|
Махуэгъэпс
14 февраля, 2022 - 06:50
♦ЗэгуэкIуахэм я дунейпсо махуэщ
♦Тхылъхэр саугъэт щIыным и дунейпсо махуэщ
♦Компьютерхэр зэпкърызылъхьэхэм, ахэр зэтезыухуэхэм я махуэщ
♦1848 гъэм зэращIылIа мамырыгъэ зэгурыIуэныгъэм ипкъ иткIэ Мексикэм Техас штатыр США-м иратащ.
♦1918 гъэм «ЛэжьакIуэхэмрэ мэкъумэшыщIэхэмрэ я социалистическэ Флот Плъыжьым теухуауэ» унафэр ЦIыхубэ комиссархэм я советым къыдигъэкIащ. СССР-м и Дзэ-Тенджыз Флотыр къыщызэрагъэпэща махуэу ягъэлъапIэу щытащ.
♦1918 гъэм Совет Урысейр григориан махуэгъэпсым техьащ.
11 февраля, 2022 - 13:18
♦Сымаджэм и дунейпсо махуэщ
♦ЩIэныгъэм хэт бзылъхугъэхэм я дунейпсо махуэщ
♦Урысейм щагъэлъапIэ щIымахуэ спорт лIэужьыгъуэхэм я махуэр
♦Тутын емыфэным и урысейпсо махуэщ
♦Азербайджаным и налог къулыкъущIапIэм и лэжьакIуэхэм я махуэщ
♦Япониер къэралыгъуэ щхьэхуэ щыхъуа махуэщ
♦1697 гъэм Пётр Езанэм Iэ щIидзащ Урысейм тутын щащэну хуит зыщI унафэм.
10 февраля, 2022 - 11:04
♦УФ-м щагъэлъапIэ дипломатие IэнатIэм и лэжьакIуэм и махуэр
♦Пушкин Александр и фэеплъ махуэщ. 1837 гъэм урыс усакIуэшхуэр дунейм ехыжащ.
♦1636 гъэм етур къагупсысащ. Иджыпсту иIэ теплъэм хуэдэ етум щигъуэтар абы щыгъуэщ, щыгъын упIышкIуахэр зэраузэхуж Iэмэпсымэхэр ди эрэм и пэ къихуэуи щыIами.
♦1784 гъэм Урысейм и пащтыхь гуащэ Екатеринэ II унафэ ищIащ Кърымым щыIэ Ахтиар къалэм, кхъухь тедзапIэм и цIэр Севастополь жиIэу зэрахъуэкIыным теухуауэ. ♦АлыджыбзэкIэ абы «щIыхьым и къалэ» жиIэу къокI.
9 февраля, 2022 - 15:10
♦Дзэ дохутырым и дунейпсо махуэщ
9 февраля, 2022 - 12:57
Февралыр пасэрей римлянхэм я илъэсыр зэриух мазэт. Латин «фебруариусым» – «зыщагъэкъэбзэж» жиIэу арат къикIыр. А мазэм тхьэлъэIу, къурмэн римлянхэм ящIырт, я гуэныхьхэр къахуэгъун папщIэ.
Февралым адыгэхэр мазаекIэ, мазэ хъуанэкIэ, мазэ ябгэкIэ еджэрт, псоми къикIыр а лъэхъэнэр зэрыябгэрщ. Мазэ-е - мазае. Адыгэбзэм мы псалъэ къэхъукIэм мащIэущ узэрырихьэлIэр. Суффикс – е-м псалъэм отрицательнэ мыхьэнэ ирегъэгъуэт. Щапхъэ: уае «буря, плохая погода» фае «бесцветный, бледный, неяркий». Адыгэбзэм суффикс – е- р щыIэцIэ е-м хуокIуэ.
8 февраля, 2022 - 06:00
Урысей щIэныгъэм и махуэщ. 1724 гъэм Пётр Езанэм Iэ щIидзащ Петербург ЩIэныгъэхэмкIэ и академиер къызэгъэпэщыным теухуа унафэм. Иджыпсту ар РАН-рщ.
Урысейм и дзэ топографым и махуэщ
Словением щагъэлъапIэ я щэнхабзэм и махуэр
Иракым и революцэм и махуэщ
1725 гъэм дунейм ехыжащ Урысейм и япэ император Пётр Езанэр.
1819 гъэм Санкт-Петербург университет къыщызэгъэпэщыным теухуа унафэр къащтащ.
7 февраля, 2022 - 11:58
♦Тэтэрстан Республикэм и Гербым и махуэщ
♦Гренадэм и лъэпкъ махуэшхуэщ – щхьэхуит зэрыхъуар (1974 гъэм) егъэлъапIэ
♦1795 гъэм Хаджибей кхъухь тедзапIэм и цIэр Одессэу зэрахъуэкIащ.
♦1893 гъэм США-м щыщ инженер Крей Алан мафIэсыр зэрагъэункIыфI Iэмэпсымэ къызэригупсысам щыхьэт техъуэ дэфтэр иратащ.
♦1965 гъэм США-м щыщ боксёр цIэрыIуэ Клей Кассиус муслъымэн диныр къищтащ, иджыпсту дуней псом къызэрыщацIыху Мохаммед Али цIэри къыфIащауэ щытащ.
4 февраля, 2022 - 13:35
Нобэ
♦Лышх узыфэм пэщIэтыным и дунейпсо махуэщ
♦Японием щагъэлъапIэ илъэсыщIэр къыщихьэ махуэр - Гъатхэм и махуэр
♦1719 гъэм Пётр Езанэм Iэ щIидзащ Урысейм щыпсэухэр бжыным теухуа унафэм. Нэхъапэм апхуэдэ лэжьыгъэ къэралым щрагъэкIуэкIатэкъым.
4 февраля, 2022 - 10:00
Ижь-ижьыж лъандэрэ Кавказ щIыналъэм щыпсэу лъэпкъхэм ящыщ зыщ адыгэхэр. Абыхэм я тхыдэмрэ хабзэмрэ я лъабжьэр къызэрежьэрэ илъэс мин куэд мэхъу, зэман блэкIа куэдым я нэпкъыжьэ телъщ. Ар уи фIэщ хъун щхьэкIэ ирикъунщ адыгэбзэм и къулеягъыр, абы хэт фIэщыгъэцIэхэм я къэхъукIэм, къэгъэщIыкIэм и гъэщIэгъуэнагъыр. Ещхьыркъабзэщ адыгэ хабзэм цIыхум я зэхущытыкIэр зэрызэригъакIуэри, къэзыухъуреихь дунейм сакърэ щысхьрэ хэлъу бгъэдыхьэу зэрыщытари.
Страницы
|