Гулъытэ хэха ягъуэтЦIыхухэм я псэукIэр егъэфIэкIуэным ехьэлIауэ къэралым щылажьэ «Къуажэхэм сыт и лъэныкъуэкIи зегъэужьын» лъэпкъ пэхуэщIэм ипкъ иткIэ федеральнэ, щIыналъэ бюджетхэм къахэкIыу Къэбэрдей-Балъкъэрым сом мелард 1,55-рэ къыхуаутIыпщащ иужьрей илъэситхум къриубыдэу. Апхуэдэ дэIэпыкъуныгъэхэм я фIыгъэкIэ, а лъэхъэнэм ди республикэм лэжьыгъэшхуэ щызэфIагъэкIащ. Псалъэм къыдэкIуэу, фельдшер-акушер пункту тIу, спорт ухуэныгъэу псори зэхэту метр зэбгъузэнатIэу мини 2,5-рэ яубыду яухуащ, псы къабзэ зрикIуэ бжьамийуэ, псори зэхэту километр 25,5-рэ хъууэ, яукъуэдиящ, газыр зэрыкIуэ бжьамийуэ километри 8,8-рэ яшэщIащ. Абыхэм къадэкIуэу, иджырей уэздыгъэщIэхэм хуэдэхэмкIэ уэрамхэр къызэщIагъэнэхуащ, псы къагъэсэбэпахэр Iузыш бжьамийхэр далъхьащ, псы къабзэ къызэрыщIаш скважинэхэр яухуащ. ЩIэуэ яухуащ е къызыхуэтыншэу зэрагъэпэщыжащ спортым, щэнхабзэм, егъэджэныгъэм пыщIа ухуэныгъэхэр, къуажэхэм я транспорт инфраструктурэхэр ирагъэфIэкIуащ. «Къуажэхэм сыт и лъэныкъуэкIи зегъэужьын» лъэпкъ пэхуэщIэм ипкъ иткIэ республикэм щрагъэкIуэкIа лэжьыгъэхэм къызэщIаубыдащ Къэбэрдей-Балъкъэрым и щIыналъэ псори. Абы и унэтIакIуэу щытыр КъБР-м Мэкъумэш хозяйствэмкIэ и министерствэрщ.
БАТОКЪУЭ Алыдж.
Поделиться:
Читать также:
09.05.2024 - 12:07 →
Путин Владимир и къулыкъум пэрохьэ
08.05.2024 - 17:09 →
Хэт и дамэр нэхъ кIыхь?
08.05.2024 - 16:06 →
Зауэм и бынхэм гулъытэ хуащIу
08.05.2024 - 14:02 →
Радиом и махуэм теухуа телечэщанэ джэгу
08.05.2024 - 13:00 →
Зи пIалъэр икIахэр къуащэнукъым
|