Спорт

Къэбэрдей-Балъкъэрым и суд приставхэм екIуу зыкъыщагъэлъэгъуащ Урысей ФССП-м унэтIыныгъэ зыбжанэкIэ зэхэт и чемпионатым. Зэхьэзэхуэр екIуэкIащ олимп щытыкIэм тету, я хьэлъагъкIэ 8-уэ гуэшауэ икIи япэу къыхагъэщIахэр хагъэкIыжу.

  КIыщ Аслъэнбэч япэщ

Урысей Федерацэм тэмэму зэхэзымых спортсменхэм я деж алыдж-урым бэнэкIэмкIэ пашэныгъэр къыщыхьыным хуэунэтIа зэхьэзэхуэ Орел къалэм щекIуэкIащ. Абы щызэпеуащ ди къэралым и щIыналъэхэм ящыщу 17-м я спортсмен 70, я ныбжькIэ илъэс 23-м щIимыгъуауэ.

Къэбэрдей-Балъкъэрым щыщу зэхьэзэхуэм щыIащ КIыщ Аслъэнбэч икIи килограмм 72-рэ зи хьэлъагъхэм я деж дыщэ медаль къыщихьащ.

Ди щIалэм и тренерхэр КIыщ Муратрэ Къардэн Анзоррэщ.

  Боксер цIэрыIуэм и щIыхькIэ

Самбэм зэхуешэс

Къэбэрдей-Балъкъэрым самбэмрэ зэзауэ зыхэт самбэмкIэ и чемпионатрэ пашэныгъэр къэхьыным хуэунэтIа зэхьэзэхуэрэ Шэджэм къалэм щекIуэкIащ. Абы щызэпеуащ республикэм и командэу 8, псори зэхэту спортсмен 200-м нэблагъэ.

Краснодар крайм щыIэ «Сириус» щIыналъэм щекIуэкIащ УФ-м тхэквондомкIэ (ИТФ – Олимп джэгухэм хэмыхьэ лIэужьыгъуэмкIэ) и чемпионатрэ пашэныгъэр къыщыхьыным хуэунэтIа зэхьэзэхуэрэ. Абы щызэпеуащ спортсмен балигъхэри, щIалэгъуалэри, ныбжьыщIэхэри.

«Асатрян Арарат и фэеплъ Кубок» фIэщыгъэр зэрихьэу кудомкIэ щIыналъэхэм я зэхьэзэхуэ Ставрополь къалэм щекIуэкIащ. Хэгъэрейхэм нэмыщI, абы щызэпеуащ Луганск областым, Дон Iус Ростов къалэм, Къэбэрдей-Балъкъэрым, Дагъыстэным, нэгъуэщIхэми я спортсмену 200-м щIигъу.

Урысей Федерацэм дзюдомкIэ пашэныгъэр къыщыхьыным хуэунэтIа зэхьэзэхуэ Екатеринбург къалэ щекIуэкIащ. Абы щызэпеуащ къэралым и щIыналъэхэм ящыщу 61-м я спортсмен, щIалэхэри хъыджэбзхэри зэхэту, 500-м щIигъу, я ныбжькIэ илъэс 21-м щIимыгъуауэ.

 Къэбэрдей-Балъкъэрым и бэнакIуэхэм зэхьэзэхуэм екIуу зыкъыщагъэлъэгъуащ икIи медалищ абы къыщахьащ. Зыхэта гупым япэ увыпIэр щиубыдащ Соблыр Атмир (кг 70). Финалыр абы къыфIихьащ нэгъуэщI ди зы щIалэм - Уэзы Iэдэм.

«Къуажэ щIыпIэхэм сыт и лъэныкъуэкIи зегъэужьын» къэрал пэхуэщIэм ипкъ иткIэ Бахъсэненкэ къуажэм физкультурэ-узыншагъэр щагъэбыдэ комплексыщIэ (ФОК) щаухуэ. КъатитIу зэтетыну унэм метр зэбгъузэнатIэ 1200-м щIигъу иубыдынущ. 

Иджыпсту унэ лъабжьэр ягъэтIылъри, блынхэри яIэтащ, ахэр зэрызэрагъэубыдыну, зэрагъэбыдэну гъущIхэр зэпагъавэ, иужькIэ унащхьэр телъхьэным пэрыхьэнущ. Абыхэм къадэкIуэу, псы къабзэ зэрыкIуэ, къагъэсэбэпар зэрыIуаш бжьамийхэр, ток кIапсэхэр, унэр къызэрагъэплъ системэхэр, нэгъуэщIхэри, щIашэ.

Адлер къалэм щекIуэкIащ бжыр нэхъ жыжьэу дзынымкIэ урысейпсо зэхьэзэхуэ. Ди гуапэу къыхэдгъэщынщи, Къэбэрдей-Балъкъэрым и спортсмен Орлов Николай дунейпсо рекорд щигъэуващ абы. Ди щIалэм иутIыпща бжыр метр 77-рэ сантиметр 37-кIэ игъэлъэтащ. Мы гъэм зэрыщIидзэрэ апхуэдэ ехъулIэныгъэ дунейм зыми къыщигъэлъэгъуакъым.