ЩIым и сыхьэтЦIыхуIэ зылъэмыIэса щIыуэпсым и дунейпсо фондым (World Wildlife Fund - WWF) кърихьэжьа, къэрал куэдым зэдащта «ЩIым и сыхьэт» Iуэхугъуэм, нэгъуэщI теплъэ иIэу, Къэбэрдей-Балъкъэрыр мы гъэми хэтащ. Дызэрыт илъэсым ар гъатхэпэм и 25-м техуащ. Хабзэ зэрыхъуауэ
Къэрал куэдым я къалэхэмрэ къуажэхэмрэ щыщ унагъуэхэм, дэт IуэхущIапIэхэмрэ хьэрычэтыщIэ IэнатIэхэмрэ, еджапIэ зэмылIэужьыгъуэхэмрэ тыкуэнхэмрэ – лейуэ ягъаблэ уэздыгъэхэмрэ мыхьэнэ ин зимыIэ электро-Iэмэпсымэхэмрэ а пщыхьэщхьэм сыхьэт 20-рэ дакъикъэ 30-м деж щыIуач хабзэщ. Тхыдэ мыжыжьэм къызэрыхэщыжу
ЦIыхуIэ зылъэмыIэса щIыуэпсым и дунейпсо фонд (World Wildlife Fund - WWF) зыфIаща къэрал зэхуаку IуэхущIапIэр дыкъэзыухъуреихь щIыуэпсыр хъумэнымрэ зэтегъэувэжынымкIэ хэкIыпIэу щыIэхэр къэзыхутэщ, ахэм къэралхэр зэгъусэу йолэжь. Дызытепсэлъыхь Iуэхур, иужькIэ, 2006 гъэм, «ЩIым и сыхьэт» хъужар, къезыхьэжьауэ щытари аращ. Зэреджэр щIахъуэжам и щхьэусыгъуэу къалъытэр, уэздыгъэр пIалъэ гуэркIэ Iуичыным и мызакъуэу, адрей ди «хъугъуэфIыгъуэхэми» хуэсакъын зэрыхуейм цIыхур ирагъэгупсысын щхьэкIэщ.
Поделиться:
Читать также:
17.04.2024 - 11:48 →
Дунейпсо щIэиным и махуэ
02.04.2024 - 13:24 →
Бзухэм я дунейпсо махуэ
21.03.2024 - 10:00 →
Махуи жэщи щызэтехуэ
20.01.2024 - 13:00 →
Нэжэгужагъэщ - узыншагъэщ
15.01.2024 - 17:45 →
Мэзкъуэдыхэмрэ лъэпкъ паркхэмрэ я махуэ
|