Къэбэрдей-Балъкъэр Республикэм и Iэтащхьэ КIуэкIуэ Казбек IутIыж махуэмкIэ ехъуэхъуащ чыристан диныр зезыхьэ ди лъахэгъухэм:
«ПщIэ зыхуэсщI ди лъахэгъухэ!
Си гуапэу сынывохъуэхъу IутIыжым (Пасхэм) и махуэмкIэ. Зефхьэ диным къызэригъэув хабзэм тету ефхьэкIа НэщI иным ипкъ иткIэ фшэча щыщIэныгъэхэр зэриухам щыхьэт техъуэ а махуэм мыхьэнэшхуэ иIэщ, дауи. Ар гъэлъэпIэным цIыхухэм ирапх псэкупсэ къэщIэрэщIыжыныгъэр, благъэхэм-рэ Iыхьлыхэмрэ цIыхум яхуиIэ гуапагъэр, шыIэныгъэр, зэхэщIыкIыр, гущIэгъур. Махуэшхуэм унагъуэхэм ирехьэ гукъыдэжыщIэхэмрэ гъащIэм епха гугъэщIэхэмрэ, узэкъуегъэувэ икIи цIыхум уифI егъэкIыным, IуэхуфIхэр лэжьыным ухуегъэуш.
IутIыж махуэшхуэм иджыри зэ уигу къегъэкIыж лъэпкъ хабзэхэм сакъыу уахущытын зэрыхуейр. Апхуэдэу ар иджыри зы IэмалыфIщ, ди республикэмрэ къэралымрэ щыпсэу лъэпкъхэр зэкъуэгъэувэнымкIэ, благъэхэмрэ Iыхьлыхэмрэ гукъыдэжрэ дэрэжэгъуэкIэ уадэгуэшэнымкIэ, Урысей Федерацэр къэ-рал лъэщ икIи къарууфIэ зыщI псэкупсэ гупсысэ лъагэхэр, лъэпкъхэм къыддекIуэкI лъапIэныгъэхэр зи купщIэ нэхъыщхьэ махуэшхуэхэм ящыщ хъууэ.
Махуэшхуэ хъуэхъум хэхауэ къыхэзгъэщыну сыхуейщ Урыс Православнэ Члисэм жылагъуэр зэкъуэгъэувэнымкIэ, дин, лъэпкъ фIыгъуэхэр хъумэнымкIэ, ахэр мамырыгъэмрэ зэгурыIуэныгъэмрэ я лъабжьэ быдэ щIынымкIэ лэжьыгъэшхуэ зэрызэфIигъэ- кIыр.
Сигуми си псэми къабгъэдэкIыу Къэбэрдей-Балъкъэрым и цIыху псоми сохъуэхъу узыншагъэ быдэ яIэну, заузэщIыну, дэтхэнэ унагъуэми насыпрэ зэпэщыныгъэрэ илъыну».