Спорт

2025 гъэм шыщхьэуIум и 23-м щегъэжьауэ республикэм щекIуэкIа «Kinder league» чемпионатым и кIэух зэхьэзэхуэр Налшык къалэм щызэхэтащ. Абы щызэпеуащ КъБР-м и сабий топджэгу командэ нэхъыфIхэм ящыщу 12.

 «Тэрч Олимп» спорт комплексым щекIуэкIащ алыдж-урым бэнэкIэмкIэ зэхьэзэхуэ зэIуха. Ар и фэеплъу щытащ лIыгъэ зэрихьэу дзэ Iуэху хэхам хэкIуэда, Арыкъ къуажэм къыщалъхуа лейтенант нэхъыжь Мел Астемыр.

Фэеплъ зэхьэзэхуэм кърихьэлIащ Тэрч щIыналъэ администрацэм, жылагъуэ зэгухьэныгъэхэм, «Хэкум и хъумакIуэхэр» фондым и щIыналъэ къудамэм я лэжьакIуэхэр, Астемыр и адэ-анэ - Анзоррэ Эльмирэрэ, Мел лъэпкъым щыщхэр, Арыкъ къуажэ администрацэмрэ курыт еджапIэмрэ я лIыкIуэхэр, и къуажэгъухэмрэ ныбжьэгъухэмрэ, спортым дихьэххэр.

«Урысейр спорт къэралыгъуэщ» фIэщыгъэр зэрихьэу 13-нэ дунейпсо зэхуэс Самарэ къалэм щекIуэкIащ иджыблагъэ. Абы хэтащ къэрал 58-м я лIыкIуэу мини 5-м щIигъу.

«Кубок столицы-2025» фIэщыгъэр зэрихьэу ашихара-каратемкIэ урысейпсо зэхьэзэхуэ Мэзкуу къалэм щекIуэкIащ. Абы щызэпеуащ ди къэралым и щIыналъэхэм ящыщу I8-м я спортсмен 380-рэ.

Кавказ Ищхъэрэр зэпоуэ

Ставрополь крайм хыхьэ ЕсэнтIыгу къалэм щекIуэкIащ Кавказ Ищхъэрэм кудомкIэ и чемпионатрэ пашэныгъэр къыщыхьыным хуэунэтIа зэхьэзэхуэрэ. Абы щызэпеуащ КИФЩI-м и щIыналъэхэм ящыщу 6-м я спортсмен 400-м щIигъу. 

Дамир дуней псом и чемпионщ!

Рязань къалэм единоборствэхэмкIэ и спорт академием щэкIуэгъуэм и 6 - 9-хэм Iэпщэрыбанэ зауэмкIэ дунейпсо чемпионат щекIуэкIащ. Абы щызэхуэсащ къэрал 30-м я спортсмен лъэщу 200-м щIигъу.

Урысейпсо зэхьэзэхуэм къыщыхожаныкI

«Зэныбжьэгъугъэм и Кубок» фIэщыгъэр зэрихьэу Тольятти къалэм и «Олимп» спорт комплексым щэкIуэгъуэм и 7 - 9-хэм щекIуэкIащ каратэмкIэ 13-нэ урысейпсо зэхьэзэхуэ. Абы щызэпеуащ ди къэралым и щIыналъэхэм ящыщу 52-м я спортсмен 2150-рэ, я ныбжькIэ илъэси 8-м къыщыщIэдзауэ нэхъыжьхэр. 
Къэбэрдей-Балъкъэрым икIауэ зэхьэзэхуэм цIыху 29-рэ щыIащ икIи я хьэлъагъ елъытауэ зыхэта гупхэм медаль 16 къыщахьащ, абыхэм ящыщу 7-р дыщэу, 7-р дыжьыну, 2-р домбеякъыу. 

Тэтэрстаным и Елабугэ къалэм жэпуэгъуэм и 21 - 26-хэм щекIуэкIащ УФ-м тхэквондомкIэ (ВТФ, Олимп джэгухэм хыхьэ лIэужьыгъуэмкIэ) и Кубокыр къэхьыным хуэунэтIа зэхьэзэхуэ. Абы щызэпеуащ ди къэралым и щIыналъэхэм ящыщу 30-м щIигъум я спортсмен, щIалэхэри хъыджэбзхэри зэхэту, 350-м щIигъу.

Медалитху къахь

Грэпплингымрэ грэпплинг-гимкIэ Урысейм и Кубокыр къэхьыным хуэунэтIауэ Мэзкуу областым и Наро-Фоминск къалэм и «Нара» спорт комплексым иджыблагъэ щекIуэкIа зэхьэзэхуэм медалитху къыщахьащ Къэбэрдей-Балъкъэрым и спортсменхэм.

И хьэлъагъ елъытауэ зыхэта гупым етIуанэ увыпIэр щиубыдащ Мэкъуауэ Ахъмэт. ЕтIуанэ хъуахэщ Балэ Хьэсэнбийрэ Къэрэшей Къантемыррэ. Абыхэм нэмыщI, лIэужьыгъуитIми щыбэна Пэфыф Темырлан хузэфIэкIащ медалитI абыхэм къыщихьын: зы дыжьынрэ домбеякърэ.

Ставрополь крайм хыхьэ Минводы къалэм и «Минводы ­ЭКСПО» гъэлъэгъуэныгъэ центрым ще­кIуэ­кIащ «Къалэхэм я зэхэуэ. Кавказ» фIэщыгъэр зэрихьэу дзюдомкIэ урысейпсо зэхьэзэхуэ. Абы щызэпеуащ Кавказ Ищхъэрэм и щIыналъэхэм я командэхэр, гуп къэс цIыху 13 хъууэ, я ныбжькIэ илъэс 15 - 17-м щIимыгъуауэ.