Артист пажэр ягъэлъапIэДэрбзэр, дизайнер Сэралъп Мадинэ и Арт-центрым дыгъэгъазэм и 18-м щекIуэкIащ артист, режиссёр, журналист цIэрыIуэ Iусейн Олег и «Монолог актёра» пшыхьыр. Ар къызэригъэпэщащ «Горянка» газетым и редактор нэхъыщхьэ, цIыхубзхэм я «Жан» республикэ зэгухьэныгъэм и унафэщI, усакIуэ Къаныкъуэ Заринэ. Зэхыхьэр гуапэу, гукъинэжу екIуэкIащ. Пшыхьым къекIуэлIахэм Iусейн Олег и гъащIэмрэ гуащIэмрэ зэрахутепсэлъыхьар IэмалыфIт, цIыхубэм фIыуэ ялъагъу артистыр нэхъ гъунэгъуу зрагъэцIыхунымкIэ. УнэтIыныгъэ куэдым зэфIэкIхэр къыщызыгъэлъагъуэ щIалэр адыгэбзэкIи урысыбзэкIи къеджащ Шекспир Уильям и «Пащтыхь Лир» трагедием щыщ пычыгъуэхэм, дызэрыгушхуэ ди усакIуэ пажэхэм я Iэдакъэ къыщIэкIа, гупсысэ куурэ купщIэрэ зыхэлъ тхыгъэхэм. Абы къызэхуэсахэм захригъэщIащ анэдэлъхубзэм и дахагъэмрэ къабзагъэмрэ. Сурэтыр Къарей Элинэ трихащ.
Поделиться:
Читать также:
13.05.2024 - 17:30 →
ТекIуэныгъэ Иным траухуэ
10.05.2024 - 22:19 →
ЕджакIуэхэм зыкъагъэлъагъуэ
10.05.2024 - 12:36 →
Зэманым жьы хуэмыщI уэрэд
07.05.2024 - 17:46 →
Зи напэ емыплъу лъэбакъуэ зымыча
07.05.2024 - 12:25 →
КъардэнгъущI Зэрамыку игъэзащIэу щыта уэрэдыжьхэр зэхуэхьэсауэ
|