ДэIэпыкъуныгъэ ират

5 марта, 2022 - 06:30

ДНР-мрэ ЛНР-мрэ къикIыу Дон Iуфэ Iус Ростов къэкIуахэм Къэбэрдей-Балъкъэрым иджы етIуа­нэу защIегъакъуэ. КъБР-м и Iэтащхьэ КIуэ­кIуэ Казбек и унафэкIэ ягъэхьэзыращ ахэр нэхъ зы­хуеину хъункIэ хьэпшып, ерыскъы тонн 20.

«Ди машинэхэр апхуэдэ IуэхукIэ ежьа гупым хэувэнурэ цIыхухэр пIалъэкIэ къыщыувыIа Ростов кIуэнущ. 
Къэбэрдей-Балъкъэрым и цIыхухэм гумащIагъэ кIэлъызэрахьащ зи щхьэр мафIэм къыхэзыхахэм. ДяпэкIи дадэIэпыкъунущ Донецкрэ Луганскрэ къикIа цIыхухэм, - жиIащ КъБР-м и Прави­тельствэм и Уна­фэщIым и къуэдзэ Хъубий Марат.
НэхъапэкIэ республикэ унафэщIхэм, «Урысей зэ­къуэт» партыр я щIэгъэкъуэну, тонн 20 хурагъэшащ Дон Iус Ростов къыщызэтеувыIахэм. ДНР-мрэ ЛНР-мрэ щыщ цIыху 800 иджыри къригъэблэгъэным хуэ­хьэзырщ ди лъахэр.

КЪЭБАРТ Мирэ.
  • 31 просмотр
Поделиться: