КъБР-м и Iэтащхьэм деж къыщызэрагъэпэщащ властым и органхэм я зэдэлэжьэкIэр езыгъэфIакIуэ оперативнэ штаб

Къэбэрдей-Балъкъэр Республикэм шынагъуэншагъэмкIэ Оперативнэ штаб къыщызэгъэпэщыным теухуа унафэм Iэ щIидзащ КъБР-м и Iэтащхьэ КIуэкIуэ Казбек. Штабым и унафэщIыр езы КIуэкIуэр аращ. 
Мыр къызэрагъэпэщащ УФ-м и Президент Путин Владимир и Унафэм ипкъ иткIэ. Оперативнэ штабым хэтщ республикэм и къэрал, щIыналъэ, щIыпIэ гъэзэщIакIуэ органхэм я унафэщIхэр. 
- ЩIыналъэм и шынагъуэншагъэр гъэбыдэным хуэунэтIа Iуэхугъуэхэр цIыхубэм зыкIи зэран яхуэхъунукъым. Ауэ властым и органхэм къапэщылъщ цIыхухэм я шынагъуэншагъэр къызэрагъэпэщыну, щыIэкIэ-псэукIэр зэпха IуэхущIапIэхэр яхъумэну, ди сэлэтхэм­рэ абыхэм я унагъуэхэмрэ зыщIагъэ­къуэну, щIыналъэ гъунапкъэхэмрэ таможенэ къэпщытапIэхэмрэ я нэIэ трагъэтыну. НэгъуэщIу жыпIэмэ, влас­тым и органхэр щIэгъэхуэбжьауэ лэжьэнущ, уз зэрыцIалэр къыщежьам зэрыщытам хуэ­дэу. Ди цIыхухэм я псэукIэм ар зыкIи къыжьэхэуэнукъым: IуэхущIапIэхэр алъандэрэ зэры­лэжьам хуэдэу дяпэ­кIи я къалэныр ягъэзэщIэнущ, - къыхигъэщащ КъБР-м и Iэтащхьэ КIуэкIуэ Казбек.