Джэху Альберт и цIэр фIащУрысей гвардием и управленэу КъБР-м щыIэм и «Вершина» ОМОН-м и лэжьакIуэ, полицэм и сержант Джэху Альберт Руслан и къуэм, зи къалэн зыгъэзащIэу хэкIуэдам, и фэеплъ пхъэбгъу къыщызэIуахащ ар щеджа, Налшык къалэ и школ №19-м. Абы кърихьэлIащ Урысей гвардием и щIыналъэ IэнатIэм и унафэщIхэм ящыщхэр, гупым хэтхэр, ветеранхэр. ЕгъэджэныгъэмкIэ къалэ департаментым и лIыкIуэхэр, школакIуэхэмрэ егъэджакIуэхэмрэ, хэкIуэда щIалэм и анэ Маринэ, и Iыхьлыхэмрэ благъэхэмрэ. - Альберт лIыхъужьу хэкIуэдащ, и къалэныр щIыхь пылъу игъэзащIэу. Ди дежкIэ нэхъыщхьэр абы ди къэралым и къэкIуэнум папщIэ зэрихьа лIыгъэм и фэеплъыр тхъумэнырщ, къытщIэхъуэ щIэблэр абы щыдгъэгъуэзэнырщ. Хэкум папщIэ зи псэр зытахэм я фэеплъыр мыкIуэдыжынщ, - жиIащ Урысей гвардием и щIыналъэ управленэм и унафэщIым и къуэдзэ, полковник Трушин Алексей. Фэеплъ пхъэбгъур къызэIуахащ Трушин Алексейрэ къалэ администрацэм и хъыбар-аналитикэ къудамэм и унафэщI Хьэбэчыр Зурабрэ. Школым и советым и унафэкIэ, полицэм и сержант нэхъыжь Джэху Альберт и цIэр фIащащ ар щеджа школым и кадет классым. Iуэхум кърихьэлIахэм удз гъэгъахэр фэеплъ пхъэбгъум деж щагъэтIылъри, хэкIуэда хабзэхъумэм и фэеплъу дакъикъэкIэ щымащ.
Поделиться:
Читать также:
28.04.2024 - 17:33 →
Псыхэр къабзэ хъун папщIэ
28.04.2024 - 13:01 →
Архитекторхэм я зэфIэкIхэр
28.04.2024 - 11:59 →
Пэрыт увыпIэр адэкIи иIыгъынущ
28.04.2024 - 10:57 →
ПсэупIэщIэхэр - гуфIэгъуэ щIыкIэм тету
27.04.2024 - 16:12 →
ЩIыуэпсым хэт пэлъэщыфар?!
|