|
Календарь событий
22 апреля 2024
22 апреля, 2024 - 18:00
Дуней псом цIыхуу тетым я зэхуэдэ ерыскъы къызэрымыгуэкIыу къалъытэ нартыхум медицинэми увыпIэ щхьэхуэ щеубыд. Абы и хьэдзэхэр РР, Е, Д, К, В, ВI, В2 витаминхэмкIэ, аскорбиновэ кислотамкIэ, нартыху сэмбхэр калий, кальций, фосфор, гъущI, магний пкъыгъуэхэмкIэ къулейщ, и белокым хэлъщ триптофан, лизин аминокислотахэр. Нартыху цIынэ грамми 100-м клетчаткэу грамми 2,5-рэ, гъэвам грамми 2,7-рэ хэлъщ. Абы къыхэкIыу ар хуэсэбэпщ лъатэ, кIэтIий узхэм.
22 апреля, 2024 - 17:33
Къэрэшей-Шэрджэс Республикэм щыпсэу адыгэхэм я Нэхъыжьхэм я зэгухьэныгъэм и тхьэмадэ, медицинэ щIэныгъэхэмкIэ доктор, профессор Даур Борис етхыж Къэрэшей-Шэрджэс, Къэбэрдей-Балъкъэр, Осетие Ищхъэрэ-Алание республикэхэм щыпсэу Даурхэ я лъэпкъым щыщ нэхъыжьхэм кърахьэжьа Iуэху дахэр зэрекIуэкIар.
22 апреля, 2024 - 17:16
ЩоджэнцIыкIу Алий и цIэр зезыхьэ Къэбэрдей Къэрал драмэ театрым литературно-макъамэ пшыхь гуапэ щекIуэкIащ, лъэпкъ литературэм и лъабжьэр зыгъэтIылъа, дызэрыгушхуэ адыгэ усакIуэ, гупсысакIуэ ПащIэ Бэчмырзэ къызэралъхурэ илъэси 170-рэ зэрырикъум и щIыхькIэ. Ар къызэрагъэпэщащ КъБР-м ЩэнхабзэмкIэ и министерствэмрэ КъБР-м и ТхакIуэхэм я зэгухьэныгъэмрэ.
Театр бжэIупэм лъэпкъ фащэхэр зыщыгъ щIалэгъуалэм уэрэдрэ къафэкIэ гуапэу щрагъэблэгъащ Тыркум къикIа ди лъэпкъэгъухэр.
22 апреля, 2024 - 17:11
Боксер цIэрыIуэу щыта, дунейпсо зэхьэзэхуэхэм пашэныгъэр къыщызыхьа Доттуев Ахъмэт и фэеплъ урысейпсо зэхьэзэхуэ иджыблагъэ Тырныауз къалэм щекIуэкIащ. Абы кърихьэлIащ къэралым и боксер лъэщу 117-рэ.
Къэбэрдей-Балъкъэрым и спортсменхэм ящыщу я хьэлъагъ елъытауэ зыхэта гупхэм дыщэ медалхэр къыщахьащ Пщынокъуэ Ислъам (кг 44-рэ), Жантемрокъуэ Имран (кг 46-рэ), ГъукIапщэ Альберт (кг 50), Фэрзалы Ислъам (кг 90), Къудей Алим (кг 48-рэ), Мэхъуэш Инал (кг 54-рэ), Аспиев Хьэмзэт (кг 66-рэ) сымэ.
22 апреля, 2024 - 17:00
Пщэдджыжь къэс Iуэ адакъэпщым и макъ жьгъырур нышэдибэ кIуэдат. Нанэ фIэфIт ар жэщым щыIуэм и деж едэIуэну, «мэлэIыч елъагъу» жиIэрти.
22 апреля, 2024 - 16:16
1868 гъэм Къундетхьэблэ (Псыжь адрыщIкIэ) щыщ гуп - Бэбыгу Хьэжы, Къуэндаур, Дэхъушыкъуей, Шэрихь Адэмей, Мэрэнкъул, Ихьбацэ сымэрэ абыхэм я благъэхэмрэ – щIэлъэIуащ Тыркум Iэпхъуэну хуит къащIыну. ЩаутIыпщым я унэлъапсэмрэ мылъкумрэ ящэщ, бзылъхугъэхэмрэ сабийхэмрэ гум ирагъэтIысхьэри, гъуэгу теуващ, Керч нэс зэпрысыкIыну я мураду.
22 апреля, 2024 - 16:06
Орёл къалэм иджыблагъэ щекIуэкIащ Урысейм каратэмкIэ пашэныгъэр къыщыхьыным хуэунэтIа зэхьэзэхуэ. Абы гупурэ гуэшауэ щызэпеуащ я ныбжькIэ илъэс 14 - 15, 16 - 17, 18 - 20-м къриубыдэ щIалэхэмрэ хъыджэбзхэмрэ, псори зэхэту 1600-м нэблагъэ, къэралым и щIыналъэхэм ящыщу 62-м къикIауэ.
