Дунейм щыхъыбархэрНобэ ♦Мамыру зэдекIуэкIыным и дунейпсо махуэщ ♦Нэхум и дунейпсо махуэщ ♦Ставрополь крайм и махуэщ ♦Биографхэм я махуэщ ♦1744 гъэм Урысейм и пащтыхь гуащэ Елизаветэ Пётр и пхъум Iэ щIидзащ цIыхум и хьэкумыр укIкIэ ящIэну зэрыхуимытым теухуа унафэм. ♦1768 гъэм Урысейм и пащтыхь гуащэ Екатеринэ ЕтIуанэм унафэ ищIащ Пётр Езанэм фэеплъ хуэщIыным теухуауэ. Ар иджы «Гъуаплъэм къыхэщIыкIа шууей» фэеплъу Санкт-Петербург дэтырщ. ♦1863 гъэм Одессэ гъущI гъуэгу ухуэн щыщIадзащ. ♦1881 гъэм Германием и къалащхьэ Берлин дунейм щыяпэу щаутIыпщащ трамвай зрикIуэ гъущI гъуэгур. ♦1924 гъэм СССР-м къыщыдэкIащ «Мурзилка» сабий журналым и япэ номерыр. ♦1929 гъэм США-м япэ дыдэу щекIуэкIащ «Оскар» саугъэтыр зыхуагъэфэщахэм етыжыным теухуа гуфIэгъуэ дауэдапщэхэр. ♦1954 гъэм Налшык къыщызэIуахащ украин тхакIуэ Вовчок Марко и фэеплъ. ♦1960 гъэм Америкэм щыщ физик Мейман Теодор дунейм щыяпэу лазер ищIащ. ♦1985 гъэм СССР-м щыщIидзащ цIыхухэр фадэм пэIэщIэ щIыным хуэунэтIа Iуэхухэм. ♦1808 гъэм къалъхуащ адыгэ тхыдэдж, этнограф, тхакIуэ Хъан-Джэрий СулътIан. ♦1841 гъэм къалъхуащ адыгэ узэщIакIуэ, щIэныгъэлI ХьэтIохъущокъуэ Къазий. ♦1910 гъэм къалъхуащ совет усакIуэ, тхакIуэ Берггольц Ольгэ. ♦1917 гъэм къалъхуащ КъБР-м щIыхь зиIэ и артисткэ Щхьэгъэпсо Таужан. ♦1955 гъэм къалъхуащ совет гимнасткэ, Олимп джэгухэм плIэнейрэ я чемпионкэ, гъэсакIуэ Корбут Ольгэ. ♦1957 гъэм къалъхуащ къэрал лэжьакIуэ, экономикэ щIэныгъэхэмкIэ доктор, РАЕН-м и академик, КъБР-м щIыхь зиIэ и экономист Къалэ Замир. ♦1961 гъэм къалъхуащ уэчыл, КъБР-м щIыхь зиIэ и юрист Бэрокъуэ Хьэсэн-Алий. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 15 - 16, жэщым градус 11 - 12 щыхъунущ. Лъэпкъ Iущыгъэ: Мыщэ жея къыумыгъэуш, лIы мышынэ умыгъэгубжь.
Поделиться:
Читать также:
24.04.2024 - 13:21 →
ЩIым и махуэ
24.04.2024 - 11:43 →
НОБЭ
23.04.2024 - 09:45 →
НОБЭ
22.04.2024 - 15:50 →
НОБЭ
19.04.2024 - 16:23 →
НОБЭ
|