|
Календарь событий
16 марта 2024
16 марта, 2024 - 20:57
Урысей Федерацэм и Президентым и хэхыныгъэхэр мы махуэхэм жыджэру икIи зэIузэпэщу йокIуэкI. Налшык къалэм и курыт еджапIэ №29-м къыщызэIуаха хэхыпIэ №112-м а Iуэхум зэрыщехъулIэм зыхэдгъэгъуэзащ. Абы йокlуалlэ «Горнэ» хьэблэм и уэрам щхьэхуэхэм щыпсэухэр.
16 марта, 2024 - 15:41
Гъатхэпэм и 15-м щыщIэдзауэ 17 пщIондэ, Профсоюзхэм ЩэнхабзэмкIэ я уардэунэм щолажьэ хэхыпIэ №120-р. Абы екIуэлIащ Кулиев Къайсын и цIэр зезыхьэ уэрамым зэпымыууэ щыпсэухэр.
16 марта, 2024 - 12:26
Гъатхэпэм и 15 - 17-хэм къэралым щекIуэкIынущ зэIузэпэщ ящIыну щIыпIэхэр къыхэхыным теухуа Урысейпсо IэIэт. Ар ирагъэкIуэкI Урысейм и Президент Путин Владимир къыхилъхьа, «ПсэупIэмрэ къалэ уэрамхэмрэ» лъэпкъ проектым хыхьэ «Къалэр тыншыпIэм хуэщIауэ къызэгъэпэщын» къэрал проектым ипкъ иткIэ.
16 марта, 2024 - 12:14
Къэбэрдей-Балъкъэр республикэм, къэралым и щIыналъэ псоми хуэдэу, гъатхэпэм и 15-м, пщэдджыжьым сыхьэти 8-м хэхыныгъэхэм и япэ махуэр къыщызэIуахащ. Къэбгъэлъагъуэмэ, республикэм хэхыпIэ 355-рэ къыщызэрагъэпэщащ. КIэлъыплъакIуэ 893-м я нэIэ тетщ къэпщытакIуэхэм я хуитыныгъэр къызэпамыудыным, хабзэншагъэ къэмыгъэхъуным. ЖыпIэнурамэ, Урысей Федерацэм и Президентыр хэхыным а хэхыпIэхэр сыткIи хуагъэхьэзыращ.
16 марта, 2024 - 11:41
Урысей Федерацэм и президент хэхыныгъэхэр иджы япэу махуищым тещIыхьауэ ирагъэкIуэкI. Къэрал псом я гъусэу, Къэбэрдей-Балъкъэрым щыпсэухэми Урысейм и къэкIуэнум папщIэ Iэ яIэт.
16 марта, 2024 - 11:18
КъБР-м и Iэтащхьэ КIуэкIуэ Казбек Урысей Федерацэм и президент хэхыныгъэхэр егъэкIуэкIыным щIыналъэхэр зэрыхуэхьэзырым теухуауэ щIыпIэ администрацэхэм я унафэщIхэр зыхэт зэIущIэ иригъэкIуэкIащ.
16 марта, 2024 - 11:01
УФ-м и Президентыр щыхэтх махуищым ипэ къихуэу, Бэрбэч ХьэтIутIэ и цIэр зезыхьэ Къэбэрдей-Балъкъэр къэрал университетым гъатхэпэм и 14-м щекIуэкIащ «Урысей Федерацэм и Президентыр хэхыныр - къэралым и къэкIуэныр хэтх пэлъытэщ» зыфIаща зэIущIэ.
16 марта, 2024 - 10:19
Дзэлыкъуэ щIыналъэм мы махуэхэм щолажьэ хэхыпIэ 25-рэ. ЦIыхухэр куэду йокIуалIэ Iэ щаIэт щIыпIэхэм, гукъыдэж яIэщ щхьэж фIыкIэ зыщыгугъ кандидатым къыдэщIыну. ЩIыналъэ администрацэм и унафэщI Джатэ Руслан Iэ щиIэтащ 65-нэ хэхыпIэм.
16 марта, 2024 - 10:14
КъэкIуэнур зейр щIалэгъуалэращ жаIэ. Ар къагурыIуэрэ жэуаплыныгъэ ин яхэлъу президент хэхыныгъэхэм хэтащ республикэм ис щIалэгъуалэр. Псом хуэмыдэу мыхьэнэшхуэ зиIэ мы Iуэхум гупсэхуу бгъэдыхьащ Аруан куейм ис щIалэхэмрэ пщащэхэмрэ. Езыхэм я ныбжь итхэм щапхъэ яхуэхъумэ нэхъ къащтэу, иджыпсту ди къэралыр зыхуэныкъуэ хэкупсагъэр ягъэлъагъуэу, жьыуэ къыдэкIащ хэхыныгъэхэм я Iыхьэ мащIэр халъхьэну.
16 марта, 2024 - 10:08
Мы махуэхэм къэралым щекIуэкI Iуэху нэхъыщхьэм нэхъ жыджэру хэтхэм ящыщщ Аруан щIыналъэр. Урысей Федерацэм и ЦИК-м къызэригъэувам тету, Iэ щаIэтыну хэхыпIэхэр нэхъ пасэу зыхуей хуагъэзащ икIи зэпэщрэ Iэхуитлъэхуиту дыгъуасэ сыхьэтыр 8-м къызэIуахащ.
16 марта, 2024 - 10:01
Урысейм и Правительствэм и УнафэщIым и къуэдзэ Голиковэ Татьянэрэ КъБР-м и Iэтащхьэ КIуэкIуэ Казбекрэ лэжьыгъэ IуэхукIэ зэхуэзащ. Ди щIыналъэм и унафэщIым къулыкъущIэр щигъэгъуэзащ республикэм и социально-экономикэ зыужьыныгъэм.
|