Дунейм щыхъыбархэрНобэ ♦Жейм и дунейпсо махуэщ ♦Кърымыр Урысейм къыщыхыхьэжа махуэщ. 2014 гъэм Iэ традзащ Кърым Республикэмрэ Севастополь къалэмрэ Урысей Федерацэм къыхэгъэхьэжыным теухуа зэгурыIуэныгъэм. ♦Белоруссием и къэрал кIуэцI дзэхэм я махуэщ ♦Тыркум ягу къыщагъэкIыж Чанаккъалэ деж 1915 гъэм щекIуэкIа зауэм хэкIуэда я зауэлIхэр ♦1662 гъэм дунейм щыяпэу Париж лэжьэн щыщIидзащ жылагъуэ транспортым, «омнибус»-кIэ зэджэм. Ар цIыхуи 8 зэуэ зэрыхуэ, щхьэ зытелъ, къэуфыхьа шыгу зэщIэщIат. ♦1871 гъэм Франджым Париж коммунэр къыщызэрагъэпэщащ. ♦1892 гъэм США-мрэ Канадэмрэ я хоккей командэ нэхъыфIхэм хуагъэфащэ саугъэтыр - Стэнли и Кубокыр - ягъэуващ. ♦1913 гъэм Налшык къыщызэIуахащ округым и лъэпкъхэм я I съездыр. ♦1931 гъэм США-м къыщыщIагъэкIыу щIадзащ электрокъарукIэ лажьэ жьакIэупсыр. ♦1965 гъэм СССР-м и летчик-космонавт Леонов Алексей «Восход-2» кхъухьым икIри, хьэрш зэIухам япэ дыдэу хыхьащ. ♦1980 гъэм «Восход-2М» ракетэр Плесецк космодромым щаутIыпщыным щыхуагъэхьэзырым къэуащ, абы мафIэсышхуи къишащ. А насыпыншагъэм цIыху 48-рэ хэкIуэдащ, 40-м щIигъум фэбжьышхуэхэр хахащ. ♦1844 гъэм къалъхуащ урыс композитор цIэрыIуэ, дирижёр, жылагъуэ лэжьакIуэ Римский-Корсаков Николай. ♦1869 гъэм къалъхуащ инджылыз политик, Инджылызым и премьер- миистру щыта Чемберлен Невилл. ♦1908 гъэм къалъхуащ совет дзэ къулыкъущIэ Сталин Яков. ♦1930 гъэм къалъхуащ филологие щIэныгъэхэм я доктор, КъШКъУ-м и профессору щыта, КъБР-м, КъШР-м, АР-м щIэныгъэхэмкIэ щIыхь зиIэ я лэжьакIуэ, ЩIДАА-м и академик, «Хэкум и пащхьэм щиIэ фIыщIэхэм папщIэ» орденым и 4-нэ, 3-нэ нагъыщэхэр зыхуагъэфэща Хъупсырокъуэ Хъызыр. ♦1932 гъэм къалъхуащ КъБР-м и цIыхубэ тхакIуэ ШэджыхьэщIэ Хьэмыщэ. ♦1949 гъэм къалъхуащ совет кинорежиссёр, «Ералаш» сабий киножурналыр къызэзыгъэпэща икIи абы и унафэщIу щыта, УФ-м гъуазджэхэмкIэ щIыхь зиIэ и лэжьакIуэ, ЩIыхь, Зэныбжьэгъугъэ орденхэр зыхуагъэфэща Грачевский Борис. ♦1958 гъэм къалъхуащ къэрал, жылагъуэ лэжьакIуэ, полковник, АР-м и Адыгэ Хасэм и тхьэмадэ, «Адыгейм и ЩIыхь» медалыр зрата ЛIымыщэкъуэ Рэмэзан. ♦1980 гъэм къалъхуащ урысей фигурист, Олимп чемпион, дунейм плIэнейрэ и чемпион хъуа, Европэ чемпионатым щэнейрэ щытекIуа, Урысейм спортымкIэ щIыхь зиIэ и мастер Ягудин Алексей. Дунейм и щытыкIэнур «pogoda.yandex.ru» сайтым зэритымкIэ, Налшык уэфIу щыщытынущ. Хуабэр махуэм градус 17 - 20, жэщым градуси 8 - 11 щыхъунущ. Лъэпкъ Iущыгъэ: Дэтхэнэ зы Iуэхутхьэбзэми бзыпхъэ иIэщ.
Поделиться:
Читать также:
27.04.2024 - 09:56 →
НОБЭ
25.04.2024 - 09:00 →
НОБЭ
24.04.2024 - 13:21 →
ЩIым и махуэ
24.04.2024 - 11:43 →
НОБЭ
23.04.2024 - 09:45 →
НОБЭ
|