Нобэ

Электросвязымрэ хъыбарегъащIэ зэгухьэныгъэмрэ я дунейпсо махуэщ. 1865 гъэм къызэрагъэпэщащ Электросвязым и дунейпсо зэгухьэныгъэр.

Гу узыфэхэм ебэныным и дунейпсо махуэщ
Аргентинэм и Дзэ-тенджыз флотым и махуэщ
Норвегие пащтыхьыгъуэм и лъэпкъ махуэшхуэщ – я Конституцэм и махуэщ
I727 гъэм Урысейм и пащтыхь тахътэр къылъысащ илъэс 11 фIэкIа мыхъуа Пётр ЕтIуанэм, Пётр Езанэм и къуэрылъхум.
1801 гъэм Санкт-Петербург къыщызэIуахащ дзэзешэ цIэрыIуэ Суворов Александр и фэеплъ.
1861 гъэм дунейм щыяпэу ягъэлъэгъуащ щхъуэкIэплъыкIэу траха сурэтыр. 
1916 гъэм Инджылызыр дунейм щыяпэу гъэмахуэ зэманым техьауэ щытащ.
1928 гъэм Нидерландхэм я къалащхьэ Амстердам къыщызэIуахащ IХ гъэмахуэ Олимп джэгухэр. Ахэр екIуэкIащ накъыгъэм и 17 – шыщхьэуIум и 12-хэм къриубыдэу.
1944 гъэм Кърым АССР-р щымыIэж ящIащ. Кърымым щыпсэу тэтэр мин 200-м нэс щалъхуа щIыпIэхэм ирашри, Курыт Азием, Урал ЩIыбым, Поволжье Ипщэм ягъэIэпхъуауэ щытащ. 
1848 гъэм къалъхуащ Адыгейм щыщ тхыдэдж, узэщIакIуэ Хьэджымыкъуэ Темтэч.
1904 гъэм къалъхуащ дуней псом щыцIэрыIуэ франджы актёр Габен Жан.
1917 гъэм къалъхуащ Къэбэрдей къэрал драмэ театрым и утыкур илъэс куэдкIэ зыгъэбжьыфIа, Урысей Федерацэм и цIыхубэ артисткэ ДыщэкI КIунэ.
1946 гъэм къалъхуащ урысей политик, «Демократием и телъхьэ Урысей» зэщIэхъееныгъэм и пашэу щыта Старовойтовэ Галинэ.
1959 гъэм къалъхуащ Къэзахъстаным и президент Токаев Касым-Жомарт. 

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 16 – 17, жэщым градус 11 - 12 щыхъунущ.

Лъэпкъ Iущыгъэ:
НэгъуэщIым пэбгъэтIылъа мывэм ущигъэлъэпэрэпэж къохъу.