Календарь событий

03 марта 2024

Къащыгугъхэм зыщIагъакъуэ

3 марта, 2024 - 15:03

УФ-м и Президент Путин Владимир мазаем и пэм «Хэкум и хъумакIуэхэр» фондым и лэжьыгъэр зытещIы­хьахэм зригъэубгъуащ. Иджы абы хузэфIэкIынущ езым  и ахъшэкIэ иджырей мардэхэм тету къыдагъэкI протезхэмкIэ СВО-м хэтахэр къызэригъэпэщыну. Нэхъ ипэкIэ  и къалэну щытар а Iуэхум тещIыхьауэ Урысейм и Социальнэ фондым щыхьэт зэрытехъуэ электрон тхылъыр къыщыдахынымкIэ щIэгъэгъуэн яхуэхъунырт. 

Километритху зэрагъэпэщыж

3 марта, 2024 - 14:03

Гъуэгу хозяйствэмкIэ «Кавказ» федеральнэ IуэхущIапIэм къызэрыхилъхьауэ, 2024 гъэм къриубыдэу, Налшык къалэ Идар Темрыкъуэ и цIэр зезыхьэ и уэрамым и машинэ зэб­лэкIыпIэу 4-м щыщу Р-217 «Кавказ» федеральнэ автомобиль зекIуапIэм и 450-нэ километрым къы­щыщIэдзауэ 455-нэм нэсыр къызыхуэтышэу зэрагъэпэщыжынущ. А Iыхьэр хохьэ Налшык и кхъухьлъатэ тедзапIэм хуэзышэм. 

Гъавэм къыхэхъуэ зэпытщ

3 марта, 2024 - 11:18

Къэбэрдей-Балъкъэрым и мэкъумэшыщIэхэм хьэцэ­пэ­цэрэ джэш хъурейуэ псори зэхэту иужьрей илъэситхум Iуа­хыжам процент 25-кIэ хэхъуащ. Нэгъабэ и закъуэ гъавэу кърахьэлIэжам хуэдиз зэи къайхъулIакъым - тонн мелуан 1,421-рэ. 2022 гъэм хьэцэпэцэу Iуахыжам нэхърэ ар процент 14-м нэблагъэкIэ нэхъыбэщ.

Егъэджэныгъэм зэрызрагъэужьыр

3 марта, 2024 - 10:01

КъБР-м и Правительствэм щекIуэкIащ егъэджэныгъэм зегъэужьынымкIэ 2030 гъэ пщIондэ ящIапхъэхэмрэ Егъэ­джэныгъэмрэ щIэныгъэмкIэ министерствэм 2023 гъэм къри­убыдэу илэжьахэр къапщытэжынымрэ ятеухуа зэIущIэ.