгъэр къыщыхьыным хуэунэтIа зэхьэзэхуэрэ. Абы щызэпеуащ къэрал 32-м я спортсмен 1000-м щIигъу.
Гупхэм я зэхьэзэхуэм УФ-м и командэм япэ увыпIэр къыщихьащ. Къэзахъстаным и спортсменхэр етIуанэ хъуащ, Абхъазым и лIыкIуэхэр ещанэщ.
3 декабря, 2025 - 11:53
Совет Союзым и ЛIыхъужь Къуэш Алий и фэеплъу панкратионымкIэ урысейпсо зэхьэзэхуэ Мейкъуапэ къалэм щекIуэкIащ. Абы щызэпеуащ ди къэралым и щIыналъэхэм я спортсмен 700-м нэблагъэ.
1 декабря, 2025 - 07:42
Японием и къалащхьэ Токио щэкIуэгъуэм и 22 - 23-хэм щекIуэкIащ киокусинкаймкIэ дунейпсо чемпионатрэ пашэныгъэр къэхьыным хуэунэтIа зэхьэзэхуэрэ. Абы щызэпеуащ къэрал 41-м я спортсмен, щIалэхэри хъыджэбзхэри зэхэту, 850-рэ.
27 ноября, 2025 - 13:04
«Abu Dhabi World Professional Jiu-Jitsu Championship» фIэщыгъэр зэрихьэу бразилхэм я джиу-джитсу спорт лIэужьыгъуэмкIэ дунейпсо зэхьэзэхуэ щекIуэкIащ Хьэрып Эмират Зэгуэтхэм я къалащхьэ Абу-Даби и «Mubadala Arena» спорт комплексым. Абы щызэпеуащ къэрал куэдым я спортсмен лъэщу 3000-м щIигъу.
27 ноября, 2025 - 11:00
ШахматымкIэ (блицымкIэ) Къэбэрдей-Балъкъэрым и Кубокыр къэхьыным хуэунэтIауэ цIыхухъухэм я зэхьэзэхуэ Налшык къалэм и «Каисса» шахмат клубым щекIуэкIащ. Абы щызэпеуащ республикэм и шахматисту 16. Ахэр къыхахащ ипэкIэ къагъэлъэгъуа зэфIэкIхэр къалъытауэ.
26 ноября, 2025 - 13:22
Краснодар къалэм «СамбэмкIэ уардэунэ» и спорт комплексым щэкIуэгъуэм и I4 - I6-хэм щекIуэкIащ УФ-м дзюдомкIэ пашэныгъэр къыщыхьыным хуэунэтIа зэхьэзэхуэ. Абы щызэпеуащ ди къэралым и щIыналъэхэм ящыщу 73-м я бэнакIуэ, щIалэхэри хъыджэбзхэри зэхэту, 700-м нэблагъэ, я ныбжькIэ илъэс 2I-м щIимыгъуауэ.
Къэбэрдей-Балъкъэрым и лIыкIуэу зэхьэзэхуэм цIыху 2I-рэ щыIащ икIи абыхэм ящыщу 3-м яхузэфIэкIащ УФ-м и командэ къыхэхам зыхагъэхуэн. Я хьэлъагъ елъытауэ зыхэта гупхэм я деж Уэзы Iэдэм етIуанэ, БищIо Атхъанрэ Хъуран Каринэрэ ещанэ увыпIэхэр къыщахьащ.
Страницы
|
