Дунейм щыхъыбархэр

Нобэ
Жьэжьейм и дунейпсо махуэщ
Урысей Федерацэм и Архивхэм я лэжьакIуэхэм я махуэщ
Азербайджаным и лъэпкъ театрым и махуэщ
Адыгэ Республикэм и Конституцэм и махуэщ
Корее Республикэм щагъэлъапIэ лэжьыгъэм и махуэр
1710 гъэм къыдэкIащ урысыбзэкIэ географиер зэрырагъэдж, зэрыбкIэ тедза япэ тхылъыр, «География, или краткое земного мира описание» жыхуиIэр.
1806 гъэм император Александр Езанэм и унафэкIэ Москва Кремлым и музей къызэрагъэпэщащ.
1905 гъэм Лондон (Инджылыз) къыщызэрагъэпэщащ «Челси» футбол командэр. Иджыпсту ар дунейм щынэхъ цIэрыIуэ дыдэ гупхэм хабжэ.
1910 гъэм Китайм къыщыдэкIащ цIыхур ягъэпщылIыныр зымыдэ унафэ.
1931 гъэм Печорэ псым и Iуфэм деж Белощелье зыфIаща жылэр (иджы ар Нарьян-Мар къалэрщ) щагъэтIысащ. 1977 гъэм къыщыщIэдзауэ ар Ненецкэ автономнэ округым и къалащхьэщ.
1945 гъэм ЦIыхубзхэм я Дунейпсо Демократие Федерацэр (МДФЖ) къэунэхуащ.
1845 гъэм къалъхуащ урысей император Романов Александр III (1881 – 1894 гъэхэм къэрал унафэр IэщIэлъащ).
1926 гъэм къалъхуащ совет композитор, фильм куэдым макъамэхэр яхуэзытха, УФ-м и цIыхубэ артист Зацепин Александр. Аращ зытхар «Бриллиантовая рука», «Кавказская пленница» фильм цIэрыIуэхэм, нэгъуэщIхэми хэт уэрэдхэм я макъамэхэр.
1929 гъэм къалъхуащ КъБР-м щIыхь зиIэ и нартыхугъэкI, Социалист Лэжьыгъэм и ЛIыхъужь Емышэ Хьэлий.
1936 гъэм къалъхуащ Швейцарием щыщ спорт къулыкъущIэ, ФутболымкIэ Дунейпсо Федерацэм и унафэщIу щыта Блаттер Йозеф.
1939 гъэм къалъхуащ «Адыгэ шхыныгъуэхэр» тхылъыр къыдэзыгъэкIа, лъэпкъ ерыскъы зэмылIэужьыгъуэхэр гурыхьу зыгъэхьэзыр инженер-технолог Къубатий Борис.
1940 гъэм къалъхуащ США-м щыщ киноактёр цIэрыIуэ Норрис Чак.
1944 гъэм къалъхуащ сурэтыщI Къудей МэчрэIил.
1946 гъэм къалъхуащ совет актёр, Белоруссием и цIыхубэ артист, Урысейм щIыхь зиIэ и артист, СССР-м, УФ-м я Къэрал саугъэтхэр зрата Гостюхин Владимир.
1951 гъэм къалъхуащ опернэ уэрэджыIакIуэ, КъБР-м и цIыхубэ артисткэ Бесчокъуэ Майе.
1952 гъэм къалъхуащ Адыгэ Республикэм щIыхь зиIэ и журналисткэ Сихъу Гуэщнагъуэ.
Дунейм и щытыкIэнур
«pogoda.yandex.ru» сайтым зэритымкIэ, Налшык уфауэ, къешх-къесу щыщытынущ. Махуэм хуабэр I градус, жэщым щIыIэр I градус щыхъунущ.
Лъэпкъ Iущыгъэ:
Хабзэр убзэ зыфIэщIым хуэпщIэнум и ныкъуэр къегъанэ.