Дунейм щыхъыбархэрНобэ Тропик мэзхэр хъумэным и дунейпсо махуэщ Дунай псым и махуэщ Урысей Федерацэм щагъэлъапIэ партизанхэмрэ тылым щэхуу щылэжьахэмрэ я махуэр УФ-м и кхъухьухуэхэм я махуэщ 1776 гъэм иджырей Сан-Францискэ (США) къалэр зыхуэзэ щIыпIэ нэщIыр псэупIэ ящIауэ щытащ испанхэм. 1855 гъэм Лондон къыщыдэкIащ «Дейли Телеграф» газетым и япэ номерыр. 1900 гъэм Одессэ щэхуу щекIуэкIащ студентхэм я урысейпсо съезд. 1916 гъэм уэгум япэу ихьащ «Боинг» компанием и кхъухьлъатэр. 1940 гъэм Луначарскэм и цIэр зезыхьэ Театральнэ институтым и адыгэ студиер къаухащ Къэбэрдей къэрал драмэ театрым и актёр хъунухэм. 1958 гъэм Бразилиер футболымкIэ дунейпсо чемпион япэу хъуащ. Псори зэхэту ар дунейм и чемпион тхуэнейрэ хъуащ. Дунейм апхуэдэ ехъулIэныгъэ къыщызыхьыфар а къэралым и футболистхэм я закъуэщ. 1957 гъэм КПСС-м и ЦК-м и Пленумым унафэ къыщащтащ партым и бийуэ къалъыта гупыр – Молотовыр, Маленковыр, Кагановичыр, нэгъуэщIхэри - я къулыкъум тегъэкIыным теухуауэ. Къуаншагъэу абыхэм ялэжьар Хрущёв Никитэ и Iуэху еплъыкIэр дамыIыгъыу къызэрыуварт. 1964 гъэм къагупсысащ цIыхур къэмытэджу телевизорыр езыр зыхуей каналым зэрытриухуэ Iэмэпсымэр - пультыр. 1976 гъэм Сейшелы хытIыгухэр къэрал щхьэхуит хъуащ. 1984 гъэм Минск метром и япэ Iыхьэр лажьэу яутIыпщащ. 1995 гъэм Москва и къалэ Думэм къэралым и щыхьэрым и уставыр къищтащ. 2010 гъэм УФ-м и Суд нэхъыщхьэм унафэ къищтащ «Славянский союз» жылагъуэ-политикэ зэгухьэныгъэр лэжьэну хуит зэримыщIым теухуа унафэр. И щхьэусыгъуэр – абы экстремист мурадхэр зэриIэрщ. 1900 гъэм къалъхуащ франджы тхакIуэ, кхъухьлъатэзехуэ Антуан де Сент-Экзюпери. 1947 гъэм къалъхуащ КъБР-м щIыхь зиIэ и артист Балъкъэр Юрий. 1957 гъэм къалъхуащ Тыркумэным и президент Бердымухамедов Гурбангулы. 1964 гъэм къалъхуащ урысей актрисэ, УФ-м щIыхь зиIэ и артисткэ Машная Ольгэ. Дунейм и щытыкIэнур «pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 22 – 23-рэ, жэщым градус I6 - I7 щыхъунущ. Лъэпкъ Iущыгъэ: Гъыным гъын къешэ, нэпсым нэпс къелъху.
Поделиться:
Читать также:
29.03.2024 - 12:46 →
НОБЭ
27.03.2024 - 15:00 →
НОБЭ
26.03.2024 - 08:01 →
НОБЭ
25.03.2024 - 12:10 →
Пащтыхьхэм я хэкIыпIэхэр
25.03.2024 - 12:07 →
НОБЭ
|