Къэбэрдей-Балъкъэрым и командэр цIыху 25-рэ хъууэ хэтащ а зэхьэзэхуэм икIи я ныбжьрэ я хьэлъагърэ елъытауэ зыхэта гупхэм япэ увыпIэр къыщахьащ Марзоев Даниял, Мамий Рэмэзан, Маштегэ Дмитрий, Бахъсэн Темырлан, Жамбей Астемыр, Переясловэ Валерие, Сокъур Арсен сымэ.
22 апреля, 2024 - 16:00
Мэлыжьыхьым и 21-м ди къэралым щагъэлъапIэ щIыпIэ самоуправленэм и махуэр. 20I2 гъэм мэкъуауэгъуэм и I0-м абы теухуа унафэм Iэ тридзащ Урысейм и Президент Путин Владимир.
I785 гъэм а махуэм ирихьэлIэу пащтыхь Екатеринэ «Грамота на права и выгоды городам Российской империи» унафэр къищтауэ щытащ. Ар щIэдзапIэ хуэхъуащ щIыпIэ самоуправленэм теухуа хабзэубзыху Iуэхухэм.
22 апреля, 2024 - 15:50
Мэлыжьыхьым и 22, блыщхьэ
ЩIы-Анэм и дунейпсо махуэщ
Секретарым и дунейпсо махуэщ
Экологием къихь шынагъуэм зыщыхъумэным и махуэщ
1886 гъэм къалъхуащ бзэщIэныгъэлI, КъБР-м щIэныгъэхэмкIэ щIыхь зиIэ и егъэджакIуэ Елбэд Хьэсэн.
1942 гъэм къалъхуащ химие щIэныгъэхэмкIэ доктор, УФ-м щIэныгъэхэмкIэ щIыхь зиIэ и лэжьакIуэ, РАЕН-мрэ ЩIДАА-мрэ я академик МэкIэтIей Абдулыхь.
22 апреля, 2024 - 15:10
Къэзан къалэм и «АкБарс» спорт комплексым иджыблагъэ щекIуэкIащ «Кубок АкБарс»-р каратэмкIэ къэхьыным хуэунэтIа дунейпсо зэхьэзэхуэ. Абы хэтащ хамэ къэралу 10-м, Урысейм и щIыналъэхэм ящыщу 48-м я спортсмен 2160-рэ.
ГъэщIэгъуэну икIи гуащIэу екIуэкIа зэIущIэхэм Къэбэрдей-Балъкъэрым и командэм медаль бжыгъэхэмкIэ етIуанэ увыпIэр къыщихьащ.
Щхьэзакъуэ зэпеуэхэм я хьэлъагъ елъытауэ зыхэта гупхэм япэ щыхъуащ Блий Изабеллэ, Нэгъуей Алинэ, Блий Эмир, Гуэбэшы Аскэр, Токъуий Алий, Гуэбэшы Арнеллэ, КIэбышэ Ислъам сымэ.
22 апреля, 2024 - 15:05
«Адыгэ псалъэр» щащэ щIыпIэу Налшык дэтыр Пушкиным и цIэр зезыхьэ уэрамым тет тыкуэн цIыкIум и закъуэщ. «Дэнэ фи газетыр къыщытщэхунур?» - жаIэу зыкъытхуэзыгъазэ щIэджыкIакIуэхэм яжетIэр фщIэрэ? «Тевдзэ! Ящэркъым!» Ауэ газетым Iэ тебдзэн ипэкIэ, абы уIуплъэну Iэмал уиIэн хуейщ. Зы къыдэкIыгъуэр щIамыгъэлъапIэри аращ, зыбжанэрэ къэпщэхуа нэужь, тебдзэным утригъэгушхуапхъэу.
22 апреля, 2024 - 14:55
Каспий тенджызым и Iуфэхэм ящыщ зым Бекович-Черкасскэм и цIэр зезыхьэ щIыпIэ яхэтщ. Дауи, щIыфIащам и щхьэусыгъуэми хуэдэу иджы абы щыгъуазэр мащIэ дыдэщ. Езы адыгэлIым и къекIуэкIыкIами тепсэлъыхьыжыркъым, ар гъэщIэгъуэныщэ пэтми.
… 1713 гъэм тыгъэшхуэхэр къыхуишэри, Урысейм и пащтыхь Петр Езанэм и деж къэкIуащ тыркумэн къулей Непес Ходжа. ХьэщIэм Пётр къигъэгугъащ Хивэ щIыналъэм зыпищIэнымкIэ дэIэпыкъуу щытмэ, абы урыс хьэпшыпхэр къуэкIыпIэмкIэ жыжьэ - Индием нэсыху - ишэну.
|