И зэфIэкIыр интЮбилей КъБР-м щэнхабзэмкIэ щIыхь зиIэ и лэжьакIуэ, тхакIуэ, усакIуэ Къуэдзокъуэ Хьэсэн къызэралъхурэ иджыблагъэ илъэс 85-рэ ирикъуащ. 1935 гъэм мазаем и 18-м Бахъсэн щIыналъэм хыхьэ Дыгулыбгъуей къуажэм ар къыщалъхуащ. Налшык дэта школ-интернатыр къиуха нэужь, Москва щыIэ, Луначарскэм и цIэр зезыхьэ ГИТИС-м и актёр къудамэм щIэтIысхьащ. ЕджапIэр къиухыу къигъэзэжа нэужь, 1961-1962 гъэхэм Къэбэрдей-Балъкъэрым ЩэнхабзэмкIэ и министерствэм и инспектор нэхъыжьу щыIащ. Абы лэжьыгъэ зэхуэмыдэхэр щрихьэкIащ. Къэбэрдей драмтеатрым и артисту щытащ, нэхъ иужьыIуэкIэ журналист IэщIагъэми зритащ. Къуэдзокъуэ Хьэсэн щылэжьащ «Советская молодёжь» газетым и къудамэм и редактору, телевиденэми радиоми я редактору. А псоми я мызакъуэу, хузэфIэкIащ зэдзэкIакIуэуи зыкъигъэлъэгъуэну. Абы адыгэбзэм къригъэзэгъа тхыгъэхэм ящыщщ Шекспир и «Отелло»-р, Мольер и «Жорж Данден»-р, Лопе де Вега и «Овечий источник»-р, О,Нил и «Последняя Остановка»-р, нэгъуэщIхэри. ХамэбзэкIэ тхар адыгэбзэкIэ зэридзэкI къудейм къыщымынэу, Хьэсэн адыгэ тхакIуэхэм, усакIуэхэм я тхыгъэ щхьэхуэхэри урысыбзэм иригъэзэгъащ. Апхуэдэуи, Лермонтовым, Симоновым, Гамзатовым, Капутикян сымэ я усэхэри нэгъуэщI къэрал усакIуэхэм я тхыгъэхэри адыгэбзэкIэ Iэзэу абы зэридзэкIащ. Бахъсэн Бахъсэн уэрыжьыр псыхъуэм хуэфIу Псым и даущыр хьэуа къабзэм Iэпкълъэпкъыр дыгъэм къигъэплъауэ Къазмакъ мэзыпцIэу къекIэкIахэм Иджы гыныпсыр зыдэт псыхъуэр Бахъсэн, Бахъсэн, сабий гущапIэу, Иджы сыноплъри, дэрэжэгъуэ Шыпшэрыуанэ Зы гъащIэ Тхьэшхуэм уэ къуитати, Уэрэ сэрэ Мы уэрэдыр хэкIуэтауэ пхуэзусами, Бгым дыдэкIыу къехыжыпIэм дыкъэсами, Уэрэ сэрэ, Дыгулыбгъуей ЛIыгъэр зи къуэ пэжхэм ягъэбатэу Бахъсэн псыжьым и даущ макъ гуапэр Джэрмэншыч зэшитIыр зи хъумакIуэу, Джатэ Iэпщэм Iэгур щIижьыкIами, Къызбрун и пащхьэ уитIысхьауэ СэркIэ уодахэкIыр жылэ псоми,
Поделиться:
Читать также:
26.04.2024 - 15:42 →
Фэеплъ жыг хадэхэр ягъэтIысынущ
26.04.2024 - 15:23 →
«Шато Эркен» щызэхуос
26.04.2024 - 15:00 →
Унэхэр зыхуей хуагъазэ
26.04.2024 - 14:00 →
ЩIыпIэцIэхэр
26.04.2024 - 13:20 →
НОБЭ
|