Ди щIалэхэм медалибл къахьВладикавказ къалэм и «Манеж» спорт уардэунэм иджыблагъэ щекIуэкIащ Урысейм бэнэкIэ хуитымкIэ пашэныгъэр къыщыхьным хуэунэтIа зэхьэзэхуэ. Абы щызэпеуащ къэралым и щIыналъэ 16-м я бэнакIуэу 300-м щIигъу, я ныбжькIэ илъэс 16-м щIимыгъуахэр. Къэбэрдей-Балъкъэрым и командэм зэхьэзэхуэм медалибл къыщихьащ. Я хьэлъагъ елъытауэ зыхэта гупхэм япэ увыпIэхэр щаубыдащ Бакъей Темболэтрэ (кг 38-рэ) Елмэс Къантемыррэ (кг 68-рэ). Дыжьын медалхэр къахьащ СантIыкъ Мусэ (кг 52-рэ), УнэлIокъуэ Сэлим (кг 68-рэ), Мусэ Амир (кг 100) сымэ. Хасауов Сэлихьрэ (кг 68-рэ) БжэныкIэ Тимуррэ (кг 75-рэ) ещанэ хъуащ. Иджы екIуэкIа зэпеуэр Урысейм и ныбжьыщIэ командэм хагъэхьэнухэр къызэрыхах зэхьэзэхуэу щытащ. НАУРЫЗЫКЪУЭ Ислъам.
Поделиться:
Читать также:
02.05.2024 - 16:33 →
Гуп зэпеуэм щыяпэщ
02.05.2024 - 14:21 →
Медаль тIощIрэ бгъурэ
02.05.2024 - 14:15 →
Дыщи домбеякъи къахь
29.04.2024 - 12:26 →
Дызэрыпагэ гъуащхьэтет
25.04.2024 - 17:30 →
Олимп чемпионыр ящыгъупщэркъым
|