Спорт

Футболым и дунейпсо махуэр ХьэтIохъущыкъуей къуажэм щыгъэлъэпIащ. Абы хухэхауэ екIуэкIащ Бахъсэн щIыналъэм и топджэгу зэхьэзэхуэ. 

 ТIэунейрэ Олимп джэгухэм, тхуэнейрэ дунейпсо зэхьэзэхуэхэм текIуэныгъэр къыщызыхьа авар щIалэм иджыблагъэ спортым и гъунэм икI щхьэусыгъуэкIэ цIыхубэ гулъытэр зришэлIащ. Дыгъэгъазэм и 5-м щегъэжьауэ тхьэмахуэм щIигъукIэ Абдулрашид Дагъыстэным щигъэхьэщIащ Токио щекIуэкIа Олимп джэгухэми, иужькIэ Ослэ щызэхэта дунейпсо чемпионатми хьэрхуэрэгъу къыщыхуэхъуу зытекIуа американ бэнакIуэ Снайдер Кайл.

Аруан районым мы махуэхэм щекIуэкIащ «Спортыр наркотикхэм я бийщ» къыхуеджэныгъэм щIэт зэхьэзэхуэ зыбжанэ.
Псыгуэнсу къуажэм щыIащ боксымкIэ ныбжьыщIэхэм я зэхьэзэхуэ. Абы хэтащ районым щыщ спортсмен 50-м щIигъу. А зэпеуэм къыдэкIуэу Нарткъалэ дэт Ерчэн Темболэт и цIэр зезыхьэ физкультурэ-узыншагъэр щрагъэфIакIуэ комплексым къыщызэрагъэпэщащ волейболымкIэ, псы есынымкIэ, дзюдомрэ шахматхэмкIэ зэпеуэхэр. 20I0-20II гъэхэм къалъхуахэм «Химик» стадионым футбол зэхьэзэхуэ щрагъэкIуэкIащ.

Хасавьюрт щекIуэкIащ «XIX, XX лIэщIыгъуэхэм я бэнакIуэ цIэрыIуэхэм я фэеплъу» бэнэкIэ хуитымкIэ дунейпсо зэхьэзэхуэ. Я хьэлъагъ елъытауэ пщIыуэ гуэшауэ гупхэм я медалхэм щIэбэнащ къэрал 15-м къикIа спортсменхэр.
И хьэрхуэрэгъу псоми ефIэкIа килограмм 86-м нэблагъэ зи хьэлъагъ Къэбэрдей-Балъкъэрым щыщ Хьэщпакъ Хьэбий финалым щыIущIащ Засеев Алан. Абы текIуэри ди лъэпкъэгъум дунейпсо зэхьэзэхуэм дыщэ медалыр щызыIэригъэхьащ.

Къэбэрдей-Балъкъэрым боксым и лъабжьэр щызыгъэтIылъа Джабоев Серго и илъэс 80 юбилеим ирихьэлIэу Налшык дэт Универсальнэ спорт комплексым зыгъэсэныгъэ зэIуха щекIуэкIащ.

Мусукаев

Дагъыстэным и Каспийск къалэм дэт Алиев Алий и цIэр зезыхьэ Спортым и уардэунэм щызэхэтащ бэнакIуэ нэгузыужь пшыхь. «Wolnik» ебланэ нэгузыужь  проектым хыхьэу зэIущIи 6 екIуэкIащ.

Дыгъэгъазэм и пэщIэдзэхэм Сыктывкар къалэм щекIуэкIащ СССР-м спортым щIыхь зиIэ и мастер Паршуков Владимир и фэеплъу бэнэкIэ хуитымкIэ урысейпсо зэхьэзэхуэ. Абы и саугъэтхэмрэ спортым и мастер дамыгъэхэмрэ щIэбэнащ къэралым и щIыналъэ 19-м къикIа спортсмени 100-м щIигъу. 

Каспийск къалэм дэт Алиев Алий и цIэр зезыхьэ спортым и уардэунэм щекIуэкIащ алыдж-урым бэнэкIэмкIэ Кавказ Ищхъэрэ федеральнэ щIыналъэм и чемпионат. Зэхьэзэхуэм и саугъэтхэм щIэбэныну Дагъыстэным щызэхуасат Кавказ Ищхъэрэм и щIыналъэ псоми икIа спортсмени 150-м щIигъу.

Я хьэлъагъ елъытауэ гуэшауэ щыта гупхэм дыщэ медалхэр къыщахьащ Къурашэ Беслъэн (кг 55-рэ), Къалмыкъ Ислъам (кг 63-рэ), Наурыз Мухьэдин (кг 67-рэ), Хьэжнэгъуей Елдар (кг 87-рэ) сымэ. Килограмм 97-м нэблагъэ зи хьэлъагъ Шыгун Алим ди республикэм и командэ къыхэхам дыжьын медаль къыхуихьащ.

Къэзан дэт, щхьэзакъуэ зэзауэхэмкIэ «Ак Барс» уардэунэм щекIуэкIащ мыолимп тхэквондомкIэ Урысей Федерацэм и чемпионатрэ зэхьэзэхуэрэ. Абы хэтащ къэралым и щIыналъэ 52-м къикIа спортсмен 900-м щIигъу. Къэбэрдей-Балъкъэрым и лIыкIуэхэм Тэтэрстаным щызыIэрагъэхьащ медаль зэмы­лIэужьыгъуэу 10. 

Къэбэрдей-Балъкъэрым СпортымкIэ и министерствэм пресс-конференц щекIуэкIащ. Журналистхэм яIущIащ спортымкIэ министр Хьэсанэ Ислъамрэ тэмэму зэхэзымыххэм тхэквондомкIэ я дунейпсо чемпионатым щытекIуа Сатушы ­Мадинэ, Жылэ Татьянэ, абыхэм я тренер Ахъмэт Амир сымэ.