«Таврида. АРТ»-м Налшык щыщ пщащэ хэтынущ

ШыщхьэуIум и 15-19-хэм  Кърым щекIуэкIынущ  «Таврида. АРТ» фIэщыгъэм щIэт фестиваль гъэщIэгъуэн.  Абы щызэхуашэсынущ  модэм, джазым, уэрам  театрым, иджырей гъуазджэм я лэжьакIуэхэмрэ КВН гупхэм я лIыкIуэхэмрэ.

 КъызэгъэпэщакIуэхэм зэрыжаIэмкIэ,  а зэхыхьэм нэхъ Iуэху ину щрагъэкIуэкIынухэм ящыщщ иджырей гъуазджэм и фестивалыр. Абы хэту    щIыбым гъэлъэгъуэныгъэхэр щащIынущ, галерея къыщызэIуахынущ.

  НыбжьыщIэхэм я сурэтхэм  я гъусэу утыку кърахьэнущ   къэралым     щыцIэрыIуэ сурэтыщIхэу Филиппов Андрей, Звездочётов Константин, Гундлах Свен сымэ я IэдакъэщIэкIхэри.  

Къэбэрдей-Балъкъэрым къыбгъэдэкIыу а фестивалым  хэтынущ сурэтыщI Романовская Еленэ.  

Еленэ и IэдакъэщIэкIхэр зэрызэмыщхьым хуэдэу, я щIагъыбзэкIи зэхуэдэкъым. Арагъэнщ абы и сурэтыхэм щIэупщIэ яIэу Евразием, Америкэ Ипщэмрэ Ищхъэрэмрэ, Африкэм,   Австралием къыщIыхузэрагъэпэщар щIыщагъэлъагъуэр.

Урысей гъуазджэм щагъэлъапIэ  илъэс бжыгъэ дахэхэм я цIэкIэ   социальнэ проектхэр урыс щэнхабзэм ехьэлIа Iуэху 300 щагъэлъэгъуэнущ мы зэхыхьэм.

Урысей джазыр илъэси 100  щрикъум  ирихьэлIэу,  Игорь Бутман зи унафэщI  оркестрым  концерт ин итынущ.  Театрым и артист цIэрыIуэ Дягилев Сергей  къызэралъхурэ илъэси 150-рэ  зэрырикъум и щIыхькIэ,  Мариинскэ театрымрэ Театр Инымрэ  зыкъыщагъэлъэгъуэнущ.