Урысей Федерацэм и щIыналъэхэм ящыщу 10-м я спортсмену 300-м щIигъу иджыблагъэ Краснодар къалэм щызэпеуащ Кавказ Ищхъэрэмрэ Урысей Ипщэмрэ иджырей пятиборьемкIэ пашэныгъэр къыщыхьыным хуэунэтIа зэхьэзэхуэм.

ПятиборьемкIэ зэхьэзэхуэм кърикIуахэр зэхалъхьэжа нэужь КIуж Малик, Уэрсей Дамир, Боттаев Дамир сымэ гупхэм я зэпеуэм Къэбэрдей-Балъкъэрым и командэм япэ увыпIэр къыщыхуахьащ.

Спорт лIэужьыгъуиплIымкIэ етIуанэ хъуахэщ Веденяпин Дамир, Щэмэт Руслан, БакIуу Астемыр сымэ.

БРИКС-м и чемпион КIэрэф Темырлан

Тэтэрстаным и къалащхьэ Къэзан мы махуэхэм щекIуэкIа, БРИКС-м и 5-нэ дунейпсо спорт зэхьэзэхуэхэм Къэбэрдей-Балъкъэрым и спортсменхэм еханэ медалыр ди республикэм къыхуахьащ. БгырыпххэмкIэ зэбэнхэм я деж япэ увыпIэр щиубыдащ КIэрэф Темырлан.

Къэбэрдей-Балъкъэрым и спорт гъащIэм иужьрей илъэсхэм жыджэру икIи лъэщу къыхыхьахэм ящыщщ адыгэ щIалэщIэ, бэнакIуэ ахъырзэман Шэрий Иналбэч. Абы и зэфIэкIымрэ и ехъулIэныгъэхэмрэ дуней псом псынщIэ дыдэу щызэлъащIысащ. Псалъэм къыдэкIуэу, нэгъабэрей илъэс закъуэм хузэ­фIэкIащ Урысей Федерацэм и чемпионатым и дыщэ медалыр зыIэригъэхьэн, Европэм ­па­шэныгъэр къыщыхьыным хуэунэтIауэ зи ныбжьыр илъэс 23-м щIимыгъуахэм я зэ­хьэзэхуэм щытекIуэн, нэгъуэщI зыхэта адрей запеуэхэм я гугъу дымыщIу. 

БРИКС-м и чемпионхэщ

Тэтэрстаным и къалащхьэ Къэзан мы махуэхэм щекIуэкI 5-нэ дунейпсо спорт зэхьэзэхуэхэм хъыбарыфIхэр къытхуахь зэпытщ. Иджы дызыгъэгуфIар бэнэкIэ хуитымкIэ зэпеуэм зыкъыщызыгъэлъэгъуа ди щIалэ ахъырзэманхэу ЗэкIуий Анзоррэ Шаваев Маликрэщ: тIуми дыщэ медалхэр къахьри, БРИКС-м и чемпион хъуащ. 

                                          СамбэмкIэ нэхъ лъэщхэр

Осетие Ищхъэрэ – Аланием иджыблагъэ щызэхэтащ 2012-2013 гъэхэм къалъхуахэм я зэхьэзэхуэ. Хэгъэрейхэм ягъусэу абы щызэпеуащ Къэбэрдей-Балъкъэрым, Шэшэным, Ингушым, Осетие Ипщэм я бэнакIуэ цIыкIуу 160-рэ.

Ди республикэм и щIыхьыр ихъумэу Владикавказ къалэм щыIащ Ныр Сеф и цIэр зэрихьэу Налшык къалэм дэт спорт еджапIэм и гъэсэнхэр икIи я хьэлъагъ елъытауэ зыхэта гупхэм япэ увыпIэхэр къыщахьащ Гындыгъу Амир, Маргъущ Къантемыр, Дэрогуэ Iэмырбэч, ДыщэкI Дамир сымэ.

Дзюдо

Адыгейм и къалащхьэ Майкъуапэ иджыблагъэ щекIуэкIащ СССР-м щIыхь зиIэ и тренер Куэблэ Екъуб и фэеплъу дзюдомкIэ «А» класс зиIэ 11-нэ урысейпсо зэхьэзэхуэ. ЩIалэхэри хъыджэбзхэри зэхэту, гуп 14-у гуэшауэ абы щызэпеуащ къэралым и щIыналъэхэм ящыщу 22-м я бэнакIуэ 230-м щIигъу. 

Санкт-Петербург къалэм щызэхэта XXVII дунейпсо экономикэ зэхуэсым (ПМЭФ) хыхьэу а къалэм щекIуэкIащ «LokoCup» фIэщыгъэр зэрихьэу дзюдомкIэ клубхэм я дунейпсо зэхьэзэхуэ. Къэбэрдей-Балъэкъэрым и щIыхьыр ихъумэу зэпеуэм хэтащ Налшык къалэм и «Локомотив-Грин Хилл» гупыр.