Хэхыныгъэхэр мы дакъикъэм ирихьэлIэу

Тэрч районым хыхьэ Къаншыуей (Курп Ищхъэрэ) къуажэми мы дакъикъэхэм УФ-м и президент хэхыныгъэхэр жыджэру щокlуэкl.

Щэнхабзэмкlэ унэм къыщызэlуаха хэхыпlэ 268-нэм махуэ ещанэ хъуауэ цlыхухэр нэжэгужэу йокlуалlэ, къэралым и къэкlуэныр зыунэтlынум папщlэ lэ яlэтыну. Жылэдэсым папщlэ пшыхь дахи зэхашащ щэнхабзэм и лэжьакlуэхэм. Къуажэм, щlыналъэм, ди хэкушхуэм теухуа уэрэдхэр ягъэзащlэ Унэжхэ Артуррэ Светланэрэ, Кхъуэхъужь Тимур, щlалэщlэ цlыкlу Хъалил Имран сымэ.

Къуажэдэсым адыгэ джэгуи хузэхашэри, я нэгу зрагъэужь. Iэ щаlэт щlыпlэм и хэхакlуэ комиссэм и унафэщl Щомахуэ Олег къызэрыджиlамкlэ, жылэдэсым фlыуэ къагуроlуэ я пщэдейр езыхэм зэрелъытар икlи жыджэру хэхыпlэм нэхъыжьхэри щlалэгъуалэри къызэрыкlуэнум хущlокъу.

Къуажэм и хэхакlуэхэр цlыху 873-рэ мэхъу. Мы хэхыпlэм и комиссэр цlыхуихыу зэхэтщ: Щомахуэ Олег гупым и унафэщlщ, абы и къуэдзэщ Хъурсин Анзор, секретарыр Хъурсин Фатlимэщ, апхуэдэуи комиссэм хэтхэщ Унэж Артур, Ахъсор Заремэ, Кlэмпlарэ Марьянэ сымэ. Ахэр зыхузэфlэмыкlхэм я унэхэми екlуалlэурэ lэ трагъэгъэдзащ. Япэ махуэм цlыху 49-м я деж щыlащ, етlуанэм - 61-м.