Таурыхъым и дунейКъэбэрдей-Балъкъэрым и Лъэпкъ музейм щIэх-щIэхыурэ утыку къыщрахьэ гъэлъэгъуэныгъэ гъэщIэгъуэнхэр. Ставрополь къалэм щылажьэ «Квадрат» IуэхущIапIэм къиша «Волшебная кисть Елизаветы Бём» гъэлъэгъуэныгъэр КъБР-м ЩэнхабзэмкIэ и министерствэмрэ Лъэпкъ музеймрэ я нэIэм щIэту йокIуэкI. Абы щагъэлъагъуэ XIX-нэ лIэщIыгъуэм и кIэм - XX-нэ лIэщIыгъуэм и пэм ящIа лэжьыгъэхэр – винтаж открыткэхэр, а зэманым Санкт-Петербург, Париж, Нью-Йорк къыщыдэкIа тхылъхэр зэрагъэщIэрэщIа сурэтхэр; 1883 гъэм дунейм къытехьа «Бём Елизаветэ и IэдакъэщIэкI ныбжьхэм Тургенев И. С. и «Записки охотника» тхыгъэр къызэрыхэщыр» тхылъ-альбомыр; почтэкIэ зыIэпамых открыткэхэр, Бём игури и псэри етауэ зэлэжьыгъа «Азбука» цIэрыIуэр. Хьэрф къэсыху гъэщIэгъуэну, урыс жыпхъэм иту, гъэщIэрэщIащ, тхыгъэ цIыкIу ящIыгъущ. Гъэлъэгъуэныгъэм къызэщIеубыдэ теплъэгъуэ зэмылIэужьыгъуэу 90, ахэр псори Кругов В. Н. и уней гъэтIылъыгъэм щыщщ. Налшыкдэсхэмрэ абы и хьэщIэхэмрэ зэрагъэлъэгъуфыну лэжьыгъэхэм ухашэ урыс лъэпкъ щэнхабзэм и таурыхъ дунейм.
Поделиться:
Читать также:
23.04.2024 - 18:33 →
«Дыщэ джыдэ цIыкIур» зыхуагъэфэщахэри яхэту
18.04.2024 - 14:05 →
ГъэсакIуэ цIэрыIуэр ящыгъупщэркъым
18.04.2024 - 12:26 →
АдыгэбзэкIэ ятхам адыгэбзэкIэ тепсэлъыхьу
18.04.2024 - 11:18 →
ЦIыхубэр зэрыгушхуэ
17.04.2024 - 11:56 →
Щамырзэ Моникэ и гъащIэмрэ лэжьыгъэмрэ
|