КIэрэф Тамерлан Дунейпсо Кубокыр къехь

20 декабря, 2021 - 14:45

Баталовэ Риммэ и цIэр зезыхьэу Уфа дэт Спортым зыхуэгъэхьэзырынымкIэ центрым щекIуэкIащ бэнэкIэхэмкIэ XVIII дунейпсо форум. ЛIэужьыгъуэ 15-м щыбэнащ Урысей Федерацэм и щIыналъэ 40-мрэ нэгъуэщI къэралхэмрэ щыщ спортсмен 2000-м щIигъу.
Зэпеуэм ехъулIэныгъэ щызыIэригъэхьащ Къэбэрдей-Балъкъэрым щыщ КIэрэф Тамерлан. Бгырыпх бэнэкIэмкIэ зэхьэзэхуэм щригъэкIуэкIа зэIущIиплIми щытекIуэри абы дыщэ медалыр къихьащ.
Иджыпсту Тамерлан Мэзкуу щопсэу икIи спортым щIыхь зиIэ и мастер Репинэ Анастасие и нэIэ щIэту зегъасэ. Илъэс блэкIам ди лъэпкъэгъум игъэзэщIащ Урысей Федерацэм дунейпсо класс зиIэ спортым и мастерым и мардэр.

Мэзкуу Къан.
  • 13 просмотров
Поделиться: