НОБЭ

♦ЦIыху акъылыфIэхэм я дунейпсо махуэщ
♦Ливаным егъэджакIуэм и махуэр щагъэлъапIэ
♦1714 гъэм Пётр Езанэм къыдигъэкIащ къызэрыгуэкI сэлэту дзэм къулыкъу щызымыщIа лIакъуэлIэшхэм офицер цIэр фIамыщыным теухуа унафэ.
♦1959 гъэм тыкуэнхэм япэу къыщIалъхьащ иджы дуней псом цIэрыIуэ щыхъуа зэрыджэгу гуащэ цIыкIухэр – Барби зыфIащар. Ар зыщIа америкэ компанием лIэщIыгъуэ ныкъуэм къриубыдэу апхуэдэу мелардым щIигъу ищащ.
♦1918 гъэм нэгъуэщI къэралыдзэхэр Совет Урысейм къытеуащ.
♦1454 гъэм къалъхуащ Флоренцием щыщ хыдзэлI цIэрыIуэ, Америкэр зэрыщыIэр къэзыхута икIи зи цIэр а къэралыгъуэм зэрихьэ Веспуччи Америгэ.
♦1641 гъэм къалъхуащ урысей дзэ къулыкъущIэ, контр-адмирал Черкасский Михаил.
♦1814 гъэм къалъхуащ Украинэм щыщ усакIуэ, сурэтыщI Шевченкэ Тарас.
♦1890 гъэм къалъхуащ совет къэрал къулыкъущIэ, Социалист Лэжьыгъэм и ЛIыхъужь Молотов Вячеслав.
♦1934 гъэм къалъхуащ ЩIым и япэ космонавт, Совет Союзым и ЛIыхъужь Гагарин Юрий.
♦1934 гъэм къалъхуащ актёр цIэрыIуэ, режиссёр, СССР-м и цIыхубэ артист Волонтир Михай.
♦1940 гъэм къалъхуащ уэрэджыIакIуэ, актрисэ, РСФСР-м и цIыхубэ артисткэ Голубкинэ Ларисэ.
♦1943 гъэм къалъхуащ дунейм шахматхэмкIэ и чемпион Фишер Роберт Джеймс.
♦1946 гъэм къалъхуащ къэфакIуэ, КъБР-м щIыхь зиIэ и артисткэ Къарэжь Людмилэ.
♦1954 гъэм къалъхуащ СССР-ми Европэми стIолыщхьэ теннисымкIэ я чемпионкэ, КъБР-м физкультурэмрэ спортымкIэ щIыхь зиIэ и лэжьакIуэ Батыр ФатIимэ.
♦1956 гъэм къалъхуащ къэрал лэжьакIуэ, КъБР-м и Парламентым и УнафэщI Егоровэ Татьянэ.
♦1961 гъэм къалъхуащ балетмейстер, КъБР-м щэнхабзэмкIэ щIыхь зиIэ и лэжьакIуэ Тхьэмокъуэ Мартин.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ, къешх-къесу щыщытынущ. Махуэм хуабэр I градус, жэщым щIыIэр I градус щыхъунущ.
Лъэпкъ Iущыгъэ:
Акъылыр ящэркъым, къащэхуркъым - зыхалъхьэ.