Дунейм щыхъыбархэр

НОБЭ

Тхылъ фIыуэ зылъагъухэм я дунейпсо махуэщ

Щалъхуа щIыналъэ щыпсэуж лъэпкъхэм я дунейпсо махуэщ

Урысейм и дзэ щIыхьым и махуэщ - Пётр Езанэм и унафэм щIэту урыс флотыр 1714 гъэм шведхэм Гангут щIыхьэбзыпэм деж щатекIуащ.

Болгарием и Дзэ-тенджыз флотым и махуэщ

Канадэм щагъэлъапIэ мамырщIэкъухэм я махуэр

США-м и мэзхэр мафIэсым щыхъумэным и лъэпкъ махуэщ

Японием ягу къыщагъэкIыж Нагасаки къалэм къыщыхъуа гузэвэгъуэм хэкIуэдахэр. 1945 гъэм Японием и Нагасаки къалэм США-м и кхъухьлъатэм атомнэ бомбэ щридзыхащ. ЦIыху мин 74-рэ хэкIуэдауэ, къалэм щыщ Iыхьэшхуи зэтракъутауэ щытащ абы щыгъуэ.

1173 гъэм Пиза къалэм (Италие) ухуэн щыщIадзащ чэщанэ. Ар дуней псом цIэрыIуэ щызыщIар лъэныкъукэкIэ ещIауэ зэрыщытырщ. 1173 - 1250 гъэхэм ищхъэрэкIэ, 1272 - 1997 гъэхэм ипщэкIэ ещIауэ щытщ. А чэщанэр дунейм и хъугъуэфIыгъуэхэм яхибжащ ЮНЕСКО-м.

1859 гъэм Америкэм щыщ Эймс Натан эскалатор къызэригупсысам щыхьэт техъуэ тхылъ къратащ.

1940 гъэм Берлин - Багдад гъущI гъуэгур ухуэн яухащ.

1942 гъэм блокадэм ит Ленинград къалэм щагъэзэщIат Шостакович Дмитрий и «Ебланэ симфониер».

1945 гъэм СССР-м Японием зауэ ирищIылIащ, и дзэхэр Маньчжурием иришэри.

1965 гъэм Сингапурыр Малайзием къыхэкIри, къэрал щхьэхуэ хъуащ.

1990 гъэм Карельскэ АССР-м и къэрал суверенитетым теухуа унафэр къащтащ. 1991 гъэм къыщыщIэдзауэ ар УФ-м щыщ Карелие Республикэщ.

1990 гъэм «Эхо Москвы» радиостанцым лэжьэн щIидзащ.

1992 гъэм Барселонэ (Испание) щызэхуащIыжащ ХХV гъэмахуэ Олимп джэгухэр.

1828 гъэм къалъхуащ Кавказым и археолог, археограф Берже Адольф.

1930 гъэм къалъхуащ уэрэджыIакIуэ, СССР-м и цIыхубэ артист Гуляев Юрий.

1930 гъэм къалъхуащ совет журналист цIэрыIуэ, тхакIуэ, политолог, 1991 – 1997 гъэхэм ди къэралым и лIыкIуэу Израилым щыIа Бовин Александр.

1938 гъэм къалъхуащ политик, 1994 - 2005 гъэхэм Украинэм и президенту щыта Кучмэ Леонид.

1963 гъэм къалъхуащ США-м щыщ уэрэджыIакIуэ, актрисэ Хьюстон Уитни.

Дунейм и щытыкIэнур

«pogoda.yandex.ru» сайтым зэритымкIэ, Налшык пшэр техьэ-текIыу щыщытынущ. Хуабэр махуэм градус 27 - 28-рэ, жэщым градус 18 - 19 щыхъунущ.

Лъэпкъ Iущыгъэ:

ЛIы псори лIыкъыми, фыз псори фызкъым.