ЩIыналъэхэм япыщIауэ

КъБР-м и Парламентым и УнафэщI Егоровэ Татьянэ ви­део­зэпыщIэныгъэ Iэмалхэр къи­гъэсэбэпу хэтащ УФ-м и Федеральнэ Зэхуэсым и Къэрал Думэм и зэIущIэм. Абы 2022 гъэр зэрекIуэкIамрэ къэралым зригъэхъулIахэмрэ щытеп­сэ­лъыхьащ УФ-м и Правитель­ствэм и УнафэщI Мишустин Михаил, апхуэдэуи фракцэхэм я депутатхэм я упщIэхэм жэуап яритащ.

Мишустиныр убгъуауэ къы­теувыIащ санкцэхэм хэкIы­пIэ къызэрыхуагъуэтым, дзэ Iуэху хэхам щыIэ сэлэтхэм зэрадэIэ-пыкъум, лъэпкъ проектхэр гъэ­зэщIа зэрыхъум, егъэджэныгъэ, щэнхабзэ IэнатIэхэм дяпэкIи нэхъыбэу зэрызрагъэужьынум, медицинэ хуэIухуэщIэр цIыхухэм я дежкIэ нэхъ тыншу къызэгъэпэща зэрыхъум, нэгъуэщIхэми. 
- Къэрал Думэм Урысей Федерацэм и хэгъэгухэм зэрадэлэ-жьэну IэмалыщIэхэр къегупсыс. Ар щIыналъэхэм щыIэ хабзэубзыху органхэм нэхъ быдэу пыщIа ­хъумэ, сэбэпынагъ куэд къы­пэкIуэнущ. А Iуэху бгъэдыхьэкIэр дэркIи щхьэпэщ, уеблэмэ мыхьэнэшхуэ зиIэщ. Сыт щхьэкIэ жыпIэмэ, щIыналъэхэм я лIы­кIуэхэм федеральнэ къулыкъущIэхэм къабгъэдэкI хъыбархэр занщIэу къытIэрыхьэнущ, Урысей Правительствэм иригъэкIуэкI лэжьыгъэми дыхэтыну Iэмал диIэнущ, - жиIащ Егоровэ Татья­нэ. 
УнафэщIым къызэрыхигъэщамкIэ, иджырей Урысейм дежкIэ хуабжьу гугъуу щытащ 2022 гъэр, къращIылIа санкцэхэм я зэранкIэ. Ауэ КъухьэпIэм сыт хуэдизу гугъу зригъэхьами, ди къэралым и социально-экономикэ щытыкIэр зэпIэзэрыту къызэтенащ, уеблэмэ зиужьащ. 
Къыхэгъэщыпхъэщ иджыблагъэ УФ-м и Федеральнэ Зэхуэ­сым и Къэрал Думэм и УнафэщI ­Володин Вячеслави щIыналъэ парламентхэм я спикерхэм зэIущIэ зэрадригъэкIуэкIар. Абы щыгъуэм къыхагъэщащ Къэрал Думэр лэжьэкIэщIэм зэрыте-хьэр, мыхьэнэшхуэ зиIэ Iуэхугъуэ­хэр утыку къыщрахьэкIэ, щIыналъэ парламентхэм я унафэщIхэ-ри видеозэпыщIэныгъэ Iэмал-хэм тету е зэIущIэм зрагъэхьэлIэу зэрыхагъэлэжьыхьынур.